🍒 الفصل الثاني: إعتذاري منكي لن ينسيكي
عند فهد
خلاها و مشا كيتسلت حتا كيلقا مجموعة من الخيل واقفين جر جوج فيديه وتقدم بشوية جيهة الخيمة لي ناعس فيها الزعيم .دار من لور ديال الخيمة باش مايشوفو حد جبد موس لي كان عندو مخبي مع حوايجو وقطع الخيمة من لور ودخل .
كان الزعيم ناعس صولو ملابس حتا حاجة كلشي عالله، دار كيقلب وهو يلقى لي ساكادو ديالهم محطوطين بتاسم بمكر ومشا ليهم . جبد واحد الحبل طويل تيراه بيدو و هو كيضحك و كيفكر شنو غيديرلو، ربط واحد الجهة الربطة لي إدا جريتيها كتزير وحدها هز العود ديال الزعيم لي كيخرج شادو. مدو وعلا بيه زب*و. باش مايقيصوش ودخل الحبل حتى لقلا*ويه جبد الحبل شوية حتى تزير مابغاش يجبد بزاف باش مايفيقش. أصلا غادي يتزير غادي يتزير
دار لي ساكادو فوق ضهرو ووخرج بشوية وهو فيديه داك الحبل وصل عند الخيل وربطو على ضهرو ركب هو على الفرس ديالو وضرب داك الخيل بالجهد حتى علا رجليه وجرا بقوة هارب . غير جرا تسمع صوت الزعيم لي تزير عليه الحبل وجرو الخيل من ز*بو خرجو من وسط الخيمة ومشا بيه فالخلا وهو كيغوت . فهد علا يديه وضرب الفرس ديالو وجرا جيهة لي خلا فيها سحر ، هذا هو فهد مستحيل يخلي الدقة تبات عندو مايعرف حتا واحد لا زعيم و لا رئيس مافيا و لا بوليسي، لا بنت و لا ولد، عندو كلشي سواسية لي دارلو شي حاجة يتحمل العقوبة و يعرف بلي الدقة جاياه جاياه
وصل عند سحر لي كاتساينو و هي متوترة غير شافتو تصدمات حيت جاي بالفرس وهوما كانو متفاهمين مايديروش الحس باش مايسمعوهمش. وصل حتى لعندها وهي واقفة مصدومة . مد يديه وهزها دارها قدامو وزاااد فسرعة الفرس
سحر : فهد شنووو طاري
فهد كيدور يشوف وراه : شووو سكتي ماشي وقت الهدرة وهبطي راسك شوية خليني نشوف الطريق
بقا كيجريو حتى بدا يتسمع صوت ديال الخيل والصداع وراهم دارو وهوما يلقاو القبيلة كلها كتجري وراهم
سحر : شدرتي أ داك الشلاهبي
فهد كيدور يشوف ويرجع يزيد فالسرعة : والو درت فيهم عالخير
سحر : شنووو درتي أفهد . ياك قلنا غادي تسلتو بلا حس
فهد : مايمكنش فهد ضاروري يخلي بصمتو
بقاو جاريين والقبيلة كلها وراهم وهوما كيراوغو فالطرقان على الله يتلفوهم لكن والو. ناس القبيلة كانو حافضين المنطقة كلها . ماوقفو حتى لواحد المنحذر . حافة قدامهم ماعندهم فين يزيدو ،
فهد شاف لتحت لقا المسافة بعيدة والواد تحتو و العدو وراهم، اختيارين أحلامها مر بانولهم جايين بعاد، نزلو من فوق الخيل
سحر : شنو غانديرو دابا
فهد : كاين حل واحد
سحر : شنو
فهد وما ليها براسو جيهة الحافة. سحر حركات راسها بالموافقة أصلا ماعندهم حتى حل . حيت صافي وصلو قدامهم ونزلو من الخيول لي كانو راكبين كيتقدمو عندهم.
سحر وفهد شدو فاليد د بعضهم بقوة و شاف فيها
فهد :مستعدة؟
سحر وماتلو : مستعدة
يالاه غادي يوصلو ليهم دوك الناس وهوما يتلاحو من فوق الحافة و هوما شادين ف يدين بعض المسافة كانت بعيدة بقاو مدة فالهوى عاد تردخو بقوة ف داك الواد، و مع القوة المااا تفارقو و كل واحد فين تلاح
