وصل ابو نواف يم المستشفى وتباعدت امه المسافه وهي ماسكه قلبها وخايفه على ولدها بدو يسألون الدكاترة لين مادلوهم على نواف راحو للغرفه الي فيها نواف وطاحت ام نواف على كتفه وهي تبكي ماكان نواف صاحي جاهم الدكتور وعلمهم بحاله نواف بس مايدرون متى يصحى يمكن يجلس ثلاث ايام مايصحا او اكثر بعد ! .
ابو نواف يمسح دموعه : ام نواف تعوذي من الشيطان هذا هو طيب ولا هو مكفن! سمعتي الدكتور وش قال! بخير الحمدلله.
ام نواف: ااهه ياويلدي ياقطعه كبدي قم وانا امك اكيد ماجيت الا وتبي تبشرني بقبولك قم وعلمني وش قالو لك !
جلسو عند نواف لين ماجا سلطان وانهار على اخوه وتذكر تحطيمه له وتأنب ضميرة منه وبعد ساعات من فقدان الأمل رجعو للبيت ! .
استمر الحال وبدت الايام تمشي لين ماجا اليوم الثالث ...
فتح نواف عينه والتفت يمين وشاف الاجهزه بجسمه وجلس يناظر ويستوعب مسك راسه من قوة الألم وناظر في يده الا وملفوفه شاش! رمى البطانيه على الأرض وشاف الصدمه وحتى رجله اليمين فيها جبيرة وشاش !!
نواف ماسك راسه ويقول : عبدالله !
نزل ابرة المغذي وطاح من فراشه وبدا يزحف بروحه لين ما وصل للباب شافته الممرضه وركضت له تجمعو عليه الممرضين وجلسوه
نواف وهو يبكي : عبدالله وين !!!
الممرض : اول شي قول لا إله إلا الله واذكر ربك واستهد بالله وقدر الله وما شاء فعل عبدالله راح الي ارحم مني ومنك عبدالله توفى ان لله وان اليه راجعون!!
نواف : تكذب !!! عبدالله ماراح يخليني ابي اشوفه !!! ودوني له !
الممرض حاول يهديه وقال : قد صلو عليه صلاة الجنازة قبل يومين !
انفعالات نواف كانت قويه لين ماجا الدكتور وطقه ابرة مخدر ماقدر نواف يتقبل موت عبدالله .
__________________________________
اليوم الثاني في بيت ابو عبدالله .
بدو يعزون ابو عبدالله بولده وجلس ابو نواف عند ابو عبدالله
ابو نواف : والله مدري وش اقول بس
ابو عبدالله : هذا قضاء الله وقدرة لا اعتراض المكتوب وصار الحمدلله على كل حال ولا تلوم احد خلاص يا ابو نواف كم مرة تحسسني ان ولدك السبب !
ماقدر يتمالك اعصابه ابو نواف وبدأ يبكي على كتفه
ابو عبدالله: ولدك كيفه ؟ ماصحى ؟ وهل الزيارة عادي ولا لا
ابو نواف : لاوالله باقي ماقام اليوم العصر بزورة كان تبي تجي معي !
ابو عبدالله : اي والله ابجي بشوف نواف والله انه مثل ولدي على كثر ما عبدالله يسولفني عنه الله يرحمه ويغفر له!
ابو نواف ابتسم وقال : تصدق وهم على الطريق ارسل لي عبدالله رساله ان نواف مقبول وعلمني انها بتصير مفاجأه لأمه ياربي يالدنيا ماتدري وش بيصير بعدها !
أنت تقرأ
ذبحتني بدموعها ياسعود .
عاطفيةمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
