في اليوم الثاني تتجهز شيخه انها تطلع من المستشفى ومعها ام تركي وتركي بالسيارة ينتظرهم .
شيخه : خاله ابي اشوف مشعل قبل اروح.
ام تركي : طيب
راحت شيخه تشوف مشعل وقلبها مكسور ماهي مصدقه ترجع البيت لحالها ولا معها احد شافت اخوها وانهارت عند خالتها وهدتها وقالت
لها : شيخه ترا ماراح ترجعين البيت تعالي عندي اسكني لين مشعل يتشافى .
شيخه : كيف يعني ؟ مادري والله ياخاله احس مقدر اطلع من البيت
مسكت ام تركي يد شيخه وقالت لها : تكفين عشاني عشان ارتاح انا اخت امك عامليني كاني امك ابي البي وصيت امك اني اعتني فيكم
شيخه ناظرت فيها بكل امان : طيب
ام تركي : تمام خلينا اول شي نروح لبيتكم عشان تاخذين ملابسك واغراضك الي تبين .
شيخه : تمام.
ناظرت شيخه في مشعل نظره اخيرة قبل تمشي وكانت خايفه انه يصير شي فيه لفت ضهرها وراحت للسيارة وخالتها معها رجعت شيخه للبيت وأخذت ملابسها وهي مو مصدقه ابد انها راح تطلع من المكان ذا اخذت شنطتها وجمعت ملابسها واغراضها الي تبي ومعها ام تركي تساعدها بكل شي طلعت من البيت وهي تبكي وراحت لبيت ام تركي طبعا خالتها قبلها بيوم جهزت لها غرفة خاصه لها وكل شي دخلت بيتها الجديد وحست بشعور الأمان والراحه اخذتها خالتها لغرفتها وقالت لها
ام تركي : اذا بغيتي اي شي انا عندك والبيت بيتك سوي الي تبينه ولا تستحين
شيخه : ماقصرتي ياخاله ابشري والله
طلعت خالتها من غرفتها وجلست شيخه على طرف السرير وبدت تفكر وتستوعب وهل هي بحلم او لا ماهي مصدقه بالاشياء الي صارت لها ابدا حطت راسها على المخده والدمعه على خدها ونامت من التعب الي فيها بدون شعورياً...
__________________________
( بيت ابو صالح )
في اليوم الي مسكو فيه راجو تغيرت نوره على أهلها ١٨٠ درجه كانت خايفه من الفضيحه الي بتصير بس اكتشفت ان الوضع تستر وان نواف تستر على الموضوع وهنا نورة حطت ببالها ان نواف يعشقها ويحبها ولا كانت تدري انه العكس وان نواف ما فكر فيها ولا معطيها وجه .
نوره ماسكه جواله بتتصل على ليان : ليان اسمعي احس جبت العيد
ليان : لو ماجبتي العيد كان استغربت قولي وش عندك .
[علمت نورة ليان بكل شي ]
ليان : غبيه انتي ! مافكرتي بالشيء ذا !!
نوره : لا مافكرت ولا كنت ادري بس راجو غبي مرة ونسى الولاعه بس ماعلي اهم شي نواف يكون لي وبس
ليان : طيب شيخه ؟ لقوها ولا باقي
نوره : اوف لا تذكريني اي لقاها نواف ابي اتخلص من شيخه باي ثمن !! مابيها بحياتي.
ليان : خلي شيخه بحالها شوفي اخوها المسكين بسببك وش صار
نوره : بسببي ! مالك شغل انا ابيك الحين تعززين لي واخرتها تسدين نفسي ! ابي فكره ابي شي يخلصني من شيخه ويكون نواف لي ! مابي شي يعيقني عنه !!
ليان : خلاص اسمعي إذا تزوجت شيخه من عمك اكيد ان نواف بينساها ويكرها صح ولا ؟
نوره ابتسمت ابتسامه خبيثه وقالت : والله جبتيها لازم الاسبوع ذا يتزوجون واكون الفايزه! يلا مع السلامه وشكرا ليونه
قفلت الخط ونوره تضحك وتقول : اخيرا لقيت الفكره لازم ازوجها وافتك منها !
_________________________
( بيت ابو نواف )
نواف بفراشه وكان يطقطق على جواله يلعب ببجي دخل ابوه الغرفه وقال
ابو نواف : امس وين كنت ؟
طف نواف جواله وزين جلسته وقال : كنت عند رايد واسف اني ماقلت لك اني بطلع
ناظر فيه ابوه وقال : متأكد! خلني اتصل عنه واشوف اذا انت صادق أو لا
ارتبك نواف وخاف من ردت فعله اذا ابوه درا انه كان بالمستشفى مو عند رايد
اتصل ابو نواف على رايد ورد
رايد : هلا ياعم اخبارك
ابو نواف : بخير الحمدلله ابي اسألك نواف امس كان عندك ؟
سكت رايد لثواني وقال : اي كان عندي امس وسرق ساعتي بعد ابيه يرجعها الحين عادي لو يجيني ؟
ابتسم ابو نواف وقال : زين اي اي عادي وانا عمك .
اخذ نفسه نواف وقال : شفت يايبه ! لهدرجه ماتثق فيني !
ابو نواف : زين زين يلا رح ولا تتأخر
قام نواف بيطلع وقال طيب ابشر الساعه ١٠ ونص وانا عندك .وطلع وهو يركز ويضحك بنفس الوقت ان رايد فهمه .
رن جوال نواف وكان المتصل رايد :
رايد : بسرعه انا بجي عندك اطلع ابي افهم الموضوع
نواف : يلا بلبس جزمتي واجيك احتريك برا
وبعد خمس دقايق جاه رايد ركب نواف السياره وقال : والله شكراا من قلب شكرااا مره انقذتني من موقف !
رايد ناظر فيه وقال : علمني وش صار واحمد ربك إني فهمتك يلا
علمه نواف بكل شي وقال رايد وهو معصب : ماتوب انت انا حذرتك من شيخه وثاني شي متأكد من الي قلته عن اختي نوره ان راجو اعترف !
نواف نزل راسه وقال : مو قصدي شي ! ،،،،،،،،، والله ذا كلام راجو وانا تسترت على الموضوع ووش بين نوره وشيخه من حقد عشان كذا !؟
رايد : والله مدري بس اوريك فيها لا تفضحنا نوره ونروح نصير فضيحه قدام الناس وثاني شي ليش ما تتزوج اختي نوره وتنسى شيخه ؟
نواف : لا لا خلها والله نوره على العين والراس بس انا اشوفها زي اختي مافيني اي شعور اتجاهها
رايد : زين طيب والوعد الي بينكم يوم كنتم صغار ؟
نواف : انا ما وعدت ابوي وعمي هم الي حطو امال فينا وسوو سيناريو وانا ماطلبت ولا ابي الشيء ذا
سكت رايد وقال : زين يصير خير
........................
أنت تقرأ
ذبحتني بدموعها ياسعود .
Romanceمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
