🍒 الفصل الثاني: إعتذاري منكي لن ينسيكي
مساءا
فبيت يوسف ناعسة ليليان فوق السرير ومغمضة عينيها حتى كتحس بالهوى دافى فوجهها حلات عينيها لقات يوسف ناعس قدامها متكي على المرفق ديالو كيشوف فيها مبتاسم
يوسف:غزاالي فقتي
ليليان بتاسمات وعضات على فمها وجهها حمار
يوسف: ههههههه. شنو زعما ماموالفاش ليك تحشمي من كلمة غزالي كنقولها كاتعايريني كيفاش دابا سكتي
ليليان هبطات عينيها ماقدراتش تجاوبو حاسا بلسانها تربط ديك الزعامة كلها لي كانت فيها مابقاتش
يوسف: واخا احبيبي ماتجاوبينيش .جلسي باش تعشاي. شد ليها فيديها وجلسها.
ليليان :عطيني البلاطو ناكل
يوسف:توتو انا غادي نوكل حبيبي. بقا كيقطع ليها بالفورشيط الخضرة سوطي هي وسطيك . كيقطع ليها طريفات ويوكلها. وهي غير حاضياه بعينيها. قلبها كيضرب بشدة اول مرة تسمح لهاد الأحاسيس تستمر فزياتها. ديما غير كتشوفو كتجري على هاد الأحاسيس مي دابا ماقدراتش تعاملو معاها خلاها تخضع ليه وتلين بين يديه .
وكلها حتى شبعات ومد ليها الماء شربات . مسح ليها فمها . حط البلاطو فوق الطبلة لي فلبيت و نعس حداها . قربها ليه معنقها حتى تلاصقو وجهها عند صدرو. مد يديه وعلا ليها وجهها حتى شافت فيه. كيلعب بيديه فخدودها وهي كتشوف فيها بعينين الزمرد وجهها حمر حشمانة من هاد القرب.
يوسف بصوت مبحوح: خفت عليك بزااف اغزالي. سمحتي ليا حيت ضربتك ماكانش بقصدي
ليليان عضات على فمها وحركات راسها: نتا لي خاصك تسمح ليا. ماحسابليش غادي يطرا هادشى كامل. ضربتيني وضربتي حتي راسك . ضحكات ضحيكة حلوة: هههههههه
يوسف زاد عنقها : وياااعمري وشحال جات معاك هاد الضحيكة فين كنتي مخبيااها.
ليليان ضحكات بخجل: كانت كاينة غير متا ماشفتيهاش
يوسف: كنت كنشوف ضحكتك غير ملي كتديري شي زبلة . اما دابا الضحيكة مخالفة . شنوو سر هاد الهدوء. (غمزها) اممم ماعندك والو تقوليه ليا .
ليليان توترات: ء ء شنو غادي نقول
يوسف: شوفي نتيا. جيتيني بحال هاد الضربة فورماطاتك وليتي وحدة أخرى
ليليان: انا أصلا هاكا.
يوسف: وعجباتني تكوني هاكا. واخا نسولك
ليليان: اممم سول
يوسف: انا عارف هاديك ماشي شخصيتك. شنو لي مخليك تبغي تجربي داكشي
ليليان: نجرب
يوسف: اااه كتبغي تجربي حوايج مختالفين وتقدري تضري بيهم راسك. ورغم دالك ماكاتصوقيش
ليليان علات كتافها: م مانعرف
يوسف: توتو . نتي عارفة انا دابا لي بغيت نعرف
ليليان غمضات عينيها وتنهدات: عااافاك ايوسف مابغيتش نهدر فهادشي دابا . لمهم هادشي ماغاديش نكررو
تنهد وهزها حتا طلعات فوقو وجهها عند وجهو وكيلعب ليها فشعرها
يوسف: الحمد لله هادي دازت سالمة. غير ماخصش هادشي يتكرر.نتي دابا كبرتي خاصك تخدمي عقلك. ماشي أي حاجة تديريها. الله يستر كون وقعات ليك حاجة خطيرة فين كنا غادي نوصلو
ليليان يهدوء : مانعاودش
يوسف: هاكاك اغزالي. انا عارفك بعقلك وتبارك الله ذكية. المشكل كتبغي تلعبي وتضحكي وماكاتفكريش فالعواقب. واعديني ماتعاوديش هاد الزبايل
ليليان: كنواعدك
يوسف: مافيها باس تلعبي مرة مرة. وانا مستاعد نلعب معاك كاااع غير الحاجة لي فيها الخطر لا.
ليليان: امممم
يوسف: هههههه مااالكي ماموالفاش ليك هاد السكات
ليليان هبطات راسها عاضة على لسانها وغطات وجهها
يوسف ضحك وزااد عنقها ونعس
