حاولت اني اتحرك بس ماقدرت فيه شي مربوط على عيني وفمي ويدي ورجلي ماقدر ابدا اني اتحرك او اني اصرخ الشي الوحيد الي حاسه فيه اني انا في سياره واكيد اني بشنطه ذبحني الخوف وقاعده اتخيل بيني وبين نفسي ذا من ووش يبي مني وكيف يبي يقتلني كنت خايفه لدرجه الموت بكيت وحاولت اني احرك يدي واحرك وجهي بس ماقدرت !! بس فجأة وقفت السياره وهنا انا خفت قلت اكييد ذا ناوي على شر اكيد يبي يسوي فيني شي فتح الشنطه وغطا خشمي بالمخدر واغمى علي !! ،،،،، فتحت عيني وشفت اني في بر وان الليل جا !! ولا يوجد في البر اي كائن حي وكاني ابتعدت عن القريه قمت بكل خوف وانا اتلفت يمين ويسار وكيف اني اطلع من البر بدون ما اموت احتمال موتي ١٠٠ بالميه !! مامعي ماء او اكل ولا شي معي رحت امشي واصوت ولكن لا حياة لمن تنادي خلاص لازم اتقبل موتي هنا !!!
__________________________________
في المستشفى نواف كان متوتر وخايف يبي يبحث عن خاطف شيخه بس من بيكون !! مافيه اي اثر للخاطف ! وبسرعه جا تركي وابو سعود للمستشفى...تركي مسك ثوب نواف وبدأ يتهجم عليه بكل غضب وقال : وش فييه مشعل وش سويت ووين شيخه ياحيوان !!! اكيد ابوك هو الي خاطفها ..
نواف بكل غضب ويحاول يفك نفسه من تركي : يابن الحلال علمي علمك احمد ربك اني لحقت على مشعل وشيخه مالي اي صله فيها مخطوفه لازم ندور عليها قبل نسمع بخبر وفاتها !!
دفع تركي نواف وناظر فيه وقال : نشوف من الخاطف !
اعتذر ابو سعود لنواف وتاسف منه ..وبعد ثواني طلع الدكتور من عند مشعل وهو منزل راسه ..جاه نواف وقال : وش فيه يادكتور وش صار !؟
الدكتور مسك كتف نواف وقال : لازم تتقبل أقدار الله وان تؤمن بالقدر خيرة وشره في الحقيقه مشعل حاليا داخل في غيبوبه واتمنى انها ماتكون غيبوبه طويله
نواف : بس انت قبل شوي تقول بسيطه كيف تغير كلامك كذا !!
الدكتور : اكتشفنا الامر مبكر لو ماكتشفناه كان ميت دماغيا بس لحقنا عليه وادعو له بالسلامه .
انصدم نواف وجلس على الكرسي كان ثوبه مليان دم من مشعل جالس يفكر وين شيخه وخايف ان شيخه يكون فيها شي .رجع نواف للبيت وطاح على فراشه ولا قدر ينام جلس يفكر الليله بشيخه ايه شيخه لعبت براسه وتغلب النوم على نواف ونام ...
_________________________________
في بيت ابو صالح راحت نوره عند راجو بكل خفيه وكانت العائله وقتها نايمه راحت عند غرفته وعطته ٥ آلاف وقالت له : راجو لازم بكرا انت في سفر واذا احد درا والله انت فيه موت تسمع !!
راجو بكل خوف : طيب ....اخذ راجو شنطته واغراضه وراح سافر في اليوم الثاني بدون اي سبب ولا كان احد يدري ليه سافر راجو مع العلم ان راجو له ١٧ سنه يخدم العائله وفي يوم وليله سافر راجو بدون علم احد الا بعلم نوره
راحت نوره لغرفتها وهي مستانسه وتردد : اخيرا راح اتزوج نواف بدون اي مشاكل اخيرا نواف صار لي لحالي !!
__________________________
في الساعه ١٠ الصباح شيخه تمشي في البر وهي ميته عطش وجوع راحت عند ظل الشجره وجلست تحتها وقعدت تبكي وتصيح استسلمت لمصيرها مستحيل في احد بيجي للمكان ذا حطت راسها على الحجاره ونامت وهي خايفه من الموت ماتبي تموت وتخلي مشعل لحاله بدون اي عايله !!! تمنت ان احد يلقاها بس مين راح يدورها! وكيف يبون يلقوني !! دعت شيخه الله ان الله ينجيها من المكان ...
________________
قام نواف افطر وطلع من البيت وراح لمركز الشرطه بس للاسف ماعطوه اي شي ولا فيه اي اثر لشيخه وكان الأرض انشقت وبلعتها..ضاق صدر نواف وبدأ يدور على القريه والمحافظة يدور على شيخه بس مو موجده باي مكان وراح للبر يحاول انه يلقاها وفعلا ماشاف اي شي او اثر لشيخه وراح نواف البيت وهو مقهور ومغبون وطاح على فراشه بعدها بثواني اتصل جواله ماكان يبي يرد بس يوم شاف الرقم فز من فراشه جلس على طول رد على الجوال وكانت الشرطه !! نواف قال : هلا
الشرطه : بكرا الساعه ٨ الصباح ضروري تجي مركز الشرطه لقينا خيط للغز خطف شيخه
نواف : ابشر جايكم الصباح !!
أنت تقرأ
ذبحتني بدموعها ياسعود .
Romanceمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
