جلست شيخه بالسيارة بكل هدوء وجلست مشعل قدام وشيخه كانت ورا حسيت وانا جالسه بالسياره ان فيه شحنات سلبيه وحزينه توصلني شي غريب ولا قد حسيت فيه بحياتي شغل نواف اغنيه وكانت حزينه :(اااه القطار وفاتنا !!!.والمساافر راح ) ...بدت عيوننا تتلامس بالنظرات من خلال المرايه الاماميه نظراته حزن وضيق كان ودي بس اسأله وش فيك ليش انا وش سويت ماسويت شي غلط !! بس ماقدر لأني خايفه من جوابه اخاف يقول لي السبب واتوجع لاني اشك انه يبغاني بس انا مابي ! ..... حسيت ان مسافه الطريق للبيت صارت طويله وغريبه ماكانت دقايق بل كانت ساعات من التفكير العميق، وصلت للبيت ونزل مشعل واول مامسكت الباب
قال لي نواف بغصه و بنبره حزينه : متأكده انك ماتبيني؟ فكري في الموضوع !
ضغطت على مقبض باب السياره بقوة وقلت له : اي مابيك ولا ابي اشوف وجهك من اليوم ولا ابيك حتى ترسل علي !! امسح رقمك من عندي الموضوع الي بيني وبينك انتهى لهنا خلاص انسى وروح لنوره على الاقل هي تبيك !
ونزلت من السيارة والعبرة خانقتني دخلت البيت وقلبي كان يطق بقوة ويديني ترجف ركضت لغرفتي ابي اطلع شي مكتوم بصدري لهه سننينن كاتمته ابي ارتاح من عذاب الضمير وش الكلام الجارح ذا الي قلته لنواف ليش قلت له كذا ! دخل علي مشعل وانا ابكي بهستيريه وماني قادره اسكت جلس عند رجلي مشعل وبدأ يمسح دموعي ويقول : شيخه اذا خايفه من عمي عادي مو لازم نسكن عنده !
بديت اناظر العصابه الي برأس مشعل وعيونه الغرقانه بالدموع اهخ يامشعل لو تدري وش همي بس ابتسمت له ومسحت دموعي وقلت له : لا يامشعل عادي بس انا بكيت لاني كنت خايفه عليك !
وقفت وقلت له : يلاه خلنا نتجهز!.
جهزت شنطتي وشنطة مشعل وبعده بنص ساعه طق الباب وكان عمي انا ملاحظه على عمي شي غريب انه كان يبتسم لي بس مستحيل يكون ورا الابتسامه نيه طيبه لانه أخبث انسان على وجه الأرض!
ركبنا سيارة عمي وتوجهنا للبيت دخلنا للبيت وبدا عمي ينادي لبنته ترف .
ابو سعود : ترف بسرعه تعالي !!
جت ترف تركض بخوف وقالت له : هلا يبه وش فيه !؟
وقال لها ابو سعود بنبرة سخريه : خوذي ضيفة الشرف شيخه ووديها لغرفته خليها ترتاح
ابتسمت ترف ابتسامه استهزاء وقالت : تمام يبه
ناظرت فيني ترف نظره سريعه وقالت لي : امشي وراي
وانا امشي معها حسيته تطقطق علي انسانه عجيبه وغريبه !
وقفت عند باب قديم خشب وقالت لي : ليكون تبيني افتحه لك ؟ ولا اقول عشانك ضيفه بس بفتحه
اهخ وش اقول وش اخلي يوم فتحت لي الباب ماكنت غرفه طبيعه كان مستودع ملابس !!!
ناظرت فيها وقلت بتعجب : وش ذي الغرفه ليكون غرفتي؟
ناظرت فيني وقالت : ليه ماعجبتك؟! وتخب عليك بعد .
ماقدرت اتكلم من الصدمه ونزلت شنطتي ورحت لجدتي على طول وترف تلحقني ماتدري انا وين رايحه رحت لجدتي وكانت بالمجلس جالسه وعندها عماني وسعود بينهم
سلمت على جدتي وقلت لها بنبره جديه : جده انتم معطيني غرفه المستودع انام فيها ؟
انصدمت جدتي من كلامي وقالت لي : المستودع !!! بس انا مجهزه لك غرفه من الي عطاك المستودع!! علميني !!
قاطع كلامها عمي سعود وقال لها : نسيت ترف اكيد ضيعت الغرفه المره ذي انا بوديك غرفتك ! _______
نسيت الخوف نسيت وش هي مشاعر الخوف اصلا تبلدت مشاعري ولا اهتميت لشيء الشي الوحيد الي انا مهتمه له هو مشعل ينام بغرفه مثل أي شخص وبس......
مسكني عمي من كتفي وقال بهمس : الحقيني !
مشيت ورا وحسيت بفخر من اليوم ماراح اسكت عن حقي حتى ابسط الاشياء !
دخلني لغرفه واسعه وفيها سرين وتسريحه وكانت جميله الغرفه ذي
ناظرت بعمي وقلت له: ومتى ارجع للبيت ؟
عطاني ظهره وقال لي : هذا بيتك وانسي غيره!!!!
أنت تقرأ
ذبحتني بدموعها ياسعود .
Romanceمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
