قامت شيخه تغسل الصحون وهي مو كامل وعيها وتقول بينها وبين نفسها : ذا يستهبل ولا مهبول ؟ اكيد يمزح ! واصلا ماراح ارد عليه بسحب عليه ! ،،،،، انسدحت شيخه على فراشها والجوال بيدها وتناظر له كان ودها ترسل لنواف بس كبريائها منعها حاولت تنام بس ماقدرت لين جت الساعه ٧ الصباح وهي مانامت ابد مسكت جوالها وهي معصبه وأرسلت لنواف : وش تقصد بكلامك؟
نزلت الجوال وحست براحه ونامت ..
___________________
في بيت ابو نواف
نواف يأس خلاص ولا فيه امل ان شيخه ترد عليه أو ترسل ضاق صدرة ونزل جواله بشاحن وانسدح فجأة كذا راح للمطبخ سوا له صامولي وبيده الشاهي عض الصامولي بفمه وراح للغرفه نيته بس يبي يشوف كم الساعه فتح جواله وانصدم من رساله شيخه شرق نواف بالصامولي وانكب الشاهي وحرق رجله وهو يصارخ مايدري يشوف رجله او يتنفس وبالقوة مسك حلقه بقوة وبدأ يضرب صدره وطاحت اللقمه وجلس يقح شوي وبسرعه اخذ جواله ورد
نواف مرتبك مايدري كيف يرد عليها وجلس على طرف السرير ورد نواف : لا تفهميني غلط بس انا ابيك على سنة الله ورسوله واذا ماتبين براحتك لك الحق انك ترفضيني!!.
شاف صح واحد بس واضح انها طالعه من الواتس وجوالها طافي
..
انسدح نواف على جمبه وبيدة الجوال يناظر فيه ينتظر رساله منها وفجأة نام نواف بدون ما يحس
__________________
جت الساعه ٢ الظهر وقامت شيخه تسوي لها غدا وتغدت وفتحت جوالها وشافت الرساله وحست بشعور غريب ماقد صار لها حست قلبها ينبض ووجها صار احمر ويدها ترجف خافت ونزلت الجوال وبعد ثواني ارسلت له وهي مو كامل وعيها ومعصبه
وردت شيخه : لا تفتح الموضوع ثاني مرة ولا ترسل لي زي كذا ! صح ان وقفتك معي كثيرة ولا تقصر بس انا ماافكر بالزواج نهائي ! .
ارسلت الرساله بس مازال الشعور يراودها وهالمره شعور ندم ليش مادري رن جوالها واخطفته بسرعه وطلع تركي تحسب المتصل نواف
وردة شيخه : هلا
تركي: جاهزة نروح للمستشفى؟
شيخه: يلا بلبس عباتي واجي
تركي تمام انا برا إذا جهزتي اطلعي
لبست شيخه عباتها وطلعت وركبت السياره سلمت شيخه على تركي وبدأ الصمت يسجل دخوله بينهم ولاحض تركي الصمت الغريب بشيخه
تركي بصيغة سؤال : شفيك ساكته ؟ مو من عادتك تسكتين
شيخه : هلا، لا ولاشي بس عشاني متوتره ساكته
تركي بابتسامه : المفروض تصيرين فرحانه عشان تشوفين تركي بأفضل الأحوال
شيخه : اي والله صادق معليش سرحت .
وصلو المستشفى ووقفت عند غرفة مشعل وهي خايفه ومتوترة حيل سمت بسم الله ودخلت الغرفه شافت مشعل جالس ياكل واول ماشاف شيخه جلس يصيح باسمها
مشعل بحماس : شيخه انتي حيه!!
ضمت شيخه مشعل بكل حزن وهي تردد : اي يامشعل انا بخير الحمدلله انت اخبارك كيفك !؟
مشعل : والله زي ماتشوفيني بخير الحمدلله مدري كم نمت يمكن شهر أو أكثر!
شيخه ودموعها على خدها : لا ماطولت الحمدلله الي ربي عافاك وخلاني اشوفك بخير
مسح مشعل بطرف يده دمعة شيخة وقال لها وهو يبتسم : خلاص لا تبكين انا بخير ماعلي اهم شي اني برجع البيت معك ونعيش زي قبل .
شيخه حبت راس مشعل الي ملفوف بشاش وقالت له : ابشر والله ماراح ابكي ...اكيد اني ماني رايحه بدونك للبيت الا وانت معي !.
وابتسم مشعل وبعد ثواني دخل الدكتور وجلس يفحص مشعل ويشوفه كيفه
الدكتور وهو يبتسم ووجه كان مبشر بالخير : لا ماشاء الله عليك يامشعل انت قوي اليوم
شيخه : متى يقدر يطلع ؟
الدكتور: ان شاء الله بعد ثلاث ايام يقدر يطلع نبي نتاكد انه سليم ولا فيه شي
شيخه : تمام
جلست شيخه عند مشعل وتركي كان عندهم وكانو يضحكون ومستانسين وفجأة دق الباب ودخل ابو سعود وأم سعود!
ابو سعود : السلام عليكم
وردو كلهم السلام بدون اي نفس
جلس ابو سعود على الكنب وجلست ام سعود عنده وقال ابو سعود : ماشاء الله عليك يامشعل وجهك يبشر بالخير
مشعل : اي والله الحمدلله انا طيب وبخير
ابو سعود : الحمدلله..كيفك ياشيخه ؟
شيخه : بخير الحمدلله وانت ياعمي اخبارك
ابو سعود: ماعلي طيب ..
قرب ابو سعود من مشعل وهو يبتسم وقال له : مشعل ترا بيكون بيتك عندنا وراح تعيش بالبيت انت وشيخه!
شيخه بصدمه : لا ياعمي ماتقصر بس انا ومشعل بنجلس ببيتنا وراح اعتني فيه !
ابو سعود : شيخه لا تخليني اسوي شي ما يرضيك انتي ومشعل بتعيشون عندنا وكلامي واضح من الليله ترتبين اغراضك وتنقلينهم لبيتنا
شيخه: طيب وبيتنا !؟
ابو سعود : بخليه للايجار بسبتك خسرت مصاريف واجد !
أنت تقرأ
ذبحتني بدموعها ياسعود .
Romanceمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
