🍒 الفصل الثاني: إعتذاري منكي لن ينسيكي
سحر كانت لابسة دجينز وتيشورت فالأبيض دايرة شعرها كوت شوفال. مخنزرة وماحاملاش راسها حيت مولفة تكمي ملي تحل عينيها. وملي فاقت حماقت على بكية الكارو مالقاتهاش فالصاك عرفاتو هو مولاها.
قربت عندهم مخنزرة ماكاتشوفش جيهة عصام لي ماعلاش عينيه أصلا
سحر: ماما انا غادا الخدمة
ذكرى: جلسي أبنتي تفطري بعدا
سحر: لا مافياش ومزروبة
عصام نطق : جلسي لأرض ماكاينش الخروج بلا فطور.
كلهم بتاسمو
سحر بعصبية: ماشي سوقك فيا وماتبقاش تدخل فأموري الخاصة
عصام ماكيشفش فيها: اوكي ماندخلش. لمهم داك الباب لي قبالتك مغاديش تعتبيه بلا فطور
سحر: هاحنا غادي نشوفو .
خرجات من تما متاجهة نالباب حتى وقفو عليها الكارد مانعينها من الخروج وشنو السبب اوامر السي عصام.
دخلات معصبة غادي تتجنن وصلات حتى لقدامو ولاحت الصاك هو علا عينيه فيها ورجع هبطها
سحر حمرة بالعصبية: شنوووو كتحاول ديير نتا. هاد البسالات ماعنديييش معاهم. ماشي أنا لي يتداار معيا هاد الأسلوب
كلشي وقف الفطور كيشوف فيهم. منغيرو هو لي مامديهاش فيها وجالس كيفطر.
مراد : مالكي ابنتي على الغوات
سحر بحدة: شوووف ولدك أعمي شنو كيدير. شافت فعصام ..شنووو نتا كاتدير. واااش حسابليك هادي لي واقفة قدامك بنت 16 سنة . قول ليهم يبعدووو ليا من الباااااب
عصام معلاش راسو حدو قال ليها جوج كلمات: جلسي تفطري
سحر: اععععع وااااااااش نتا مصطييييي .
سمحات فيه وخرجات تاني وصلات نالباب. وقفوليها تاني الكارد فالطريق
سحر بحدة: بعدووو ليا من الطرييق
الكارد راسو فالأرض: مانقدرووش الالة. أوامر سي عصام ماتخرجيش بدون مايعلمنا هو
سحر العصبية لي كانت فيها علات يديها وضرباتو بلكمة حتى تحنا وهزات رجليها وضرباتو لكمارة. دارت لتاني هزات رجليها ضرباتو نالكرش تحنا وهزات ركبتها ضرباتو لنيف حتى طاح .
قادات شعرها وجات تخرج حتى لقات ربعة خرين معرضين ليها فطريقها. تنهدات ودارت صاعرة مع الدورة مع لقات عصام واقف مبتاسم ومربع يديه وكيتفرج تمشات حتى لعندو . العائلة كلها كانت واقفة كتفرج فالكومبا لي نوضات
عصام غير وصلات قدامو تكلم بهدوء: سيري جلسي تفطري
سحر: ماجااالساااااش
عصام : ادن ماخارجاش
ذكرى:صافي ابنتي الله يهديك جلسي تفطري خليونا مرتاحين هاد الصباح
سحر بعصبية: مااابغيتش نفطر ومابقيتش باغيا حتى نخرج دارت طالعة فالدوج
عصام بتاسم وعلا صوتو بنفس الكلام لي كان كيقول ليها وهي صغيرة : بشوية ابنتي على الدروج ماتنقزيش عانداكي الطيحي
هي ماداتهاش فيه وكملات طريقها معصبة. ولخرين كلهم ضحكو على كلامو
