🍒 الفصل الثاني: إعتذاري منكي لن ينسيكي
قبل ما ينزل عليها الذئب ، الحاجة الوحيدة لي فكر فيها فهد فديك اللحضة هي يجبد الخنجر و يتعرضلو فالهوى، مع النزلة لي غادي نزل الديب نزل على الموس واخا هاكاك طاح فوق سحر و كان باغي يشلهطها حيت الروح مزال ما خرجات منو ولكن فهد بحركة سريعة شدو معلي ليه راسو من اللور و دوز عليه دابحو مخليه غارق ف دماياتو
تأكد من أن سحر مزيانة و دار لعند ثلاثة لوخرين لي كانو ضارو بيهم مستعدين للهجوم، حتى سحر وقفات بالزربة مستعدة ب دورها هازة خنجرها فيديها واخا كتترعد حيت كانت على شوية غادي تمشي فيها,
فهد بادر بالحركة ملي شاف واحد جاي لعندو حاول يخويليه و دار باغي يضربو من اللور ولكن الضربة مكانتش قوية غير جرحاتو، أما سحر بقات مضاربة مع واحد خور كتخويليه ب سلاسة و كتعاين اللحضة المناسبة لي توجهليه الضربة بالخنجر، غير شافتو تجنب بغا يدور عليها من جهة أخرى و هي تخشي فيه الخنجر خرجاتو بالزربة و عاود خشاتو عالله يقضي فيه واخا هاكاك بقا واقف ولكن مقادر يدير والو حيت الجهد مشا ليه،
فهد كان ضرب واحد صغير جهة راسو وواحد آخر ضربو غير لرجليه،. دار شاف ف سحر لقاها مازالة مضاربة مع هاداااك كتخشي فيه و تعاود باش تضمن موتو
فهد : سحر ما وقعليك والووو
سحر كتلهت : تو تو و نتاااا
فهد : لاااا،. شوفييي دابااا خاصنا نهربوو حيت فأي لحضة يقدرو يهجمو علينا لوخرين، حيت لي كيميز الذياب أنه إذا قتلتي شي حد منهم كيبقاو حتا يقتلوك
سحر : واخاااا يالاه
فهد بقااا كيشوووف فالطريق كيعقل منين خاصو يرجع، ولكن غير سمع الصوت د ذياب لوخرين جايين كيزمجرو ب غضب شد لسحر فيديهااا بقوة و جراااا بأقصى قوة هوما جاريين و مجموعة من الذياب تابعينهم
فهد كايحاول يدخل بين الأدغال باش يدوخهم أما سحر دايرة جهدها باش ماتوقفش واخا كتجري ولكن ماتوصلش للجرا د فهد إسم على مسمى السرعة ديالو بحال الفهد لي هو أسرع حيوان، مع هو شادلها ف يديها يعني مامحكماش ف راسها غير كتجرجر و تعاود تنوض بالزربة و تعاود تطيح مع حتا الأرض مكاتعونش كلها محفرة، هو ملي شافها هاكاك حنا عندهااا هزها فوق كتفو و كمل بيها الجرااا هي تشبتات فيه باش ماتطيحش
سحر : سمحليا أ خويا معدباك حتا نتا
فهد كيلهت كيجري بسرعة كبيرة قريب يطير. أصلا موالف الجرا وراء المافيات : شوووو راه ملي دوزتي هادشي كلووو و باقا صابرة راه الف برافو فيك ميات راجل... ( كيدوي و هو كيجري الصوت مقطع و كينهج) والله حتا شابو ليك ما عمري توقعت سحر يكون فيها هاذ الجهد وهاد القوة كلها
سحر اكتافات انها تبتاسم مالقات باش تجاوب، أما هو دار يشوف لقا بلي قربو ليه . زااد فالسرعة وتكركب فواحد المنحضر كيخرج من الغابة نيشان لوسط للشاطئ غير وصل نزلها وناضو كيطيرو وتقريبا تلاتين ذيب كيتلاحو على داك المنحضر باغين يوصلو ليهم .
سحر وفهد وصلو ديك الخشبة لي خلاوها تمااا
سحر: فاااااااهد وصلو لينييييا
فهد : دخليييييي وسط الماء
دخلات سحر دغيا تلاحت كتعوم
وفهد هز بجوج يدين ديك الخشبة لاحها فأخر لحضة وتلاح عليها وصل لسحر مد ليها يديه طلعات عندو كيلهتو بعدو شوية على الشاطئ مخلين الذياب كيعويو ويزمجرو بقوة .
بعدو على الشاطئ معارفينش فين غادين المهم يبعدو على هاذ الجزيرة المشؤومة
سحر : نقدتينا فأخر لحضة. كان عندي لحق ملي فكرت فيك نتا. حيت هاد المهمة ماكاينش لي يقد عليها منغيرك
فهد: حتى نتي ماكاينش لي يقد عليها منغيرك. أنا وياك كملنا بعضياتنا. ماكايناش لي تصبر تبقا ايام بلا ماكلة و فنفس الوقت غير تخرج من مصيبة تدخل لمصيبة خراااا.... من ضا ضايعة ف غابة . لعاضاك لفعى لمرض ل قوم مانعرف باش كايآمنو شاديناك وباغين يقتلوك.... ل شلال وفلخر لجزيرة عامرة دياب. خاصها تكون سميتها سحر باش تقدر على هادشي
سحر بتاسمات: شفتك كتمدحني ياكما عجبتك. را بصح أنا وياك توالمنا اجي نرجعو ونتزوجو
فهد شاف فيها بنص عين: نتزوج بمرأة خويا..
سحر خنزرات: كيفاش مراة خوك إمتى عقد عليا
فهد بتاسم: قريب. أصلا ماشي ستيل لي كنبغي. أنا مراتي خاصها تكون راقية انيقة أنثى بمعنى الكلمة تحسسني بالرجولة ديالي .
سحر: إوا الله يطليك بيها
