التوتر والخوف وعدم الأمان كل هذي المشاعر السلبيه والمزعجه تتركز على صدر شيخه شيخه المسكينه الي تحملت كل مصاعب الحياه عشان تحمي اخوها وبيتها ..
في بيت ابو تركي شيخه جالسة بالغرفه وهي تبكي وخايفه وتقول بينها وبين نفسها : ليتني بس تقبلت الأمر الواقع وتزوجت من الرجال وانقذ مشعل ليتني ماسويت كذا الحين انا كبرت الموضوع وصارت مشكله !
قاطع تفكير شيخه ام تركي خالتها دخلت عليها وراسها منزل بالأرض حطت شيخه على صدرها وبدت تربت عليها وتهديها واول مرة شيخه تبكي قدام احد او تبين لاحد انها ضعيفه في اللحظه ذي ماقدرت تقاوم ضعفها ..
ام تركي وهي تمسح راس شيخه بكل حنان وأمان : كل شي بيهون وكل شي بينحل لا تحطين كل شي على راسك لا تسوين شي لحالك ومثل ما وعدتك مستحيل اتركك ولازم تثقين فيني ..
حست شيخه بالأمان وتذكرت حضن امها وبدل ماترد عليها سكتت وغمضت عينها وارتاحت لها بس كان الأمان والحضن مؤقت ...
وخخررر عننني قسم بالله انك ماتخذها من البيت ذا وانا حيي !!!
وفجأة سمعو صوت تكسير وهواش
خافت شيخه ولبست عباتها وبسرعه طلعت هي وأم تركي تشوف وش السالفه وطلع تركي وابو سعود يتضاربون الغرفه مشحونه بالطاقه السلبيه التفت ابو سعود على شيخه وقرب منها وسحبها من يدها بقوة وهو يقول بكل حقد وانانيه
ابو سعود : قسم ان ماتزوجتي منه اني لا اذبحك واذبح اخوك!! تكسرين كلمت عمك ياقليلة الادب ولا كأنك تشوفيني شي !
حاولت شيخه انها تقاوم بس قبضت عمها القويه ماقدرت تفك منها
وبسرعه تدخل تركي ودف ابو سعود اقوا ماعنده من قوة الدف طاح بالأرض ومسك يد شيخه وقال وعيونه حمراء من الغضب والحقد الي فيه : والله ثم والله ان لمست شعرة منها او اذا زوجتها من الشايب اني لاخلي يومك اسود !!
قام ابو سعود : وتهددني بعد ؟ لا انا اعرف كيف اتصرف انا اوريك والله لاتصل على الشرطه واقول لهم كل شي !
هنا شيخه خافت تنكب تركي وتدخلهم بالمشكلة بس كيف تتصرف الخوف تغلب عليها تشجعت شيخه وقالت : طيب طيب لا تكبرون الموضوع ! عمي الي تبغاه سوة بس لا تبلغ !
تركي : شيخه اسكتي تكفين اسكتي!
نزل عمها الجوال وقال بكل خبث : شوفي انا ماراح اغصبك بس وش تختارين اخوك او نفسك ؟ حياة اخوك بين يدينك بضغطه وحده بس اقدر احول الفلوس وتعرفين ان بعد ثلاث ايام او اقل حياة اخوك راح تكون بخطر ( حاول عمها انه يستغل مشاعرها ويلعب فيها )
تركي : شيخه انا معي الفلوس تكفين لا توافقين وتعرفين انك الغيته!
شيخه كانت محتارة وخافت تكون انانيه بس قبل تقول دخل عليهم الباب ابو شهد بكل خوف شاف البيت منقلب فوق تحت
ابو شهد : شسالفه؟!
ابو سعود : مالك شغل وش جابك انت الحين !!
ابو شهد : جيت أعلم شيخه اني سددت رسوم العميله والحين هم بغرفة العمليات
ابو سعود : وش تقول انت !! من الي قالك تسويه قبل ماتستاذن مني !
التفت تركي على شيخه وقال : تسمعين وش يقول ولا انا مصدع ؟
ضحكت شيخه وتلخبطت مشاعرها وبكت : ابي اروح اشوفه الحين
ابو سعود التفت على شيخه : وقفي طيب انتي موافقه عليه ؟
شيخه حطت عينها بعين ابو سعود بكل حقد : لا! لا ومستحيل
رفع ابو سعود يده بيصفق شيخه ومسكها تركي بقوة وقال : عطت الجواب ؟ ضف وجهك ولا عاد اشوفك !
ابو سعود : انا اوريك ياشيخه لا تحسبيني بسكت والله ماخليك
وطلع من البيت كالثور الهائج
مسكت ام تركي يد شيخه وقالت : خلينا نروح نشوف اخوك مشعل
شيخه : طيب
راحو للمستشفى وجلست شيخه بالكرسي تنتظر متى تخلص العمليه وكان يروادها شعور الخوف وجلست تسأل نفسها واذا منجحت العمليه ؟ خافت شيخه لأبعد درجه وجلست تمسك يد ام تركي بكل خوف ....
_____________________
في بيت ابو صالح
نورة بالغرفه تحوس تفكر وتفكر الشر باين بعيونها
نورة : انا بذلت مجهود عشان نواف يكون من نصيبي كل ذي السنوات واخر شي شيخه تأخذه مني !! وش شاف من شيخه ولا شافه مني!!
وفجأة قالت نورة ليش ما اخليها تجيني نتفاهم بالبيت بكل رواقه ؟ ههههه مع اني مستحيل اخليها تطلع من البيت الا وهي عارفه قدرها وقدر من تتزوج !
_________________
في بيت ابو نواف
طق الباب وفتح نواف الباب وطلع ابو سعود
ابو سعود: ابوك موجود ؟ ابيه ضروري لا هنت
نواف : نعم وش تبي ؟ لا مو موجود ابوي
ابو سعود: ادري انه مايبي يشوف وجهي بس خلني اتفاهم معه واحل موضوع شيخه معليك اقدر اقنع شيخه تتزوج ابوك
مسك نواف كتف ابو سعود وضغط عليها بكل قوته وقال : ان ماطلعت ترا بطلع الشر الي فيك وثاني شي ابوي قطع العلاقه مع شيخه انسى ان ابوي يتزوجها تفهم ولا لا ولا تبيني اتفاهم معك بطريقه ثانيه؟
ابتسم ابو سعود وقال : لا تفهمني غلط يا نواف انا ابي السعادة لبوك ولا شيخه عادي تزعل يومين وترضى طول السنين مايهمني ترا
ماقدر يقاوم نواف غضبه وسحبه من عند ثوبه بكل قوته وقال : لا تجيب طاري شيخه على لسانك الوصخ ذا ! لهدرجه الفلوس اعمتك وخلتك شخص يبيع بنت اخوه !! رح عني قبل ما اسوي مصيبه فوق راسك واخليك تندم على جيتك ولا اشوفك ثاني مرة تطق الباب !
خاف ابو سعود وقال : طيب طيب بس اذا شفت ابوك خله يتصل علي
نواف : وش ذا البلشة اي والله!! الله يعين شيخه علية ..
أنت تقرأ
ذبحتني بدموعها ياسعود .
عاطفيةمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
