🍒 الفصل الثاني: إعتذاري منكي لن ينسيكي
فالقصر
سحر ببصوت مخنوق: عمي فيق مالك ناعس، شنو واقعليك
كلشي شاف ف عصام لي عطاهم إشارة يبداو
براءة وليليان بداو كيبكيو
سحر شافت فيهم مخلوعة، أما مراد حل واحد العين كيستطلع الأمور،. عصام حرك ليه راسو باش يفيق
غير شافو بدأ كيتحرك ، و سحر غير حسات بالحركة دارت عندو بالزربة شداتليه ف يديه
سحر : عمي عمي فيق شنو واقعليك، عمي ماتخلعنيش عليك
مراد بدا كيرمش عينيه و حلها كيشوف فيهم و ما كيدويش، داير راسو عيااان و ما قادر يدير تا حركة
سحر شداتليه ف وجهو بيديها ب جوج : عمي شنو طاري لك باش كتحس، دوي قول شي حاجة
ذكرى حتا هي جلسات ف جهة أخرى شادة ليه يديه : مراد واش شوية دابا
بلقيس : خووووويااااا؟
فهد : من الأحسن نخليوه يرتاح دابا باينة عليه عيان
سحر : لااا لااااا دابا غادي تقولولي مالووو شنوو وصلو لهاد الحاالة ياك كان بيخير
براءة بدأت كتدمع : حتا حنا ما عارفينش مالو، حتا طاااح و الأطباد ما باغين يقولولنا والو
مراد تحنحن :احمم (كلشي شاف فيه)
سحر : عمييي واش صافا
هو وماليها و تكلم بصوت هاادئ ومتقطع: كح كح من شحال و انا باغي نقول ليكم هادشي ولكن الضروف مكانتش مساعداني، كنا فين ما كنخرجو من مشكلة كندخلو لمشكلة خراا، ما لقيتش الوقت المناسب، كنت مخبي عليكم الموضوع و طلبت حتا من الأطباء يخبيوه عليكم باش ما نزيدكمش مشاكلي
عصام : الواليد شنو كتقصد، شرحلينا حيت ما فهمت والو
يوسف : الواااليييد
سحر بخوف: شنووو لي مخبي علينا ماتخلعنييش أعمي
مراد : خليني نكمل و غادي تفهمو، غير لي بغيتكم تديرو ف بالكم أن كلشي من قدر الله و المكتاب ما نقدروش نبدلوه ما تخلعو ما والو
ذكرى:حيااتي شنووو طاريلك
سحر : بابااا راك كتزيد تخلعني عليك، وااا قلبي غادي يوقف
مراد : هادشي لي ما بغيتش و عليها ما كنتش باغي نقولهاليكم، ما تخلعو ما والو لي كتبو الله ماغاديش نهربو منوو بغييتكم تكونو قويين
ذكرى : مرااد عافاك قول شنو كاين شوشتينا
مراد : واخااا ا حياتي، أصلا دابا مابقا ما نخبي خاصكم تعرفو كلشي، و ما دام كلكم مجموعين إذن غادي نعاودليكم ( كلهم بقاو كيتصنتو) المهم لي بغيت نقوليكم هي انا مريض و المرض لي فيا صعيب يتعالج
سحر تمتمات بصوت متقطع: ك كيفاش مممريض بااااش مريييض أعمي
مراد: بنتي بغيتك تكوني قوية وهادشي مايأترش عليك ونتي عاد خارجة من لوبيطال
سحر: ب باااش مريييض أعميي
مراد تنهد كيشوف فعصام بنص عين حالف فيه حيت ورطو فهادشي: باختصار فيا سرطان الدماغ و نسبة العلاج ضعيفة بزاااف
غير سمعوه كلشي شهق بالصدمة كاااذبة من غير الدراري لي ضارو عاطيين بالضهر دايرين رأسهم مأترين ولكن هوما غادي يموتو بالضحك
سحر بقات فاتحة عينها مشوكية و كتحرك راسها بلاااا
سحر بصوت باكي : لا لااا عمي نتا كتضحك معانا ياااك مستحيل تكون مريض
ذكرى : عافااااك أ مراااد عافااااك أ حياتي قولينا بلي غي كتضحك معاناو صافي
مراد شد فيد ذكرى وباسها: هاادشي بصح احبيبة
ليليااان عوجات فمها غادي تبدى تبكي :شنو دابا بابا بصح مريض
عصام خنزر فيها
شدها يوسف ضامها لعندو : سكتي يا الهبلة سكتي غادي تخرجي علينا
