🍒 الفصل الثاني: إعتذاري منكي لن ينسيكي
اما سحر ماكانتش فهاد العالم. كانت عايشة فعالم تاني فيه غير عصام وسحر.
فمكان تاني وبالضبط فلا وعي ديال سحر. المكان كلو خضورة كأنه جنة والورد فلون الزهري فكل مكان .
غادة كتجري سحر فعمرها 16سنة لابسة سكيوة فالوردي وشعرها الأسود الفحمي واصل لخصرها كتجي وتضحك وتدور تشوف واش وصل ليها. عصام لي كان فعمرو 25 كيجري وراها وحتى هو كيضحك على هبالها عافها حمقة كتموت على اللعب.
عصام: وقفي وقفي لمك غاطيحي تاني على وجهك
سحر كتمووت بالضحك وتدور تشوفو واش وصلها كتجري وسط الورد والخضورة: ههههههه والله ماتشدني نانا ننانا
عصام كيجري وراها: وااخا عليك نشد مك نعضك من وذنييك .
سحر بعدات عليه كتجري حتى وقفات كتشوف بحال شي حصان بيض عندو جناوح هابط من السماء. بقات وااقفة كتتفرج حتى وصل نالأرض ونزل منو راجل ومرأة . الراجل لابس سروال وقاميجة فالبيض ولمرأة لابسة كسوة فالأبيض وشعرها الأسود مطلوق ودايرة تاج دالورد فووق راسها.
شافت فيها المرأة وتحناات مادا ليها يديها بمعنى أجي عندي سحر غير شافتها بتاسمات ومشات كتجري عندها
سحر: ماااااااااامييييي ماااااامييييي ماااااميييبي
عصام غير شافهم خافهم ياخدوها ليها بقا جاري وراها وكيغوت وكل ما كيقرب كيلقا راسو رجع لوور مبعد علييهم غادي يتجنن ماقادرش يوصل ليها
عصام: سحااااااااااااار سحااااااااااااار رجعيييييييييييييي
سحر بقاات كتجري فرحانة حتى وصلات عند ماماها وباباها وتلاحت عليهم معنقاهم وكتبكي
سحر:أهئ أهئ مااااامي بااابيبي. توحشتكم توحشتكم
سلمى معنقااها : حتى حنا توحشنااك اماما بزااااااف
سحر: علااااش خليتوني ومشيييتو
كريم شدها حتى هو وعنقها:حنا مكتااب لينا ابابا نمشيو . حيت هاد البلاصة لي غادي نرتاحو فيها
سحر: وعلااااش ماخديتووووونيش
كريم باسها من خدها: حيت نتي مااازال لحال عليييك نتي حياتك عاد غادي تبدأ
سحر كتحرك راسها بلا: لااااااا أهئ قلبي كيضرني هنااا بغييت نمشي بغيت نركب معاكم فالحصاان
