🍒 الفصل الثاني: إعتذاري منكي لن ينسيكي
بلقيس: اه مسكينة جيبها مرة مرة تتوانس مع براءة وليليان
فهد خنزر
سلمان بتاسم : انشاء الله شي نهار نجيبها
فهد بعصبية: الوالييدة واش توما أي واحد تجيبوه وتعرفوه على بناتكم
ذكرى:ومالها اولدي إدا كيعرفها سلمان مزيان وتايق فيها . علاش ماندخلوهاش
فهد: حييت بنادم عندو بزااف دالوجوه. بغيتيها تجي تعلم ليكم البنات لبس العزارا . والكلام الخاصر بحالهم
سلمان تكلم بحدة: شششمن كلااام الخاصر سمعتيييها كتقوووول. البنت أدبها عمرني شفتو فشي وحدة. نتا براسك صيبات لي طموبيلتك وبغيتي تنقص منها. وبااش جوباتك ب. واااخا اخويااا . علاااش هاد الحكرة غير حيت مختالفة على البنات
فهد: حيييت بالنسبة ليا البنت لي كتشبه بالرجااال وتسمح ف أنوتتها. ماتستاهلش القيمة. هي ربي قدرها وعطاها صفات النعومة والرقة بااش فالنهاية تولي ولد .
بلقيس: علاااش هي فاش خدامة
فهد : ميكانيسياااان
سلمان: وهيي لي مصايبا لييه طموبيلتو وزيد مابغاتش تشد الدرهم . هو كيحشي ليها الهضور وهي من قوة قلبها صاافي مافاهماهش وغير كتبتاسم. ماعاجبااكش مارتاحيتيش ليها. صافي ماتهدرهاش كااع وخرج من باب واسعة
فهد :علاش ناوي تخليني نشوفها مرة أخرى
سلمان: غاديي تشووفها مراات. وإدا كنت عزيز عليك. حتارمني وخلي البنت فالتيقار راه باينة دريوشة.
براءة: والله حتى حمستوني نشوفها. جيبها لخطوبة سحر
سلمان: مووحال. ماغاديش توافق
ذكرى: نتا غير جرب وشوف. خلينا نتعرفو عليها
سلمان: غادي نس نسولها
بلقيس: اه سولها وجيبها اوليدي تتوانس وتبدل الجو.
مازال كيهضو حتا كيبان ليهم يوسف داخل وشااد ليليان من يديها. داخلين غير بشوية حيت ليليان موعتة وزعما كتتمشا بشوية باش مايعيقوش. لكن باااينة مشيتها ماااشي نورماال
ذكرى والحضور كلهم علاو راسهم شافو فيهم وبتاسمو.بااينة قضاو الغراض. وليليان مفافيا غير بوحدها وجهها حمر كتزيد تشوه راسها
يوسف جلس وجلس حداه ليليان وشاف فيهم
يوسف: كاين شي كسكروط
ذكرى ضحكات: ههههه كاين الحليب والتمرة بغيتييبه.ههههه
يوسف بتاسم عرف ماماه عاقت: حتى هو مزياان محتاجين لطااقة
ذكرى: ههههه هي لولة. (عيطات) سليماااااا
جات عندهم بسرعة: نعام الالة
ذكرى: عافا بنتي . شي وحدة من البنات تجيب الحليب والتمر
سليمة: واخا لالة. بغات تمشي وهو يوقفها يوسف
يوسف: شي وحدة تنقل حوايج ليليان نبيتي
الدراري: اووووهووووو
يوسف مع مقزدر شاف فيهم وضحك. عارفهم طينزو عليه: هههه مالنا اصاحبي
فهد: شووف نتا خاصنا نعطيوك الزرورة
يوسف عنق ليليان لي حشمانة ماقادرة تشوف فحد: هي داابا . واااقف عليها والله هههههههه
أكرم كيشوف فليليان بخبت: ونتي مالك كتعرجي ضاراك شيحاجة
ليليان ولات كتترعد شافت فيه وجهها بحال ماطيشة ماعرفات شنووو تقول: ء ءء أنا لاااا احم غير يوسف
يوسف جرها عندو معنقها باش تسكت عارفها حمقة وغادي تبغي تصايبها غادي تولي فارشااه
الكل بدا يضحك عليها : هههههههههههههههه
