🍒 الفصل الثاني: إعتذاري منكي لن ينسيكي
فمكاني تاني ومقهى تانية جالسة سحر وأيمن بعد ما طلب لقائها وهي ماعتارضاتش. حيت بالنسبة ليها صافي خدات قرارها. وغادي تكمل معاه حياتها كلها. خصها تولف على وجودو فحياتها.
ايمن بفرحة: صافي كلشي واجد هاد السيمانة غادي نجي أنا والواليدة . ياك علمتي عمك
سحر رشفات من القهوة وحركات راسها بأه: علمتهم كلشي عارف بمجيئكم مي غادي نعاود نهدر معاهم فالموضوع
.
ايمن: ماتصوريش شحال فرحان.
سحر بتاسمات إبتسامة باهتة
أيمن: علاش كنحس بيك مافرحاناش
سحر : شكون قال ليك مافرحاناش
ايمن : وجهك كيبان ليا كئيب
سحر:غير خايفة شوية حيت غادي ندخل فمرحلة تانية من حياتي. الزواج ومسؤولية تانية ماكنتش ناوية ندخل ليها لولا إصرارك وإقناعك ليا
ايمن: ماعندك منين تخافي انا ديما غادي نكون معاك
سحر : نتا عارف شروطي
ايمن: عاااااارفهم
سحر:واخا عارف غادي نعاود نكررهم. مانبغيش داك التحكم الخاوي . ديري هادي وماديريش هادي. انا ماشي من داك النوع..
أيمن: عاارفك
سحر: ونتا عارفني كنكمي وكنشرب
أيمن: قلتي غادي تحاولي تقطعي
سحر: قلت مي ماقلتش إمتى. هاد الساعة باقا مامستعداش نقطع مانبغيش نبقا نسمع الهدرة فهاد الموضوع
ايمن:ماغاديش نضغط عليك
سحر: نتا عارف الماضي ديالي. وعارفو من عائلتي يعني غادي نتشاوفو نتشاوفو. مابغيتش دوك الحساسيات الخاويين. شاف فيك شفتي فيه. دوك التخربيق ماعندي ماندير بيهم.
ايمن : هووووف صافي صافي. انا عارف لي كاين وتايق فيك. عارفك غادي تصوني كرامتي
سحر:انا بغيت نبدا صفحة جديدة. مابغيتكش تفكرني فداكشي لي كان ماضي.
ايمن: ماغاديش نفكرك ومانجبدش حتى الموضوع. ماضيك ماعندي بيه دخل.
سحر: اممم هادا مسمار طرقناه. فين غادي نسكنو
ايمن: انا حاليا ساكن فالفيلا دلواليدين. لكن من ورا الزواج غادي نعيشو فالفيلا ديالي.
سحر:وكيي
ايمن: باغيا ديري لعرس. انا مستاعد نديرلك عرس اسطوري
سحر حركت راسها: توتو مابغيت والو. من بعد الخطوبة نديرو العقد وصافي ماباغاش الهاراج والصحافة وروينة
ايمن: على خاطرك احبيبة
سحر شافت فيه بنص عين وبتاسمت على كلمة
حبيبة:شووف ا ايمن. ادا كنتي بصح كاتبغيني خاصك تكافح وتقاوم. حيت زواجنا ماغاديش يكون بساهل
ايمن بإستغراب:علااش كتقولي هاد الكلام
سحر: انا عارفة لي كاين. أكيد غادي نواجهو عراقيل وبالأخص نتا. خاصك تبين ليا قوتك. وأنك فري شاريني
ايمن: واخا معارفكش علاش كتقولي هاد الكلام لكن كوني متأكدة ممكن نحارب العالم من اجلك
سحر: كنتمني. لمهم انا خاصني نرجع لقصر . يالاه وصلني حيت نتا جيتي من ورايا ماجبتش الطوموبيل
ايمن: هي لولة. واخا ماصخيتش بيك احبيبة
خرجو من الكافي وصلها حتى لباب دالقصر ورجع بحالو.
