في اليوم الثاني نورة جالسه على طرف السرير وجاها اتصال من صديقتها رزان
نورة : هلا ؟ غريبه داقه الحين
رزان : بعطيك البشاره !!
نورة ببرود : بشري عساه خير ؟
رزان : شيخه تزوجت وملكتها كانت البارح !!
عدلت جلستها نورة وقالت : كذااابهه!!!!
رزان : والله !!! كل اهل الديرة يتكلمون فيهم !
نورة بفرح : اخيرا ربي استجاب دعاي وافتكيت منها !! اخيرا ما بغت تتزوج !!!
رزان : ايوه وبعدين طيب ؟ متى يجي دورك طيب ؟
تلعثمت نورة وقالت : انا ؟ قريب قريب ان شاءالله بس مشغوله ها الفترة فا ماني يم شي
رزان : تمام اوك انا بروح مشغوله باي
طفت الجوال نورة وتقول بينها وبين نفسها اذا شيخه راحت من يد نواف فا اكيد نواف لي! مستحيل يتزوج وحده غيري !!!
___________________________
فتحت عينها شيخه ومسحت عيونها وناظرت بالخاتم الي باصبعها وكيف مشاعر الغضب والكرهه نزلت الخاتم تحت الوسادة وقامت تسوي الفطور جاها عمها وقال لها
ابو سعود: شيخه ترا المهر وصل والزواج الخميس الجاي !
ناظرت فيه وقالت : بذي السرعه !!! عمي انت تدري اني مابيه كيف قدرت تبيعني لشخص مابيه !!!
ابو سعود بعصبيه : بنتت اسكتيييي ذا ولد خالتك الي سترك عن الفضيحه ! اخلصي علي وجيبي القهوه ماني فاضي واذا تبين السوق اليوم سعود بيودي امه واخته روحي معهم اشتري فستان زواجك !
ناظرت فيه وقلت بيني وبين نفسي يقصد اشتري كفني! .جهزت القهوه ونزلتها في المجلس وجدتي تتهرب من نظراتي !
اخذت الفطور ورحت لغرفتي افطر لآخر اسبوع !
________________________________
في بيت ابو نواف
جت ام نواف لغرفة نواف
ام نواف: نواف تعال افطر معنا !
نواف : يلا جاي جاي .
ام نواف: شفيها عيونك حمرا ؟ ليكون تعبان بس ؟ واصلا البارح انت وين كنت ومتى جيت للبيت !!
نواف : يمه تكفين جالسه تحققين معي ولا خايفه علي! رحت للبر وجيت ! وثاني شي اكيد حساسيه الي في عيوني خلاص يمه اطلعي انا جاي !
وبعد ربع ساعه جلس نواف على السفرة وكلهم جالسين مسك سلطان جوال ابوه وقال
سلطان : ماشاء الله تبارك الله !
ابو نواف : اسلم وشو ؟
سلطان : يوم الخميس الجاي انت معزوم على زواج !
ابو نواف: اقرا منهو الداعي مافتحت جوالي ابدا اليوم !
قال سلطان وهو يناظر في نواف : يبه زواج تركي على شيخه بنت خالته وكلنا معزومين !
شرق نواف بالقمه وشرب ما وقال : يعني تقراه عندي ليه ؟
ابتسم سلطان بخبث وغمز له وقال : شفيك تحسست ؟
قام نواف يبي يضربه بس مسكته امه وقال نواف : بالعافيه شبعت ! ...سحب نواف العصا وراح للغرفه وسحب جواله وجلس يناظر في رساله شيخه ضغط على الاسم بيحذفه بس ماقدر يحذفها !
ناظر نواف للسقف وقال : وشلون قدرت تسويها ؟ يعني كل هالمده كانت عبث!! راحت ينواف اصحى لا تعيش في الماضي اصحى يانايم ! راحت لشخص غيري .
_____________________________
في بيت ابو سعود .
ام سعود جت عند غرفه شيخه : بنت شيخه يلا تجهزي نبي نروح للسوق !
شيخه : ماني رايحه بعدين اروح !
ام سعود: لاوالله؟ وش بتقول الناس عننا وانتي مارحتي للسوق؟؟ بيقولون اننا ماهتمينا فيك وكأنك مغصوبه!!
ضحكت شيخه وقالت : طيب هذا الصحيح الحقيقيه توجع صح؟
عصبت ام سعود وقالت : وجع وتجادليني بالكلام !! بسرعه البسي عبايتك ولا أعلم عمك! اخلصي علي ماني فاضيه لك!
ناظرت فيها شيخه بكرهه ولبست عباتها وجلست ع السيارة وشوفو قوة الضيقه والكتمه من نظرات ترف لها! وشهد جالسه على يمينها وترف على اليسار وصلو محل الفساتين وبدت شيخه تناظر تبي ابسط فستان لانه فعليا ماتفرق معها مسكتها شهد وقالت لها :
شهد : شيخه الفستان ذا عليك مع شعرك المفكوك بيضبط عليك بيطلعك ملكه ملكه !!
ناظرت فيها ترف وقالت : ويع ماراح تحلين الفستان مو حلو ابدا !
شيخه : خلاص باخذ ذا !
استانست شهد وقالت : تعالي انا اساعدك !
وقفت ترف قدام الفستان وجلست تتامله الدمعه على خدها ودها تكون بدل شيخه
تعبت شيخه من المشي وقالت لترف: ترف خلينا نجلس هنا شوي
شهد : طيب..بسألك وش شعورك متحمسه؟
نزلت شيخه راسها وقالت : لاوالله احس اني بروح لغرفه مقفله ومظلمه شعور متشتت كأني بضباب او مثل الحلم !
شهد : ماعليه يا شيخه راح يعدي كل وقت تشوفينه تعيس ويبدله فرح بس اصبري ماتدرين انه خير لك !
شيخه جلست تبكي على كتف شهد مسحت بيدها شهد على رأس شيخه وتعلمها ان كل شي بيمر .
أنت تقرأ
ذبحتني بدموعها ياسعود .
Romanceمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
