🍒 الفصل الثاني: إعتذاري منكي لن ينسيكي
فدور الصفيح او الكاريانات . وفبراكة صغيرة كلها مخربة لاصقة غير بالزنك داخلها بيت وحمام صغير . فيه سداري على الأرض وحصيرة دالميكة. وطبيلة صغيرة دالميكة. ومن جهة تانية بوطة صغيرة وحداها شبكة فيها ماعن قلال. . وحدا السداري كاين كرطونة فيها شوية د الحوايج مطويين بإنتضام .
جالسة صفاء فوق السداري وحاطة قدامها مقلة فيها بيضات وكأس دأتاي . يالاه دخلت لدار داكشي لي دركات توجد .كتاكل بزربة حيت مازالة تابعاها الخدمة .
سالات الماكلة وهزات المقلة والكأس غسلاتهم دغية هادا هو طبعها ماكاتبغيش الروينة. واخا عندها غير براكة ماكاتبغيش تشوفها مرونة حيدات بسرعة حوايجها لي عامرين بلا كريس دالطموبيلات دخلاتهم لطواليط حطاتهم فبانيو وحطات عليهم الصابون. حلات البرميل لي فيه الماء ديجة سقاتو من قبل .خوات على حويجها خلاتهم يترقدو حتى ترجع وتصبنهم.مشات لديك الكرطونة هزات سورفيط تانية لبساتها ستيل ديالها واسع ماكيبينش فرمتها الملفتة مشطات شعرها الأسود الطويل لي واصل حتى لركابيها ضفراتو وخشاتو تحت السورفيت وتحت حتى السروال باش مايبانش هزات كاسكيطة دارتها فراسها هزات دواها شرباتو عاد خرجات ديمة هاكا متنكرة فلبس الدراري كتحاول تتفادا أي حاجة تقدر تتسبب ليها فشي مشكل أولا شي إحتكاك بشي ولد
شخصيتها بريئة وماكاتبغي صداع طيبة لأقصى درجة حاجتها ماشي ديالها ولي طلبتي منها تحاول تحضرولك. ماكاينش فجيران لي كيقصدها وكتردو معصب وزعلان. واخا تبات بجوع ماتقولش لشي حد محتاجها لا. وبطيبة لي فيها كلشي كيبغيها وناس ديال الدرب كلهم عزيزة عليهم . حيت تربات قدامهم جات فسن صغيرة وبقات حتى ولات شابة. وماشي أي شابة.
فائقة وأية ف الجمال لي شاف حقيقتها يحل فمو ويقول ماشاء الله. عينيها كبار لونهم أسود فحال ليل شفارها طوال وحجبانها مقادين من عند الله نيفها منكاد. فمها صغير ومرسوم لونو أحمر شعرها لونو أسود فحمي واصل لركابيها وجهها أبيض ناصع فايتة لون بشرة ليليان. أما فرمتها هاديك حاجة أخرى مؤهلاتها الأنثوية ضاهرة بشكل كبير داكشي علاش ديمة كتلبس لي سورفيت باش تغطي فرمتها حيت عارفة الخدامي لي كتخدمهم وزيد المكان لي كتعيش فيه صعييب تتأقلم بشكل أنثى خصوصا لو كانت وحدة شديدة الأنوثة ماغاديش يخليوها فحالها وماغاديش تعيش مرتاحة. ومن قوة ديمة كتلبس لبس الدراري سمات راسها صابر وكلشي ولف يعييط ليها صابر.
دازت من الدرب لي كلو حفاري وتراب منطقة مهمشة صعيب توصل ليها ولا تدخل ونتا ماشي من ناسها.
غادا وكل واحد كيشوفها كيسلم عليها . بشكلها عطاتهم إنطباع على أنها ولد حتى واحد مايقدر يزعم عليها ولا يضصر عليها. غادا وهي تصادف مجموعة الدراري واقفين يتكيفو
الدري: صااااابر بخيييير أخويا
صفاء وقفات شافت فيها وبتاسمات: الحمد الله أخويا
الدري التاني:حتاجيتي أي حاجة حنا فالدمة
صفاء:عارفة لي كاين الله لا يخطيكم عليا
الدري: سيري لخدمتك وإدا هدر معاك شي حد صيفطي ورانا
صفاء: ماتخافش أخويا كلشي كيعرفني .
بقات كتمشى حتى وصلات لسويقة . كلشي كيغوت الصداع
( بطاطا بطاطا .. مطيشة 5 دراهم .. مابقاش مابقاش)
وصلات لبلاصتها قدام أشرف لي كيبيع الديسير. لقاتو قاد ليها الخضرة فوق الطابلة. ومرة مرة كيبيع ليها . سلمات عليه و وقفات بلاصتها باش تبدا البيع
