رن جوال نواف وطلع برا الغرفه ...ولاحظت شيخه نظرات تركي بشي غريب بس ماتدري ايش سألت شيخه تركي وقالت له .
شيخه : تركي فيك شي ؟
تركي : لا مافيني شي بس مصدع شوي
شيخه وثاني شي انتي من جدك راح تعيشين عند عمك؟ متأكده من قرارك انك ماراح تندمين عليه ؟
ناظرت شيخه بمشعل وخافت انه يتأثر بالكلام الي قال لها تركي وقالت وهي مبتسمه ولا كأن نظرات الخوف والتوتر باينه عليها .
شيخه : اي معليك واذا ابي شي اتصلت على خالتي او اتصلت عليك المهم لازم امشي المغرب عشان اجهز الملابس .
تركي : خلاص اوصلك ؟
شيخه : تمام .
وبعده بثواني دخل نواف وقال لمشعل بكل حنيه .
نواف: مشعل اذا تبي شي اتصل علي طيب؟
وناظر بشيخه وقال اذا تبين شي علميني
قاطع كلامه تركي وقال له : وانا وش حضرتي صنم ؟ مالك شغل انت وش دخلك ؟
نواف سكت ثواني وقال : والله ودي ارد عليك بس محترم مشعل .
شيخه ضحكت شوي وقالت له : خلاص ابد كلكم ماتقصرون .
جلس تركي وطلع نواف اذن العصر وقال تركي : انا بصلي واجي ..وطلع
جلست شيخه عند مشعل تسولف معه وبعده بدقائق دق الباب ورتبت شيخه عباتها وقالت تفضل
دخلت نوره وبيدها باقه ورد شوكلاته .انصدمت شيخه واستغربت ان كيف درت ان مشعل صحى واني عنده ؟
حاولت شيخه ماتسوي ملامح الغضب والضيق عشان اخوها ورحبت فيها وجلست
وقالت نوره : الحمدلله على السلامه يامشعل انا صديقه شيخه نورة .كيفك ياشيخه عساك بخير .
شيخه ردت عليها ببرود وقالت : بخير الحمدلله.
وجلست نوره تسولف مع مشعل وشيخه حاسه ان فيه بيصير تدري ان جيت نورة بها الف سؤال .
قامت نورة بتمشي وقالت لشيخه: شيخه تعالي معي بقول لك كلام .
طلعت مع نورة للحديقة وبدون أي مقدمات صفقت نورة شيخه وقالت لها: كم مرة اقولك لا تتقربين من نواف!؟ بسببك نواف مايبيني !
شيخه : وش دخلني انا ؟! تلوميني!
نورة : اعرف البنات الي نفس حركات يسوون نفسهم مسكينات وضعيفات وهم زي الحيه ! شيخه اذا تقربتي من نواف او سمعتك معه الدور راح يجي من مشعل ! مشعل راح يتأذى بس خليك بعيدة عن نواف احسن لك
شيخه : مريضه انتي صح؟ جربي انك تلمسين شعرة من مشعل وربي لاذبحك جربي !!
ضحكت نورة وقالت لها بستفزاز : وانتي وش بتسوين يعني ؟ لا أهل ولا سند حتى احد يحميك مافيه المفروض انك من البدايه تزوجتي من الشايب على قولتك عشان يغنيك ههه واخر شي حابه أقوله نواف لا تقربين له!
ومشت عقب كل الكلام المسموم الي قالته انصدمت شيخه من بشاعت لسانها وقضارته ماتحملت وراحت ورا المبنى تبكي زي الطفل الضايع عن أهله. وبالصدفه شافها تركي وراح يركض لها بخوف وقال لها : شيخه تبكين ! فيك شي مشعل فيه شي؟؟
ماقدرت تسكت شيخه او ترد عليه انفجرت قدام تركي ناظر فيها تركي وعطاها منديل وقال لها : اذا تحسين البكاء يساعدك ابكي واذا ماتبين تعلمين وش الي فيك عادي.
وبعده بثواني قالت شيخه: مافيني شي بس خفت ان مشعل تسو حالته وكذا يعني
تركي ماكان يبي ذا الجواب و حس ان عذر وقال : تمام..
_____________________________
في بيت ابو نواف .
دخل نواف وشافته أمه وقالت : وين كنت ؟
نواف: كنت برا اتمشى
ام نواف : نواف تجهز بكرا نخطب نوره
انصدم نواف وقال : يمه كم مرة اقولك اني مابيها !!! خلي سلطان يخطبها بس انا لا!
ام نواف : وش الحكي ذا !! استح على وجهك ! مافيه بكرا يعني بكرا!
نواف : انتي تبيني اكون مبسوط صح؟ ولا تبيني ضايق ومهموم
ام نواف: بسم الله اكيد اني بشوف ولدي مبسوط
نواف : خلاص تزوجيني بالاجبار ليه؟
عصبت ام نواف وزل لسانها وقالت : هم الي يبونك! وسكتت!
نواف رفع حاجبه وهو مستغرب : مافهمت ؟ كيف هم يبوني؟
ام نواف : لا مو كذا قصدي .قاطع كلامها نواف وقال لها بعصبيه : يمهه علميني ! وش السالفه لا تخليني اروح لعمي واقول له كلامك !
جلست ام نواف وقالت : من يوم كنتم صغار واحنا مخططين ان نورة لنواف لين كبرتم واحنا على ذا المعتقد .
ضحك نواف وقال : يعني محبوس في السجن من وانا صغير ؟ امي اسمعيني روحي كلمي ام نورة وقولي لها كل شي اني ماراح اخطبها ولا ترا بروح اقول ! ..وطلع نواف من البيت وهو معصب ..
...............................................
في المستشفى: جلست شيخه عند مشعل وقالت له : انا بروح اجهز الشنطه عشان ننام الليله عند عمي ماراح أطول كلها ساعه واجيك
ابتسم مشعل وقال تمام .
طلعت شيخه على باب المستشفى وتتصل على تركي عشان يوصلها بس مارد اتصلت أكثر من مرة ولا رد وقفت ثواني وشافت سيارة نواف جايه ووقفت عنده نزل من السيارة
وقال لها : اوصلك مكان ؟
ردت شيخه وقالت : لا مايحتاج
حاول نواف يوصلها وقال : ترا ماراح اكلك بس اوصلك
عصبت شيخه وقالت : كيف لك وجه تكلمني وانت مخطوب من نورة ؟ ماتستحي يعني؟
تغيرت ملامح وجهه للبؤس وقال : ومن يقوله؟ مافيه اي خطبه بس كلام كذا ..وثاني شي انتي ماعندك وقت باقي ساعه ويذن المغرب خليني اوصلك .
ناظرت فيه شيخه وقالت : تمام بس عندي شرط .
وقال : ابشري وشو شرطك؟
وقالت له وهي خايفه : انه يكون آخر اتصال بيني وبينك وماراح تشوف وجهي ثاني مرة ولا ابيك تتصل او تكلم مشعل ابي اعيش انا ومشعل مبسوطين مابي اتوجع .
انصدم نواف وقال : من جدك ؟ ليه وش سويت فيك انا اذيتك ؟ تذكري من الي ساعدك ومن الي وقف معك لهدرجه تغدريني وتتركيني ؟
ردت شيخه وصوتها يرتجف : خلاص تبي توصلني ذا شرطي وتكفى لا تكلمني وشكرا على كل الأشياء الي سويتها لي والحين بعيش حياتي وانت عيش حياتك .
نزل نواف راسه وقال : تمام خليني اوصلك .
أنت تقرأ
ذبحتني بدموعها ياسعود .
Romanceمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
