اخذت ام نواف تنهيده طويله وطلعت من المجلس ومسكت جوالها بكل تردد
[ للعلم ان ام نوره اخت ام نواف يعني اخوان ماخذين خوات على العادات والتقاليد ]
اتصلت ام نواف على حصه وردت عليها : هلا منيفه كيفك ؟
منيفه : والله بخير الحمدلله انتي اخبارك كيف ابو صالح وصالح وعيالك كلهم؟
حصه : ماعليهم كلهم طيبين
منيفه بنبرة تردد : انا والله جايتك بموضوع وابيك ترحبين فيه بصدر رحب
حصه بأنفعال: اي والله يا وخيتي حتا احنا ولا نبي نهاوش وين وعدكم الي له سنين لنوره ونواف ترا مانسينا ولا ليكون بس ماتبونا ؟
ماتدري منيفه وش تقول وسكتت من الصدمه وتفشلت وقالت لها : لا ان شاء الله قريب قريب ماعليه
حصه : اي ان شاء الله تدرين اننا نبي نواف وشارينه بس وينه مايجي خالته ولا عمه ولا نشوفه ابد !؟ الا صح قولي لي وشو موضوعك نسيت من كثر الحماس الي بي !
منيفه تراجعت عن كل كلمه وقالت : موضوع؟ ولا شي ياختي حصه انا مشغوله شوي كذا اكلمك
وسكرو الخط وقالت منيفه بينها وبين نفسها ان خلاص مافيه فايده ولازم نستسلم للأمر الواقع !
بدت منيفه (ام نواف) تحاول انها تقنع احد بس مافيه فايده ولا فيه مجال انها تلغي موضوع الخطبه السبب الي خلاها تتراجع هو نواف وتعلقه بشيخه خايفه ان ولدها يتعب او تكون هي السبب بفشل بحياته الزوجيه __________________________
(في بيت الجده ابو سعود )
انتهت شيخه من تنظيف المطبخ وطبعا كانت لحاله ولا احد كان معها يساعدها شيخه ببالها انها تبي ترجع للبيت ولا تبي تسكن عندهم مثل الخدامه تشتغل لهم طبعا بعد ماخلصت من المطبخ وتنظيفه رحت لغرفتي ورميت نفسي على فراشي ولعلي نمت بملابسي الي مليانه ماء وتعب واجهاد وكل ذا بسبب سوء المعامله.....صحيت الصباح على صوت طق باب غرفتي قمت وكنت يالله يالله امشي من تعب البارح وفتحت الباب وكان عمي ابو سعود يالله صباح خير وش جابه الحين
قلت له وانا صوتي نايم: هلا عم وش بغيت ؟
عمي : نعم وش بغيت؟ وين الفطور والقهوه والشاهي؟؟؟
ناظرت له وقلت : فطور ؟ محد قال لي اسويه واصلا انا ماني راعية البيت اني اطبخ ؟ ولا لا ؟
مسكني من عند كتفي وقال : اخلصي علي قومي سوي لي الفطور الحين ماني فاضي للهرج والواجد !!
وفعلا صبرت وسكت ورحت سويت لللعايله الكريمه قهوه وشاهي وفطور لأني حاطه ببالي بعد الفطور برجع للبيت تعبت ومالي جلسه بالبيت وبعد ماخلصت وفطرت العائله الكريمه رحت لغرفتي اخذت ملابسي وحطيتهم بالشنطه وجتني الملقوف ترف تبي تشوف وش اسوي
ناظرت فيني باستغراب وقالت بستهزاء : وي شدعوه ليكون بتروحين لبيتكم؟
كملت ترتيب الملابس وقلت لها وانا ارتب : اجل اجلس عشانك اكيد اني ابي الفكه منك ومن اشكالك!!
والواضح ان ترف زعلت مني وراحت وانا فرحت انها طلعت عشان اكمل ترتيب وجاني عمي واستند على باب غرفتي وقال لي : على وين يالشاطره ؟
تركت الملابس ووقفت وقلت : برجع للبيت يعني وين بروح انا انسانه ارتاح ببيتنا
ضحك علي عمي وقال : بيت اي بيت؟ بيتك هنا وبس وانسى غيره
لحظه لحظه الكلمه الي انا سمعتها صح ولا عمي وش جالس يقول؟
ناظرت له باستغراب وسألته : وش قصدك انسى بيتي؟
عطاني ابتسامه سريعه وقال لي : اي نعم يابنيتي انسي بيتك لاني بعته وخلاص !
من الصدمه والخوف الي فيني رديت عليه بانفعال حسيت انه يكذب علي او انه بس يبي يقهرني ماني مصدقه ابد باللي جالس يقول: عمي كيف بعته بدون إذن مني ذا بيتي ورثه من ابوي كيففف !!! مالك اي حق تلمس ورثة من ابوي !!!
ناظر فيني عمي بنظره حاده ورد علي برد يكسر الخاطر : من البدايه ياشيخه كنتي تبين تتحديني لعبتي علي وفشلتني عند ابو نواف وطيحتي وجهي عنده والحين جا الوقت الي اربيك فيه اخليك خادمه عند رجولي اربيك واذلك واخليك تعرفين ان الله حق ولا تتحديني او تكسرين كلمتي !!
عصبت عليه وقلت : والله بتشوف وبشتكي لك للشرطه !!!
ضحك على وكأني قلت نكته وقال : اي اي روحي اشتكي عشان صدق مايكون لك بيت وتنامين بالشارع زي الكلاب !
وطلع لغرفه وخلاني لحالي وانا مصدومه ومنهاره والدنيا كلها قفلت بوجهي كيف قدر يبيع البيت بدون إذن مني !!! ومن الي شرا البيت وكييف!!
وطلعت بنته وراه بعد ماكنت اسمع ضحكاتهم من بعيد جلست عند الشنطه وانا منهاره كيف قدر ووش السواه الحين !!! اعيش معهم ولا كيف ابي اطلع ابي اهرب مافيه مخرج!
أنت تقرأ
ذبحتني بدموعها ياسعود .
Romanceمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
