🍒 الفصل الثاني: إعتذاري منكي لن ينسيكي
وسحر دخلات ديركت طلعات لبيتها غير حلات الباب تنهدات. ملي لقاتو كلو عامر بوكيات دالورد فكل بلاصة.
تكات على باب دايرة رجل فوق رجل وكتشوف فجمال داك الورد. البيت كان مملوء عن أخره. جميع الأشكال والألوان كاينين. دخلات بشوية وقربات منهم. من ديما كانت كتعشق الورد . اوتوماتكمون جات لبالها ملي ديما كان كيحط ليها عصام وردة قدام راسها قبل مايمشي لخدمة . قربات لواحد تلبوكي هزاتو .مدة طويلة ماهزات شي وردة فيديها حتى ولات كتجيها غريبة ولا حشومة تهز الورد. كأنه غادي ينقص منها. ولا غادي يبينها ضعيفة قرباتو لنيفها وشماتو .ريحتو رضاتها لخمسة سنين لور هزات لكارت لي محطوط فيه كان مكتوب انتي ملاكي مشات بخيالها. نهار كانو فالحمام مجلسها فبلاصة المراية وهو واقف قدامها كيطراسي لحيتو بالماكينا وهي حاضياه غير سالا باسها من جبهتها وقال ليها.
عصام: انتي ملاكيي..
حطات البوكي وتوجهات لواحد تاني هزات الكارط ليفيه. مكتوب. سنفورة. تذكرات كانت متكية فوق السرير على كرشها وقباتها البلازمة فيها السنافر. عصام غير دخل نالبيت بتاسم مشا كيهرها ويداعبها وقال ليها
عصام: نمووووت عليك اسنفورة
مشات لبوكي التالت هزات الكارت لقات فيه عيناكي لم تخلق لتبكي. تفكرات نهار صرفقها اكرم حيت خصرات ليه لاب توب. وشافو عصام عطاااه قتلة ماتبغيهاش لعدوك. وهزها نالبيت كتشهق. باسها وشاف فعينيها بحنان وقال
عصام: عيناكي لم تخلق لتبكي
هزات الكارت دالبوكي الرابع لقات فيه .
اميرة قلبي. تذكرات نهار جاب ليها بزاااف دالفساتين.دخلاتهم لدريسينج وهو نعس فوق السرير داير يديه تحت راسو وكيتفرج فيها كل مرة تخرج بفستان فشكل دايرالو عرض الأزياء وهو فرحان بيها . لبست أخر واحد كان طروييل وكلو كيلمع خرجت كتنقز
سحر: شوووف شوووف جيت بحال الأميرات
ناض عندها عنقها من خصرها وبدا كيدور فيها والفستان كيطير فالهواء وهي كتضحك من قلبها. وقففها كيشوف فعينيها. وقال: نتي أميرة قلبي .
.قال هاد جوج كلمات وطار عليها بقبلة عميقة .
سحر خرجات من خيالها وهي شادة البوكي دالورد .
يديها كيترعدو عينيها عمرو بالدموع وشنايفها كيترعدو. كل ما كتحاول تنسى ولا تتناسى كيجي يخرب ليها كلشي. هزات داك البوكي ودرباتو فالأرض حتى تشتت الورد لي فيه ناضت طافجا كتهز لي بوكي كلهم وتلوح حتى شتتاتهم . البيت كلو ولا ورد وبدات كتشتف عليه برجليها
سحر: عطييييييينييي التييساااااع. بغييييت نرتااااااااااااااح . اععععععععععععععععععععععع
. سالات وعلات راسها كتنهج كلها عرقانا وجهها حمر هزات صاكها وقلبات الدورة وخرجت من جديد هاربة من البيت ومن الورد والذكريات وحتى من راسها
