ناظر فيها نواف الدموع على خدها ووجها الأصفر الشاحب تكلمت شيخه وهي تبكي
شيخه وصوتها يرتجف : مشعل وينه !؟ قالو انه في غيبوبه!
حاول نواف انه يهديها ولا قدر يتكلم عن حالة مشعل وقال وعيونه تناظر الأرض : مع الوقت بيتحسن انتي الحين ارتاحي
شيخه : ابي اشوف مشعل ! تكفى خلني اشوفه ابي قلبي يرتاح !
نواف منكسر قلبه ولا يبي شيخه تشوف مشعل بس مايقدر يسوي شي وقال : طيب بخليك تشوفينه .
شيخه نست نفسها انها مو لابسه عباتها وبسرعه لبست عباتها وطرحتها وتغطت راحت للغرفة الي فيها مشعل منوم وكانت تشوفه من ورا القزاز ناظرت فيه وجلست تبكي
وتقول : مابي اخسرك واكون لحالي !
ناظرت بنواف وقالت : كيف لقيته ؟ وكيف كان علمني !
سكت نواف ولا يبي يقول لان اخوها اعز ماتملك وقال لها وهو خايف من ردت فعلها : لقيته طايح ب الأرض واخذته للمستشفى.
شيخه : كم نسبة النجاة ؟ اكيد قالو لك وش قال لك الدكتور بعد ابي اعرف انا اخته !
نواف : الدكتور يقول حاليا مقدر اتكلم لانه لازم يسوي العملية وبعدين يشوف .
شيخه : كم تكلف ؟
نواف : ٣٠ الف
سكتت شيخه وقالت : بدخل اشوفه بس بشوفه
نواف : بحاول انهم يدخلونك .
وبعد محاولات واقناع من الدكتور نجحت شيخه انها تشوف مشعل وليتها ماشفته بذا المنظر ! دخلت شيخه ونواف معها وشافت مشعل وكيف كانت الاجهزه مغطيه جسمه ووجه مسكت شيخه يد مشعل وانهارت عن كتفه وبدت تحب راسه وهي تبكي وتتمنى بنفس الوقت انها كانت بدال مشعل جلست تبكي لين جاها الدكتور وطلعهم بالقوه لان عطاهم مهله ١٠ دقايق بس وراحت شيخه لغرفتها وهي ضايقه من منظر مشعل
نواف : شيخه تبيني اساعدك واسدد رسوم العمليه؟
شيخه ناظرت فيه وقالت : لا !
نواف : ابي اساعدك !
شيخه : تبي تساعدني ! خلني بحالي انت وابوك ماجابني الهم والضيق غيركم ! والحين ابيك تطلع برا ولا ابي اشوفكم ! فكوني من شركم
سكت نواف وطلع من الغرفه ورجع البيت بدون علم ابوه
_________________________
(في بيت ابو سعود )
ابو سعود وهو على الجوال جته ام سعود وقالت
ام سعود : وش بتسوي بمشعل ؟
ابو سعود : وش بسوي فيه يعني ماعندي القدره الماليه اني ادفع الرسوم
ام سعود : بقولك شي بس لا تعصب
ابو سعود : قولي وش فيه ؟
ام سعود : شفت الأرض الي قريبه من عندكم امك الله يطول بعمرها تبي تبيعها عشان تعالج مشعل
ابو سعود : انتي متأكده باللي سمعتيه ؟
ام سعود : اي متأكده !
راح ابو سعود لأمه وهو معصب دخل المجلس وكان بالمجلس أمه وحمد ( ابو شهد ) ...تكلم ابو سعود بعصبيه
وقال : كاني سمعت انكم بتبيعون الأرض عشان تعالجون مشعل فيها !
ابو شهد : اي نعم ذا ولد اخونا لازم نعالجه ولا بيروح مننا ! واصلا وش يدريك انت؟
ابو سعود : بيع ارض مافيه ! انا لقيت لي رجال بيشتريها مني واتفقت معه !
ام سعود (جدة شيخه) : محمد ! ذا حفيدي ولازم اساعده وانقذه وانت لا تتدخل بشي ولا والله ماراح اسامحك !
طلع ابو سعود من المجلس معصب ركب السيارة وراح ولا احد يدري وين رايح..
أنت تقرأ
ذبحتني بدموعها ياسعود .
Romanceمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
