نواف جالس قدام البحر وباين عليه ملامح الزعل والضيق جلس بجمبه عبدالله وقال
عبدالله : يخي طلع الي بخاطرك قول لا تكتمه
نزل راسه نواف وقال : اهه ياعبدالله مدري وش اقولك بس أمانه خله سر بيني وبينك !
عبدالله : ابشر والله واعتبرني زي اخوك
نواف علمه بسالفه شيخه وسالفه اخوه
عبدالله : طيب جرب انك تروح لها وتخطبها؟
نواف : مادري عندها ولد خالها تركي اخاف انها تبيه !
عبدالله : جرب طيب !! وثاني شي كلم نوره وخلها تفهم انك مالك نصيب بها
نواف : والله الكلام سهل خلني افكر الحين ويصير خير
عبدالله مسك كتف نواف وقال له : نواف شفيك انت صحصح ! وثاني شي اذا معك رقمها ارسل عليها
نواف ضرب راسه بقوة وقال: والله صح رقمها معي !! كيف راح عن بالي اصلا
عبدالله : اسمع من الليله ارسل عليها وشوف وش ترد عليك
نواف بنبرة حزينه : اسمع انا بجرب واذا البنت ماتبيني الله يستر عليها..
عبدالله: لا ان شاء الله يصير الي تبيه
_______________________
في بيت ابو تركي
شيخه ترتب شنطتها نبي ترجع للبيت ودخلت خالتها عندها
ام تركي بنبرة زعل : ليش تمشين لو تجلسين اكثر
ضحكت شيخه وقالت : معليك ياخاله بزعجك بجياتي ولا يهمك راح ازورك من فترة لفترة
دخلت ام تركي الغرفة وسكرت الباب وجلست على طرف السرير وقالت
ام تركي: شيخه بفاتحك بموضوع
شيخه : هلا خاله أمري
ام تركي: تركي يبيك على سنة الله ورسوله
نزلت شيخه راسها وقالت : والله تركي رجال والنعم فيه والف بنت تتمناه بس انا صراحه ماستاهل شخص مثله
ام تركي: افا والله تركي يبيك وشاريك ومن زمان يبغاك
شيخه : والله مدري يخاله بس بقولك تتذكرين بنت عمي شهد ؟ والله انه بنت طيوبه وخلوقه ليه مايخطبها ؟
فجاة وكان فيه شخص ورا الباب يتسمع للكلام سكتت شيخه شوي وقالت : مين ؟
رد من ورا الباب تركي وقال : انا تركي
تغطت شيخه وقالت : امر تفضل
دخل تركي وعيونه للارض وقال : شيخه ترا صدفه سمعت كلامكم انتي وامي بس انا ابيك إذا بتقبلين فيني
سكتت شيخه شوي وقالت : بفكر وارد لك
ناظر تركي لها وقال : تبيني اوصلك للبيت جاهزه الحين ؟
شيخه : اي بس ثواني وجايه
سكرت شيخه الشنطه وأخذت أغراضها وودعت خالتها ركبت شيخه السياره وهي ودها تشوف مشعل يتحسن
تركي : شيخه اي شي تبينه بس ارسلي علي باي وقت انا موجود
شيخه : والله ماتقصرون انت وخالتي وقفتو معي وقفه مستحيل انساها
تركي : لا تقولين كذا من واجبنا اننا نساعدك ومستحيل اني اخليك!
شيخه : ماتقصر والله ياتركي
نزلت شيخه للبيت وقلبها متقطع من الايام الي عشاتها في البيت أصوات امها وابوها وصوت مشعل الي يركض والحديقه الي زرعتها مع مشعل كل شي ذاب
شيخه ودموعها على خدها: لازم اخلي البيت فيه حياة ويرجع زي قبل وأفضل!
نظفت شيخه البيت وشالت الزرع الميت وزرعت ورود وفواكه وسوت عشاها وتعشت صوت الهدوء يخوف عندها بس متفائله من مشعل انه بيكون بجمبها ويضحكها وتلعب معه ..
سمعت رساله من جواله وكان المرسل نواف ..
نواف : السلام عليكم اخبارك
شيخه استغربت وردت : وعليكم السلام بخير الحمد لله
نواف : بجي اخطبك!
شيخه نزلت الجوال من الخرشه وقالت بينها وبين نفسها : ليكون ذا غلطان بس ؟
وردت عليه وهي متوتره : وش تقول؟ مافهمت
نواف: بجي اخطبك بتزوجك على سنة الله ورسوله!
طلعت شيخه من المحادثه وكملت عشاها وهي منصدمه
______________
بيت ابو نواف
نواف منسدح على فراشه ومستغرب ليه طلعت شيخه من المحادثه واتصل نواف على عبدالله وقال له وهو معصب
نواف: سويت الي قلته وسحبت علي !!
عبدالله : هد الموضوع علمني السالفه وش قل من البدايه عشان افهم
نواف : سلمت عليها وقلت بتزوجك
عبدالله : كذا قلتها على طول فاتحتها بموضوع الزواج!! ياخي حمار انت !
نواف : وش وش سويت انا !! سويت الي قلته علي
عبدالله : الحمار انا الي اعطيك نصيحه اول شي لازم تسأل عن مشعل وتشوف وضعها وانت الله يهديك فاتحتها بموضوع الزواج واخوها بالمستشفى تعبان
نواف انقلب وجهه ازرق من الصدمه وقال : طيب كيف ارقعها ؟
عبدالله: خلاص اسمع لاتكحلها وتعميها لا تقول شي او ترسل عليها هي ترسل عليك وترد ولا تتهور ولا تستعجل لازم تصبر !
نواف بصوت بارد : ابشر
عبدالله ماسك الضحكه وقال : تصدق وش ودي ؟
نواف : وش ؟
عبدالله : ودي اشوف وجهك الحين هههههههه
نواف : وتنكت بعد !! انقلع عني بس !
وطفا الجوال بوجهه واخذ المخده وجلس يصارخ من الفشله ويردد انا شسويت انا دلخ ! لازم القا حل قبل تضيع مني البنت!
أنت تقرأ
ذبحتني بدموعها ياسعود .
Romansaمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
