🍒 الفصل الثاني: إعتذاري منكي لن ينسيكي
فبيت سلمان كان ناض دوش ولبس عليه سروال تجينز وتيشورط فالزرق. مشا هز تيليفونو كان
فالشارج يعاود يصوني عليها على الله تجاوب. لبارح نهار كلو وهو كيحاول يصوني ليها باش يجيبها لخطوبة سحر والو طيليفونها كان طافي .
دار تيليفون فوذنيه و صونا المرة الأولى التانية التالتة التالتة عاد جاوبات بصوت منغنغ
صفاء: الو
سلمان:الو صابر بيخير
صفاء: لاباس الحمد لله شكون معايا
سلمان بإستغراب: انا سلمان
صفاء مسحت دمعتها وكتمات الشهقة : اه خويا سلمان
سمح لياا ماعرفتكش
سلمان حس بصوتها ماشي هو هداك: ماالك
صفاء: والو
سلمان: صااابر مااالك دويت معاااك
صفاء عضات على فمها ومسحات دموعها: غير عياانة شوية وصافي
سلمان: فيينك نجي ناخدك نلوبيطال
صفاء: لااا ماكاين لااش انا بيخير
سلمان: راااه دوييت معااك فينك
صفاء: غادي نقوليك فين لكن مابغيتش نمشي نصبيطار
سلمان تنهد : واخاا فينك
صفاء: حدا المارشي الكبير لي فدخلة
سلمان: بقااي تما هاني جااي. قطع هز سوارتو ونزل كيجري
ركب فطموبيل مشا طاير مكسيري. صوتها ماعجبوش
وزيد من البارح وهو بالو معااها ماعرفش مالو مع هاد البنت . عمرو طراليه هادشي ولا حس هاد الإحساس. ولات عزيزة عليه فأيام قليلة
وصل لباب المارشي وبدا كيقلب بين الناس حتا بانتليه جالسة فواحد الدريجة مشا عندها بسرعة نزل من الطموبيل حتى وقف عليها
سلمان: مااااااالكي
صفاء علات راسها مخلوعة ماحسابش ليها صل:
و وااالو
سلمان شاف جبهتها زرقة تحنا شدها من كتافها وعلاها: وهااااااد الوجه مااااااالوووووو
صفاء: وااااالووو غير طحت
