🍒 الفصل الثاني: إعتذاري منكي لن ينسيكي
دخلو الدراري عند سحر ومنهم عصام لي غير شاف الملاك ديالو ناعسة بتاسم .
يوسف قرب ن ليليان وشدها من يديها موقفها: غزاالي يالاه تنعسي وغدا الصباح نجييو
ليليان :لاااا بغيت نبقا مع ماما وسحر
يوسف فوذنيها:وتخلي حبيبك هاد الليلة بلا نعاااس. مانقدش ننعس بلا بيك
ليليان لقات غير كترمش فييه. كيقضي عليها بالكلام الحلو والغزل
ياسين: ياالاه كلكم تمشيو حتى لغدا تكون فااقت
بلقيس: لاا بغيت نبقا معاها حتى تفيق
ذكرى:حتى انا بغيت نبقا
سلمان: الوااليدة نتي مريضة خاصك ترتاحي وتشربي دوااك
فهد: وحتى نتي الواليدة خاصك ترتاحي
ذكرى: بغييت ملي تفيق تلقاني حداها
فهد:اش بغااتك. حبيب القلب هاهو قدامها
عصام بتاسم عجبو الحال.
ذكرى شافت فعصام: علااش نتا غادي تبات معاها
عصام: اه علااش
عصام: لاااا إذن حتى أنا نبقا مانتيقش فيه
الكل ضحك
فهد: غييير هنااي مازال الحال على الحضيان حتى يجيو لدار بعدا. يالاه خليتكم عندي غراض . غمز عصام عرفو غادي على حساب القضية وخرج
يوسف شد فيد ليليان خارج بيها: هاحنا غادين حتى لغدا
سلمان : كلنا غاديين
خرجو كلهم بقا غير عصام سد الباب وضار تكى عليها كيشوف فسحر مبتاسم. تنهد برااحة حيت دازت منها سالمة رجعت ليه من المووت واخا قلبو كان غادي يسكت واخا داز عليه أكفس نهااار فحيااتو ماشي مهم اهم حاجة هي مزياانة . تمشى حتى وصل قدامها. وجلس كانت لابسة بيجامة فالغوز دلولوكاتي دار ليها عصام كومند جابوهاليه حتى لوبيطال مد يديه كيلعب فقصتها
عصام: مشيشتي حلي عينيك باراكة من النعااس. عرفتي احبيبتي شحاال تعذبت هاد النهاار وشحاال كرهت رااسي. ملي دخلت لغرفة العمليات تفكرت النهار تبرعتي ليا . كنتي مخلوعة عليا بحال لي تخلعت عليك . وزيد من الفوق عايرتك اكبيدة. .(هز يديها وباسها من لداخل) كنواااعدك غادي نسييك. غاادي نعوضك واخا ماتبغييش بزز منك غادي نبقا فجنبك فحال ضلك . غادي نولي انا الحنان وأنا الأماان دياالك.
سحر بدات كترمش بعويناتها كتستاعد تفييق
عصام شافها وبتاسم : كبييدة فقتيي
سحر كتحل عينيها وتغمضهم ضوء ضارها فعينيها .
عصام وقف وطفا الضوء وشعل غير الفيوسة لي حدا راسها.
عصام: حبيبي حلي عينيك دابا صافي مايضروكش
عاودات حلات عينيها بشوية كتشوف فيه ببراءة وكتذكر شنو طرا ليها وعلااش هي هناية. عينيها دمعو بحالا تفكرات شي حاجة بدات كتدور عينيها شافت فيه وتمتمات بهمس
سحر الدموع فعينيها: ب بابا. م ماما. ف فين ممماما
عصام قرب و شد ليها خدودها بحنان: انا باباك وأنا ماماك
سحر حركات راسها بلا
عصام: حلمتي بيهم اكبيدة
سحر ماهضراتش وقلبات وجهها ماباغاش تشوف فيه
شافت قرعة دالماء قدامها مدات يديها باش تشدها ماقدراتش
سحر: اه ااااه
عصام وقف كيجري هز قرعة دالماء وحلها علا ليها راسها شوية وهي غير مخنزرة وبدا كيشربها حتى شبعات عاد وقف. سدها وحطها فبلاصتها كيتنهد
