فتحت عيني على الساعه ٩ الصباح قمت رحت الحمام وضيت وصليت الضحى وجلست ادعي ..وبعدها رحت للمطبخ اجهز فطور عماني وجدتي دخل علي عمي ابو سعود وانا اجهز الكاسات والفناجيل وقال لي :
عمي ابو سعود : وين كنتي البارح الساعه ١٢ ؟
استغربت من سؤاله لي وقلت له والارتباك واضح على :كنت نايمه ليه ؟
قرب من عندي بكل صمت وشد شعري وسحبه ضربته مع صدرة بقوة ودفيته باقوا ماعندي
وقال لي وهو يصارخ : وتكذبين بعد ياقليلة الأدب والاحياء ان ماربيتك على يدي ما اكون ابو سعود !!!
تجمعو حريم عماني وعمي على صوت الصياح وجا عمي ابو شهد وشافني وانصدم وقال بكل غضب لعمي ابو سعود : سلامات مريض انت !!!! شفيك انت والله لو انك تضرب لك رجال تراها بنت اخوك ياغبي!!!
ابو سعود : انت خاصه يا ابو شهد لا تتدخل !!! شي مايخصك!
ابو شهد : كيف مايخصني وذي بنت اخوي استح على عقلك !!
ابو سعود : انت تدري وش سوت !!! ولا اعلمك ؟؟؟ طالعه نص الليل تقابل حبيبها ووقتها الناس نايمه !!!
ابو شهد: وش ذا الكذب تستهبل انت ؟؟
ناظر فيني عمي ابو سعود وقال لي : علميهم بعد اني اكذب !!!
فجاة ماحسيت بنفسي انربط لساني طلعت مؤامرة وفخ وفعلا وقعت بالفخ وقلت لهم : كان سوء تفاهم وصدفه !!! كان فيه شخص يهددني !!
قاطعني عمي ابو شهد وقال لي : انتي قابلتي احد البارح ؟؟
وقلت له : ايي بس كنت مجبورة !!
وقال لي عمي ابو شهد: ماتوقعتها منك صراحه! بس ليش؟؟
رد ابو سعود وقال : اكيد عشان تهرب !!
الكلام جرحني زي السم الي دخل بقلبي وذا من غير همسات حريم عمي وبناتهم والنميمة والظلم !! كان فيه شخص يلعب علي بس مين يكون !!! .
ابو سعود : المهم من اليوم ورايح طلعه من ذا البيت مافيه !! فاهمه!!! وانتم يالي على باب المطبخ وش موقفكم كل وحده تجي تاخذ الأغراض توديه المجلس بفطر جوعان !
اخذت ترف الصينيه وهي تناظر لي بكل حقد وقالت : ابشر يا ابوي يانظر عيني !
جهزنا الفطور ورحت بجلس عند الحريم وقبل ادخل سمعت
ام سعود تتكلم وتقول : احس توقعت منها ذي شيخه مدري ليش واضح انها قليلة ادب وتبي تهرب واكيد انه حبيبها تبي تفضحنا وتهرب معه !!
ماهتمت من كلامها ودخلت الجلس وعم الصمت بينهم وجلست واكلت معهم وصرت بينهم زي الظلام ومثل الشخص السيء !!!
ناظرت فيني ترف وقالت لي : مدري كيف لك وجه انك تجين !
رديت عليها وقلت : مالك شغل اجي او لا افطري وانتي ساكته واذا مو عاجبتك قومي !
أنت تقرأ
ذبحتني بدموعها ياسعود .
Romanceمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
