بعض المرات يندم الإنسان على أشياء سواها وبعض المرات يسوي الشيء ويمر شريط الذكريات قدامه ويقول ليتني ماسويته وسؤالي حاليا هل الثقة تشتري ؟ ....
____________________________
قامت شيخه يوم شافت ابو نواف
ابو نواف وهو مستغرب : السلام عليكم
شيخه بكل خوف : وعليكم السلام
ابو نواف : هلا شيخه وش عندك جايه ؟
قربت شيخه ومدت يدها وبيدها الكيس : هذا هو قيمة دين ابوي ١٠٠ الف كامله انا جايتك لاني بسدد الدين وانهي الاتفاق الي كان بينك وبيني وهو الزواج .
ابو نواف : عفوا ؟ عقب ماعطيت عمك الهدايا وعقب ما خططت لكل شي والملكه ؟ والحين جايتني تقولين تسددين دين ابوك ؟
شيخه بكل شجاعه : عمي كان بيزوجني منك غصب وانا بالفترة ذي كنت اجمع الفلوس انا حاليا ابدا مافكر بالزواج واخوي عندي
ابو نواف : عمك يدري بالشيء ذا؟
شيخه : لا بس لو يدري احتمال يسوي مشكله وانا ادري ان عمي لو يدري سوا مشكله كبيره بس انا مالي شغل بعمي الحين انا جايتك انهي كل الاتفاق واسدد دينك
قاطعت كلامهم نوره بكل خبث : نعم نعم !؟ كيف راح ترجعون له فلوس الهداية ووش راح يقول للرجال الي عزمهم علميني ؟
عصب نواف وقال : نوره مالك شغل !!
طاح وجهه نوره وطلعت برا البيت وهي معصبه ولحقتها ام نواف بس مارضت وطلعت
شيخه : خذ الفلوس
ابو نواف : اخر كلام عندك ؟
شيخه ناظرت فيه بكل جديه : اي نعم
اخذ ابو نواف الفلوس وقال : الشكوى لله ليه عمك ماعلمني انك مو راضيه ؟
شيخه : عمي يلحق الفلوس ويدورها ولا همه اصلا رأيي اذا ابيك او لا .
ابو نواف : زين بتفاهم معه وخلاص الي بينك وبينك انتهى .
فرحت شيخه وفرح نواف معها
شيخه : زين انا سلمت الامانه والحين بمشي
طلعت شيخه وكان قلبها يطق بقوة من الخوف ووجها احمر ومعرق كانت خايفه مرره بس الحمدالله راح كل شي لحقها نواف لبرا
نواف : شيخه انتظري
شيخه التفت قبا تركب السياره وقالت : هلا
نواف : شفتي علمتك خليك واثقه فيني مستحيل اخذلك
شيخه بكل ابتسامه وسعاده : والله مدري وش اقولك وفعلا شكرا لك اليوم الي سويته لي ماراح انساه طول حياتي بس قلي وش تبيني اجازيك فيه لاني ابي اشكرك .
نواف : بعدين اقولك ..مايحتاج اهم شي انك فرحانه ومو متضايقه واسمعي اي شي تبينه علميني انا بالخدمه وثاني شي اذا جاكم عمك واعتدى عليك بس دقي علي وربي ماخليه !
أنت تقرأ
ذبحتني بدموعها ياسعود .
Romanceمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
