جا اليوم الثاني الي وتر شيخه وتقول بينها وبين نفسها معقوله بيجي تركي؟ نزلت من فراشي وسويت نفس روتيني الي قبل صليت وجهزت الفطور جا العصر وهنا حسيت بنغزات بقلبي قلبي يقرصني وفعلا الي خفت منه وقع ! جاني عمي ابو سعود وقال لي
عمي ابو سعود : شيخه بسرعه جهزي القهوه عندي رجال بيجوني!!
رحت للمطبخ وجهزت القهوه والشاهي ونزلتها في مجلس الرجال وانا ادعي انه مايكون تركي ويارب ان عمي يرفضه ! ...سمعت صوت الرجال وفعلا طلع تركي وابوه ! رحت للمطبخ افكر وش بيقول عمي ووش بيصير جتني ترف تركض وعيونها مغرقه بالدموع صدمتني بحالتها الغريبه وقالت لي
ترف وصوتها يرجف : انتي !!! يالحقيرة بعد مالعبتي على نواف تروحين لتركي !! حتى تركي اخذتيه مني !!!
رديت عليها وانا ابدا ماني مستوعبه اي كلمه تقولها : ترف وش الخرابيط الي تقولينها !!! من قالك اني باخذ تركي !!!
ترف : تركي جاي يتقدم لك ! وتجحدين بعد !!
وراحت ترف من عندي وكلها دموع والواضح انها كاتمه حب تركي بقلبها ! انتظر عمي يجيني يشاورني بس محد جاني !! بس ساعه ونص طلعو الرجال وبقى عمي جيت عمي واول مره اشوفه يبتسم وقال لي .
عمي ابو سعود : شيخه جالك عريس تركي تقدم لك ووافقت عليه !!!
وقلت له بقهر: بس انا مابيه !!!! وانت ياعمي اذكرك ماتحب تركي كيف قدرت تزوجه لي انا مابيه برفض !!!!
وقف عمي ابو سعود وناظر فيني وقال لي : والله لو ترفضينه مو احسن لك !! اصلا احمدي ربك إن لقيتي احد ياخذك ! المهم اسمعي تجهزي بعد اسبوع بتكون الملكه !
وقلت له بخوف : طيب واذا رفضت ؟
وقال لي : جربي ترفضين وش بيصير فيك المره ذي ! خليني بس اسمع انك رفضتي ياويلك مني !!! بتفضحيني زياده بعد !؟
طلعت لغرفتي بعصبيه وقفلت الباب وجلست على طرف السرير طيب تركي وش فيه؟ انا ابي اطلع من ذا البيت وابي اخذ مشعل معي بس انا ليش متضايقه ! انا ما اكرهه تركي بس شعور غريب جالسه احس فيه ! اف ياربي وش الي يصير فيني ليش انا احس كذا ابي جواب !!!
_____________________________________
في بيت ابو نواف .
نواف : يمه بغيتي شي؟
ام نواف: الله يوفقك يارب بس عليك بصلاتك انتبه لها واسمع ان وصلت علمني !
نواف : ابشري يايمه على هالخشم بس اسمعي اول ما اوصل عند المكان ترا بقفل جوالي عبال مايخذون معلوماتي وان شاء الله اكون من المقبولين وادخل الدورة العسكريه !
ام نواف: الله يوفقك ياوليدي انتبه لعمرك !
حب نواف راس امه وراس ابوه وسحب الشنطه معه وركب للسيارة ومعه عبدالله مسافه الطريق حول ٣ ساعات فكان عبدالله السواق ونواف على النافذة يتأمل
وقال نواف :ااهخح تخيلت لو اطلع من الدورة العسكريه واروح اخطب الي احبها يعني وظيفه و زوجه
عبدالله: والله الصراحه طلباتك كلها متوفره وبسيطه بس تخيل لو صار العكس؟ تطلع من الدورة وواللي تحبها متزوجه
نواف : لو تصير احتمال اموت قهر! مستحيل يارجال ماهي صايره !
عبدالله: ماتدري عن الحياه وعن المكتوب ؟!
نواف : صحح بس ياخي قل شي خير ! المهم تهقا انهم يقبلوني ؟
عبدالله: اكيد ! طولك ١٨٩ ووزنك حول ٧٠ اي اكيد ماعليك !
نواف : والله خايف !
عبدالله: لا يارجال بس توكل على الله وامورك سليمه ميه بالميه
نواف : ان شاءالله..
بعد ساعات وصلو المكان وبدأ نواف ينتظر بالطابور لين ماجا دورة شافو طوله وكل شي وفعلا صار مقبول والدورة العسكريه بعد اسبوع! ركض نواف عند عبدالله وهو طاير من الفرحه
وقال : قبلوني ياعبدالله!!! وبعد اسبوع الدوره
عبدالله : كفوو والله علمتك !! يلا اجل دق على امك وبشرها !
نواف : لا بخليها مفاجأه لها! شرايك نسري للديره متحمس اقابل امي واعلمها !
عبدالله : ابشر تمم بس ماتحس ان الوقت الحين متأخر بعد المغرب ؟ شرايك اليا أصبحنا وافطرنا مشينا ؟
نواف: امش بس وانا السواق !
عبدالله: اجل يلا مشينا .
ركبو السياره وبدأ نواف يحط اغاني من الفرحه ووقته الشمس غابت طفى المسجل نواف وباقي على الديره ساعتين كان نواف يمشي وجته رساله بجواله ناظر بالجوال وفجاه !!!!
عبدالله صاح وقال : نوافففف انتبههههه بععيررررر!!!
نواف لف يمين بقوه وانقلبت السيارة اربع قلبات وطاح عبدالله من السياره !!!
نواف والدم مليان براسه وجسمه ولا يدري وش الي صار : راااسيييي اااااهههه راسي عبدالله وينك !!! عبدااالللههه !!!
فتح الباب نواف ودف نفسه وطاح وبدأ يزحف بيده لعند عبدالله ! عبدالله طايح ومغمى عليه مسكه نواف : عبدالله !! عبدالله تكفى لاتموت وتخليني انا السبب ليتني سمعت كلامك ! عبداللههه !!! عبدالله اسمعني ! اااههههخخخ ياااعالللممم فيه احد ساعدوني ياربيييي عبدالله تكفى لا تروح وتتركني مقدر اخليك !! تجمعت السيارات على الحادث وبعده بنص ساعه جا الإسعاف نواف من قوة الصدمه أغمى عليه .
__________________
ام نواف بالمطبخ وقلب آلام وما ادراك عن الام راحت عند ابو نواف وقالت له .
ام نواف: اتصلت على نواف ؟
ابو نواف: لاوالله بس اكيد انه نايم !
ام نواف: مدري بس احس قلبي يقرصني!
ابو نواف: تعوذي من الشيطان مافيه شي !
وبعد ثواني جاه اتصال وتغيرت ملامح وجهه
ابو نواف : لاحول ولاقوة الا بالله جايك اي مستشفى!!!
ام نواف طاحت عنده وقالت : نواف اككيددد ياويلي ياويلي نواف راااححح ليكون راااحح!!!!
ابو نواف ماقدر يحبس دموعه وقال : لا بس بالمستشفى مسوي حادث البسي عبايتك وتعالي معي!
أنت تقرأ
ذبحتني بدموعها ياسعود .
Romanceمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
