جلس نواف على جواله طبعا نواف خريج فيزيا ويدور على شغل حط راسه على المخده وسمع رنه رساله بجواله سحب يده يم جواله وشاف الرساله الي خلته تفز من فراشه وينط زي المجنون !!! ركض نواف بجواله عند ابوه وقال له : يبه اقرا!!!!!
لبس ابوه النظارات بسرعه وجلس يقرأ: تم ترشيحك في كلية الضباط !! نواف صدق الرساله ولا مقلب !!!!
نواف : لاوالله صدق رشحوني اخيرااااا بعد كل الرفص قبلوني اخر شي !! ...وسجد نواف سجدت شكر
جا سلطان على ازعاج نواف وابوه وقال : سلامات وش ذا الازعاج ؟
نواف : شف شف!! انقبلت بكلية الضباط !! بعد سنتين من العطاله جتني الحمدالله!!
سلطان حطم معنويات نواف وقال له : اصبر ذا ترشيحك نشوف بعد المقابله وش يصير يرفضونك ولا لا
نواف عطاه تعبير الاحباط وقال : والله انك نكدي خلني بس اروح ابشر امي!!
نواف راح يركض بالجوال لأمه وقال لها : يمه ابشرك!! رشحوني بالكليه الضباط ولدك بيصير ضابط !!!
ام نواف : صدققق !! الحمدلله ياوليدي اخيرا بشوفك ضابط !
نواف : بس تكفين لحد يدري لهلحين انا الحين مرشح اذا انقبلت قبول نهائي بذاك الوقت علميهم !!!
ام نواف : طيب ابشر ماعليك ماراح اعلم احد !
نواف : زين يمه اريني بروح للاستراحة ويمكن ما اتعشى حلوين ؟ اخذ شماغه وحطها على كتفه وطلع من البيت وشغل السياره وراح للاستراحة وجاه اتصال من رايد
رايد : يالخاين ليش ماعلمتني انك انقبلت بالكليه مبروووكككككك !!!
نواف : ياليل مامداني اطلع من امي الا وهي داقه عليكم كنت بخليه مفاجأة لين انقبل نهائي
رايد : هههههه خذها قاعده اي شي ماتبيه يطلع لا تعلم فيه امك صدقني من قوة الفرحه علمت امي! يلا انا بروح اودي امي عند نوره اكيد انها حنت على امي
نواف : اي والله صادق زين مع السلامة....
ياخي امي كم شخص علمته !!
رحت للاستراحة وتكيت فيها مع اخوياي.
_______________________________
ورا القضبان الحديدية هدوء المسكن والوحده الموحشه ولا زالت نوره تنكر انها الغلطانه وانها الصح ومظلومه ! بينما وهي جالسه حارمه نفسها من الاكل جتها الشرطيه وقالت لها أن امك تبي تقابلك راحت لها نورة بغرفه منعزله ومشدده وجلست على الكرسي لاحظت امها هالاتها السودا بسبب انها ماتنام وفمها الناشف ووجها الشاحب ناظرت فيها امها وقالت لها .
ام صالح: نورة كيفك يابنتي ؟ عادي ياروح امك كلها ايام وتطلعين!
انهارت نورة تبكي وقالت لها : انا نورة انسجن بسبب شيخه !!!! والله ماكون نورة اذا ماخليت شيخه تنسجن سنين !! خليني بس اطلع ويصير خير !!
أنت تقرأ
ذبحتني بدموعها ياسعود .
Romanceمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
