🍒 الفصل الأول: بدونك لا اهوى الوجود
عند ليليان من بعد ماشافت يوسف وأندريا فداك المنضر. المنضر لي شكل صدمة بالنسبة ليها خرجات كتجري وعينيها كيتسرسبو بالدموع .
يوسف شافها واقفة ومخرجة عينيها فيهم وهوما بدلك الشكل.. غير خرجات غوت بسميتها (ليييييليااااااااان) وقف بسرعة لبس سورفيت ديالو وخرج كيطير تابعها وصل لباب الدخلاني من القصر كيشوفها من بعيد وصلات لباب دبرا. مشا بجرا وراها باش يلحقها.
ليليان كانت خارجة عينيها كيسيلو وحومر. مازال مامتيقاش داك شي لي شافت .صورتهم مازالة فبالها مابغاتش تزول. ماكرهاتش ترد حست بالحقد إتجاهو وصلات لبحر دخلات كتجري وسط الرملة. غادا وماعارفاش فين غادا غير كاتجري ماحسات حتى تلوات يديه على كرشها ومعليها فالهواء . هي غير عرفاتو بدات تنتر وتغوت باغاه ينزلها
ليليان ببكاء وبصوت متقطع: بعد منييييي أهئ طلقنيييي طلقنييي الحيوااان( كتنتر منو وهو حاكمها بيديه وهي غادي تجنن باغاه يبعد) بعد علياااااا كلب حماااار مكبوووووووووت
يوسف : رصااااااااي ولا غادي نضرب مك الخانزة
ليليان: أهئ ماكاينش شي خانز قدك هنننن طلقنييييييي
يوسف طلقها وقفات كتنهج قدامو وجهها حمر وعينيها بحالا فيهم الدم ملي كتبكي كيوليو فحال غادي ينزل منهم الدم. تنهد وعلا يديه مسح راسو
ليليان: كذااااااااااب نتاااا أكبببببر كذااااااااااب مشات كتضرب ليها فصدرو كنكرررررهك كنكرهاااااااااااااك
يوسف:داابا مال طاصيلتك كتغوتييي دوييي بشوية
ليليان: تفووووووو على برووود فيك . علااااش كديير فيا هااكاااا شنوو درتلك أنا
يوسف: أنا لي شنو درتلك
ليليان: ومازااال كتسول. علاش كيعجبك تأديني علااااااش مصر تعدبنيي . من أول ماجيتي وأنا كنتعدب وساكتة وصاابرة. .. جاي وجايب معااااك وحدة مزوجهااا علنتيها قدااام الصحافة والعالم وقلتي ليهم أنا ماشي مرتك انا غير بنت الدادة ديالكم وصبرت
أهئ أهنئ . هنتيني قدااام العائلة كلها وقلتي ماحاملنيييش وزوجوك بيا بزز وصبرت .. أهئ أهنئ كنت كنعرفها ناعسة معاااك فالبيت وكنصبر.. لكن من بعد ماتجيييي وتعتارف ليااا وتقول كنبغيييييييك وأول مرة نحس براسي كنبغي وعشقتك من أول نضرة ونلقااااك ناعس معاهااااا فهاديييي ماغانصبرررررش .
يوسف: ماكدبتش عليك وكل كلمة كنت صادق فيها. كنبغيك وعمرني بغيت غيرك
ليليان غوتات بعصبية" وااااش غادييي تحمقنييي واااش كتبغيني ونتا نااااعس مع وحدة أخرىىى شمن حب هااااادا.
يوسف: شدخل الحب فالنعااس. كنت فألمانيا كل ليلة كنعس مع وحدة ... شنو كنت كنبغييهم الشهوة ماعندها علاقة بالحب.. وزيييد على ذالك صبرت تلت أشهر معااك عييت كنحاول نتقرب ليك ونتي ماكنتي كتعطيني حتى أنديس بأنك باغاني وحتى نتي كتحسي بنفس شي تجاهي
