اختارت شيخه الفستان بمساعدة شهد وجهزت كل شي وماناقص الا الذهب راحت لمحل الذهب وجلست تختار غوايش وترف تناظر لها وهي محترقه
راعي المحل : انا انصحك بالغوايش هاذي أكثر طلب عليها واسألي امك قبل تختارين اي شي !
ناظرت فيه بجرح وقلت له : مو امي ذي بس خلاص اخترت ذي !
واخذت ذهب وخلصت ورجعت للبيت وتحس بقلبها وهو حار ماهي متقبله شعور انها بتعيش مع شخص ماتبيه ! قامت شيخه فتحت الفستان وعلقته في الدولاب وحطت الذهب في درج التسريحه.
ام سعود بالغرفه وترف جالسه عندها وواضح عليها الضيق وسالتها
ام سعود : ترف شفيك؟ لا تزعلين بكرا نروح ندور فستان لك وتطلعين احسن من شيخه !!
انفجرت ترف وقالت لها: انا مابيها تتزوج تركي !!!! حرام تركي يتزوج وحده زيها لا أهل ولا كرامه !!!
ام سعود: ليكون بس تبينه !!!
ترف : ايي يايمه ابيه من زمان والقيطه اخذته مني !! يمه احس قلبي حااررر وهي تختار الفستان وتتضبط يمه تبي تقهرني في تركي هذي خطتها !!
ضمتها ام سعود وقالت لها : مدام ان ذي حركتها انا اعلمها ! بخلي تركي يطيح من عينها ! وانتي يالخبله ماعلمتيني الا متاخر لييه!!
ترف : ليه وش بتسوين يمه ؟ كيف يطيح من عينها ؟؟
ام سعود: تبين تركي لك؟ خليها علي اعرف حرمه عجوز تبي تضبطك !
انصدمت ترف وقالت : وش بتسوين !! ليكون سحر!
ام سعود توترت وقالت : اصصص لحد يسمعك !! اسمعيني وانا امك مستحيل اخلي شي بخاطرك! وانا امك مابيك تعيشين كل حياتك تعيسه ! مابي مصيرك زي مصير امك ! اعرف شعورك ياترف .
ترف : طيب متى نروح ؟
ام سعود : بكرا الصباح لأن مافيه وقت !
ابتسمت ترف بخبث هي وامها على الخطه الي بيطبقونها بدون انسانيه وكانهم مو بشر الحسد والغيره اعمت عينهم !!
____________________________________
في الاستراحة
نواف جالس يشرب شاهي والعيال جالسين عنده يسولفون
تكلم خالد وقال : اخخ ياعيال تو طرأ على بالي عبدالله تذكرونه وش كثر هو كريم معنا ؟
رايد : اف يا خالد فتحت جرح مايسكر ! اي والله ذكرتني يوم كان يفزع معنا بكل شي! صدق من قال ان الي مايروح الا الطيب !! بس ماقول الا الله يرحمه
انهارت دموع نواف وقال : ليت روحي بدل روحه !
خالد : ولد قل الحمدلله!
نواف : الحمدلله على كل حال .
خالد : نواف انت وش فيك ضايق ؟ ماتجي للاستراحة ولا تطلع معنا بس بالبيت جالس ؟ علمنا طلع الي بصدرك !
تنهد نواف وقال : خلها على الله ربك يحلها ! وظيفة أحلامي وراحت شوفت عيونكم رجلي ومنكسره لا وظيفه ولا زوجه!
رايد : لا بس قل الحمدلله تعدي وانا اخوك !
ضحك نواف وقال : تعدي والقلب متصدي ومتجمد امشي بدرب الاشكواك بس مافرقت معي .. انا بقوم الحين تبون شي ؟
خالد : على وين؟
نواف : قريب قريب
رايد : خلني اوصلك !
نواف : لا لا مايحتاج ماتقصرون !
ركب نواف السيارة وبدا يشغلها ويروح للبر ويجلس فيها لين مايحس بالبرد اخذ الفروة الي بالسياره ولف الشماغ على وجهه وبدا يشب النار ويسوي القهوه والشاهي سمع جواله يدق وسحبه من جيبه وطلع ابو سعود استغرب نواف ورد
ابو سعود: السلام عليكم يا نواف وش اخبارك ؟
نواف : بخير الحمدلله
ابو سعود: لازم تحضر زواج بنت اخوي الاسبوع الجاي وانت معزوم!
نبض قلب نواف بسرعه وبدأ يحس ان جسمه حار
وقال : مدري بس الله يوفقهم !
ابو سعود: زين بس اذا قدرت تعال !
وطفى الجوال ..نزل الجوال نواف وبدأ يتنهد ويضرب يده بالتراب ويصارخ!! حس بالقهر ليش يصير معي كذاا!!! والكلب ابو سعود وش يبي !! يبي يرفع ضغطي بس !!! ناظر نواف بدله القهوه وهي تفور وتنتثر في النار ويقول : عزالله ان ذا قلبي !
_________________________________
في اليوم الثاني لبست ام سعود وترف العبايه واخذت ام سعود سيارة ابو سعود بدون مايدري وركبوا السياره وراحو لبيت الساحره وكان البيت مثل المهجور ويخوف الجدران متصديه ومتقشره والباب حديد ومتصدي !
ترف : يمه ليكون ذا المكان !!! اكيد غلط مو ذا
ام سعود: الا ذا انا اعرفه زين!
نزلت ترف وأم سعود ودخلو للبيت وراحو لغرفه صغيره وكانت مظلمه ولا فيها لمبه ولا احكي لكم ريحه المكان تطلع الشخص بالقوه !! وفيه عجوز كبيره بالسن شعرها ابيض يخوف وعين وحده بيضا وأما الثانيه سودا
تكلمت العجوز وقالت : ام سعود وترف اجلسوا!!
ترف : كيف تعرفين اسامينا !!! يمه بسم الله وش ذا !!
مسكتها امها وقالت لها : اصصص واجلسي !
العجوز : ليش جايين ؟
تكلمت ترف بطيش وقالت : ابي تركي يكره شيخه ويحبني !!!
العجوز : بسيطه ! بس ابي منكم اغراض تجيبونها لي!
ترف : وش بغيتي !
العجوز : ابي شعره من البنت وشعره من الولد !
ترف : بس ؟ ابشري من بكرا اجيبه لك !
مدت يدها العجوز وقالت : الحساب!
ام سعود: مافيه الا بعد مانشوف النتيجه !
ابتسمت العجوز وقالت : ابشري بس بسرعه جيبوهم وانتبهوا تغلطون بالشعر!!
ترف : طيب متى تطلع النتيجه !!
العجوز : بنفس اليوم !
فرحت ترف وناظرت في امها بخبث وقالت : اخيرا بيصير لي !
قامو وراحو للسيارة وترف طايره من الفرحه سوت فعل يطرد من رحمه الله ما اهتمت للحكم الغيرة والحسد اعمت عينها حتى للدين !!!
أنت تقرأ
ذبحتني بدموعها ياسعود .
Romanceمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
