وصلو الفندق وجلست شيخه على طرف السرير ويدها ترجف وخايفه جلس عندها تركي وقال لها .
تركي : شيخه كيفك؟ ليش متوترة ترا ماراح اكلك ههههه!
شدت شيخه يدها وقالت : لا مو متوترة
قام تركي ونزل شماغه واخذ معه وسادة وبطانيه وقال تركي : احس اني تعبان جسمي مكسر بالحيل بنام في الصاله وانتي خوذي راحتك نامي بالغرفه.
استغربت شيخه بس فرحت بنفس الوقت ومرت الليله بدون ماينام عندها صحت الصباح على ريحه الاكل قامت من فراشها وغسلت وجهها وراحت للصاله وشافت تركي .
تركي : حي الله شيخه كنت بصحيك تو الفطور وصل تعالي تعالي افطري
ناظرت في تركي وكان وجهه شاحب وقلت له : وش فيك تعبان؟
تركي : لاوالله بس عيا يجيني النوم تصدقين ! بس ماعليه نرجع للبيت وانام شوي خلينا بعد الفطور نمشي للبيت
وقلت له : تمام
خلصت من الفطور ولبست عباتي ورحنا للبيت بيت ابوي كان مرتب ولا تغير فيه ولا شي بديت اسوي قهوه وشاهي ونزلتها في المجلس طلع تركي وعلمني انه مايبي قهوه يبي ينام جلست اتقهوى لحالي والطفش ذابحني طلعت برا الحوش اشوف الورد وش صار عليها وشفت ورودي الذايبه والميته حزنت انها جفت ومرت الايام وانا ما جيتها بديت احفر واعيد زراعتهم من جديد وبينما انا احفر سمعت تركي يناديني بصوت عالي وطلع برا وجاني بعصبيه
تركي بنفعال وعصبيه : وش مطلعك برا البيت !!!
وبكل خوف رديت عليه : ولا شي بس اعيد زراعه الورود
تركي : بالله ؟؟ الحركات ذي ماتمشي علي !!
انصدمت منه وقلت : وش قصدك ؟؟؟ تشك فيني !
تركي : هاه لا لا اسففف والله مدري جاني عصبت عليك بدون سببب سامحيني يمكن عشاني سهران لي ايام !!
وقلت له : تمام!
حزت بخاطري كلامه بس اكيد قالهم بدون قصد من التعب الي فيه اكيد !
______________________________
في بيت ابو سعود
ترف بفراشها وزعلانه دخلت امها غرفتها وقالت لها امها : بنت شفيك ؟؟
ترف : يمه مافيني شي ! خلاص وش اسوي الحين تعبت انتهى كل شي!
ام سعود: يالخبله قومي وش دراك ان تركي راح منك؟
ترف وهي تمسح دموعها : تزوجو خلاص ! وش باقي أكثر من كذا !!
ام سعود: واذا تزوجو مثلا انتهى ! ماتدرين يمكن اول اسبوع ويتركها فكري زينن!!
ترف : اول اسبوع !!! كيف يعني ؟
ام سعود: مادري يمكن آثار السحر ماتبين الا اذا تزوجو ! انتي بس راقبي الوضع على الصامت وشوفي بس
ارتاحت ترف عقب كلام امها ورجع لها الأمل من جديد!
_________________________
في بيت ابو نواف
نواف جالس بفراشه جته امه وعيونه كانت محدده سودا وواضح انه مارقد زين جلست امه جمب نواف وقالت له : نواف ترا بنخطب لك نوره مابي اشوفك تتعذب أكثر من كذا ! خلاص انسى شيخه راحت وتزوجت وشافت حياتها !!! وانت بعد اتركها وشف حياتك!! سهل انساها وخلاص!
ابتسم نواف وقال : هههه سهل؟ يمه انا قلبي يتفتت اليا سمعت طاري تركي او شيخه وتبيني انسى بالسهوله ذي انا اتخذت قرار خلاص !
ام نواف: وشو ياوليدي قرارك ؟
نواف : بسكن في بيتنا الي بالمدينه ابي اترك المكان ذا ماني قادر اصبر يوم واحد !
انصدمت ام نواف وقالت : وينن البيت ذاك !!! وبعيد عني وش تسوي هناك! وانت لا وظيفه ولا شي من بيصرف عليك !؟ لا لا انسى!
نواف : اجالي شوفي ولدك يموت قدامك كل يوم خليني اعيش هناك سنه ابي اجمع شتات نفسي احسني ذايب ومتكسر من داخل ابي اصير نواف مثل قبل !
نزلت ام نواف راسها ومسكت يده وقالت : الي تشوفه ياوليدي بس اذا صامل على الروحه خله بعدين ابي اجلس معك!
نواف : ابشري ولا يهمك
________________________________
[بليل الساعه ٩ ونص ]
شيخه تنادي تركي : تركي وينك العشا جاهز
جاها تركي بالمطبخ وكأنها مو مروق وقال : مابيه عليك بالعافيه
شيخه : ليه ؟ مافطرت ولا تغديت حتى العشا ماتبيه ليكون تعبان
عصب تركي وقال : اااففففف قلت مابيه ولازم ابرر لك بعد!!!
وبالغلط اخذ كوب ورماه بالأرض صاحت شيخه وخافت من ردت فعله .
شيخه : خلاص طيب بس لا تكسر الكوب !
تركي قرب من شيخه ورجعت شيخه لورا بس مافيه مكان ترجع له وارتطمت بدرج المطبخ قرب من عندها تركي ومسكها من كتفها وتجدمت شيخه من الخوف
تركي : شيخه انتي خايفه مني ؟ ليش تخافين! شفيك ترتجفين ؟ معقوله تخافين مني ! تكلمي !!
شيخه والدموع بعينها : لا مو خايفه ! بس وخر عني ابتعد عني !
تركي : هههه وليه ابتعد عنك زوجك انا اقدر اسوي فيك الي ابي !
أنت تقرأ
ذبحتني بدموعها ياسعود .
Roman d'amourمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
