🍒 الفصل الثاني: إعتذاري منكي لن ينسيكي
اما فالقصر كلهم مجموعين فطابلة الفطور وحتى مراد جالس معاهم المرض مامأترش عليه حيت ماشي من الدرجة الصعيبة كيشرب عليه غير الدواء. وحداه ذكرى . فالجهة تانية بلقيس وياسين .ويوسف وليليان. فهد جالس غير مخنز بسباب مشاكل خدمتو. وبراءة جالسة قدام أكرم غير كيوشوشو ويضحكو.
ذكرى: أمالكم نتوما بجوج ضحكونا معاكم
براءة: ههههه والو أماما ماكاين والو
ذكرى: اممم ماكاين واالو
يوسف جالس قدام ليليان. ويديه كتحسسو فخاضها وهي وجهها حمر وكل مرة كتقفز ملي كيبورشها. وأكرم وبراءة جالسين قبالتهم غير كيضحكو فااهمين البلان.
أكرم جامع الضحكة بزز: ليليان مالكي مزيرة
الكل دار كيشوف فيها
ليليان رجعت حمرة : لا احم والو
أكرم: متأكدة
ليليان: أه. متأ.. أح (يوسف كان دوز يديه على فخاضها وطلعهم حتى لتوتو وقرصها منو) اااح
يوسف غير مبتاسم ومهبط راسو فطبسيلو
براءة ماقدراتش تصبر وطلقاتها: هههههههههه
بلقيس: أويييييلي ماااالكم
أكرم: ههههه والو الواليدة
ياسين : وفيين هو سلماان
بلقيس: هاد اليوماين غير غاابر.
أكرم: ماعرفتش مابايتش فدار. جاء فصباح بكري دوش ورجع خرج
بلقيس: وعندااك يكون عندو شي مشكييل
فهد مهبط راسو ومبتاسم جنب: ههههه وااامشكييل عندووو
مراد: ماالو شمن مشكل عندو
فهد:واالو الواليد . ماكاين والو
عصام: احم احم بغيت نقول ليكم شي كلام
سحركانت كتلعب بالفورشيط سمعاتو و علات راسها فيه . عرفاتو غادي يهدر على زواجهم
مراد:يااك لااباس شمن موضووع
عصام بتاسم:كل خييير الواليد كل خييييير
ذكرى:واايالاه طلقنا ماالك
عصام شاف فسحر لي رجعات حمرة ماحاملاش الوضع وبتاسم: أنا وسحر غادي نتزوجو
