🍒 الفصل الأول: بدونك لا اهوى الوجود
مراد بعصبية الدخان خارج ليه من ودنو : فين هي ديك قليلة الترابي
فهد : قتلاتها سحر بيديها بعدما دوزات جميع أنواع العذاب
مراد: ماكافيش مكاااافييييش هاديك راه كان خسني
نفصلها جلدها على لحمها و هي فايقة
سحر : ف ديك الساعة ما كنا غادي نستافدو والو و ماكناش غادي نعرفو شنو طاري
سلمان : و خدامين بوحدكم و مخليينا حنا كي شي بوكيمون ما عندنا دخل
مراد : ماشي وقت هاد الهدرة دابا
يوسف : دابا كملو نتوما شنو عارفين،
فهد : كيف ما كنت كنقول قبيلة و قطعتوني السحر راه مطمور ف شي قرينة كحلة ما عارفينش حتا فين جات، و الشخص لي كلفاتو ديك القح*بة أحم ( عاد رد البال حداه ختو و النساء) ما علينا الشخص لي كلفاتو هاديك راه ما بقالو حتا وجود خارجين إشاعات عليه أن شي قرية مكونة من ناس بدائيين غرابين شدوه و قتلوه حيت مكايبغيوش البراني و هاذو كيف ما قلتلكم راه غير إشاعات ماشي منطقيين
براءة عينيها عامرين دموع : إذن خويا مريض عليها كان كيتصرف هاكاك (شافت ف سحر) إذن هو ما خلاكش لخاطرو أ سحر
سحر حركات راسها : هادشي ما عندو حتا فايدة، ماشي مهم، داكشي ماضي و فات و عصام دابا ولد عمي لا غير بحالكم كلكم، غادي نمشي باش نعاونو ب صفتو ولد من عائلتي
سلمان قرن حجبانو : علاش فين غادا بالسلامة أ لالة
سحر شافت فيه : غادي نمشيو أنا و فهد باش نفكو السحر
سلمان : وااش نتي سافاباا و لا شنو
فهد: ماشي سوقي دويو معاها أنا هاد بنادمة ما بقيتش كانعرفها، حرام واش كتفهم بالكلام خاصني نشدها مع شي حيط و نبدا عليها بالكروشيات عالله تفورماطا و ترجع كيف كانت راسها قسح من الحجر
سحر : فااااهد
فهد بينو و بين راسو: القلا*وي هذا ماشي فهد
مراد : انا من هادشي كلو ما فهمتش فين غادي تمشيو و كيفاش ياك ماعارفينش البلاصة لي مدفون فيها السحر و حتا من الراجل مات، إذن؟؟؟
فهد : ملي بحتنا هاذ اليوماين على ديك المنطقة واخا ما عليهاش معلومات كتيرة و لكن لقينا كاين واحد الساحر معروف تما و هو لي تابعين ليه جميع السحرة، يعني ما غاديش يصعب عليه يعرف البلاصة لي فيها
بلقيس : واش منيتكم تمشيو عند السحارين
فهد : هذا الحل لي كاين أ عمتي إذا بغينا نوصلو لراس الخيط ضروري خسنا نمشيو عندو وا إلا عصام غيموت
ذكرى ضربات على صدرها: أويلي وليدي غيموت
فهد: مابغيتش نقوليكم هادشي ولكن لازم تعفوه. عصام دايرالو سحر أسود ديال لموت نهار يتفارق معاها يبقا مريض مريض ويضعاف بشوية بشوية حتى يموت
مراد : إذن نعلمو البوليس و فرق البحث و هوما يمشيو
فهد : المنطقة محذورة و ممنوع على اي واحد يمشيلها
سلمان : إذن كيفاش حنا غانوصلولها
سحر : غادي...
قاطعها سلمان : نتي سكتي ما دويتش معاك حيت نتي ماغاداش،(شافت فيه النظرة د منيتك) كمل ا فهد
فهد : كاين واحد السيد من معرفتي غادي يقربنا غير شوية ولكن غادي نكملو على رجلينا واخا الطريق صعيبة و ماعارفينش شنو ممكن يتعرض لينا ولكن غادي نتبعو الخرائط حتا نوصلو إن شاء الله
ذكرى بخوف : لاا ا ولدي لاا انا مستحيل نضحي ب شي حد من العائلة لشي مهمة خطيرة بحال هادي
سحر: ماكاينش الحل أ ماما إذا ما مشيناش حنا حتا واحد ما غادي يعاوننا
مراد : إذن انا غادي نمشي معاك أ فهد
فهد : منيتك أ لواليد
يوسف : نمشيو انا و سلمان و فهد
سحر : هييي شفتكم بديتو تقررو ماكاين لا هادي لا هادي، غادي نمشي أنا و فهد و نتوما غادي نبقاو هنا ضروري يبقاو الرجال حاضيين الدار وواقفين مع عصام إذا حتاجكم
