🍒 الفصل الثاني: إعتذاري منكي لن ينسيكي
غدا صباحا خارجة صفاء من غرفتها فالمشفى غادية لغرفة الفحص باش يشوفها الطبيب. هو بإمكانو يجي يكشف عليها تما لكن تعمد يخليها تجي عندو. باش يشوفها واش غادي تعيا واش لونها غادي يتبدل واش غادي تلهت . خارجة وشاد فيها سلمان وأشرف .
صفاء: أويلي مالكم شاديني أنا قادرة نتمشى
أشرف: زيدي لممك غير لبارح كنتي غادي تموتي كون مالحقاكش سلمان
صفاء: أه سلمان شنو درتي مع البوليسي شفتك بحالا كتضربو
سلمان: اممم احم اه ضربتو باش مايعاودش يتحكر على الناس
صفاء: ياكما ضربتيه بزااف
سلمان شاف فيها بنص عين: خفتيي علييه ولا
صفاء: لاا . غير مابغيتكش تضربو بزااف
سلمان: وعلااش ياك هو ضربك
صفاء:الصراحة هو فالحقيقة ماكانش عليه يضربني. لكن يمكن حسابليه أنا مجرمة وسراقة ديال بصح
سلمان: زييدي قدامي ولا أنا لي غادي نضربك هاد الساعة
صفاء ضحكت ضحيكة حلوة: ههههه زعما تضربني
سلمان: إدا درتي علااش نضربك
صفاء خنزراات: يااااك
سلمان: إدا ضربتك شي نهاار تكرهيني
صفاء: لاا ماغاديش نكرهك. أصلا ماكانكره حد . لكن غادي نتقلق عليك
سلمان عنقها جنب: زيدي زيدي ماعاش لي يقلق الأميرة
أشرف: شنوو دابا شفتكم تقربتو لبعضياتكم
صفاء: هههههه جاتك الغيرة
أشرف:غير بغيت نعرف سبب هاد القرب
صفاء: هههه أويلي شنو كتقصد سلمان رجع بحال خوويا
أشرف: اممم خوك
صفاء: واش ليوم غادي نخرج يااك أنا صافي قنطت وملييت من النعااس
أشرف: كتمووتي على تمارة
سلمان: غادي يشوفك الطبيب إذا عطاك الأوكي غادي تخرجي ليوم. وغادي نشريليك شي فيتامينات وجهك ماعاجبنيش واقيلة فيك فقر الدم
صفاء: أحم لاا مافيا واالو
كانو وصلو لغرفة الفحص. حل الباب سلمان دخلات وتبعها ماباغيش يخليها بوحدها
