راح رايد ونواف لمقهى يتقهون وجلسو يسولفون بس نواف ماكان ابدا مركز مع رايد وكان تفكيره شاغله
رايد : نواف وش فيك ؟
نواف : والله مدري ياخي هل تشوف الي يصير عادي ان ابوي يتزوج وحده كبر اختك ؟
سكت رايد وقال : حاولت تقنع ابوك طيب ؟
نواف : اي والله حاولت بس رفض لدرجه تخيل يقول اذا فتحت علي الموضوع راح اتبرى منك !
رايد : طيب انا عندي فكره بس مدري مغامره
نواف : قول وش عندك
رايد : سدد دين شيخه لابوك صح سبب الزواج من شيخه هو دين ؟ خلاص سدده وينتهى الموضوع بس بشرط انك تعطي شيخه الفلوس وهي بنفسها تسدده وكان شيخه هي الي دافعه
رفع نواف حواجبه وقال : بس انت تدري كم؟! ١٠٠ الف ولا هي بسيطه بعد ومن وين راح اجيبها ؟
رايد : رح للبنك يعطونك .
سكت نواف وقال : تم والله راح انفذها بس تكفى دعواتك .
وبعد ساعات كل واحد راح لبيته دخل رايد على أخته وهو معصب
رايد دخل غرفة اخته وسكر الباب قوه : وش مسويه انتي !! فضحتيني قدام نواف ونوايه تفضحينا قدام خلق الله احمدي ربك إن نواف ستر عليك ولا كان رحنا فيها !!
نوره قامت من فراشها وهي معصبه : وش تقول انت ! مو انا الي سويت كذا!!
رايد : تجحدين عيني عينك ! تبيني اعلم ابوي ولا لا !؟ تسوينها مره ثانيه ولا لا بس والله ان سويتي شي ثاني مره اني مارحمك واني أعلم امي وابوي ! وثاني شي لا تحطين امال بنواف انه يتزوجك ترا مافكر فيك ابد . وطلع من الغرفه بكل عصبيه وتفشل من الي سوته اخته
نوره جلست على السرير وجلست تبكي ومو مستوعبه بالي جالس يصير كل شي انقلب ضدها الشيء الي تبيه بدأ يروح بس عبالكم انها راح تسكت وتوب ؟ لا مستحيل من صفات نوره انها عنيده وتأخذ الشي غصبن عنهم وهنا نوره بدأت تفكر بكل شيطانيه وحقد بس المره ذي أفكارها مدمره وخبيثه وش تتوقعون راح تسوي !!!
_________________________
( بيت ابو تركي )
جت الساعه ٦ المغرب وراحت ام تركي عند غرفه شيخه وشافتها منسدحه على الفراش وسرحانه
ام تركي : شيخه شفيك ؟
مسحت شيخه دموعها وقالت : مافيني شي ياخاله
ام تركي تبي تغير من جو شيخه شوي : شيخه تعالي ساعديني بالمطبخ نسوي العشا شرايك ؟ تذكرين كبستك الي سويتها ابي نفسها بالضبط من يدينك الحلوه بعد
ابتسمت شيخه وقالت : ابشري والله ياخاله .
قامت شيخه وراحت للمطبخ وبدو يسوون العشا ويضحون انبسطت شيخه مع خالتها كثييير وتغيرت نفسيتها
ام تركي : شيخه بروح للغرفه ثواني وجايه
شيخه : تمام خوذي راحتك .
وبينما هي تطبخ نست حالها وبدت تغني وشعرها الي لافته على شكل كعكه تغني الاغنيه الي يحبها مشعل وفجأه وبين هي تغني التفت ورا وشافت تركي واقف عند الباب ويناظر فيها وهو يبتسم
شيخه : لحظه لا تدخل بلبس !
تركي نسى نفسه هو وين وليش واقف اصلا : معليش بالغلط والله
لبست شيخه وقالت : امر ياتركي وش بغيت ؟
تركي وكان وجهه احممرر خجلان
شيخه : تعبان ؟ عليك حراره وجهك شفيه احمر ؟
تركي : هاه! لا لا مافيني شي لا سلامتك مابي شي بس حبيت اسال تبين شي اجيبه لك أو اوديك السوق ؟
شيخه : لا والله ماتقصر مالي حاجه بس ابي بكرا الصباح ودي اشوف مشعل
تركي : ابشري والله اي شي تبينه بس قولي لي
شيخه : طيب
جهزت شيخه العشا وسوت احلا كبسه مع سلطه وحلويات معها وجهزت السفره لهم جلس تركي وابوه لسفره لحالهم وشيخه مع خالتها نزلت العشا ام تركي عند السفره وقالت لهم : هذا كله مسويته شيخه فنانه بالطبخ.
ابو تركي : ماشاء الله تبارك الله بنت اختك طالعه على امها الله يرحمها ويسكنها الجنه
ابتسم تركي وكان متحمس انه يجرب اكل شيخه .
جلسو ياكلون وشيخه كانت تاكل على خفيف وكانه مو مشتهيه
ام تركي: شيخه تعشي قولي الي بخاطرك لا تكتمين
شيخه رفعت راسها والدموع على خدها
ام تركي : شفيك ! خوفتيني تكلمي !!
شيخه : خايفه اني اتزوج ولا اشوف مشعل اخاف يزوجوني بالغصب تكفين ياخاله مابي اتزوج من ابو نواف كل ليله افكر فيها ابكي ! انقذيني وش اسوي .
ضاق خاطر ام تركي وبدت تضم شيخه وتهديها وقالت وهي جاده وصارمه بكلامها : مدام اني حيه يابنتي والله مايخذونك من يديني !
شيخه : بس عمي مستحيل يترككم بحالكم ! ومستحيل انه يتركني بحالي تعرفين عمي عشقه للفلوس غير يقدر يسوي اي شي عشان الفلوس
مسكت ام تركي كتف شيخه وقالت لها : ماعليك لا تفكرين باي شي كل الي علينا هو مشعل وانتي يابنتي لا يضيق خاطرك
أنت تقرأ
ذبحتني بدموعها ياسعود .
Romanceمن بعد وفاة عائله شيخه تتراكم عليها الديون ويتجه عمها إلى تزويجها من صاحب الدين ولكن هل ستوافق؟ وتقع شيخه في مثلث الحب الذي لا ينتهي فأين سيقع مصير شيخه ومشعل ؟ الكاتبة : R
