🍒 الفصل الثاني: إعتذاري منكي لن ينسيكي
صباحا فالمستشفى .
حل الباب ودخل هاز بوكي دالورد غير شافها متكية فبلاصتها بتاسم بحنان ودخل . أشرف كان ناعس فوق الكرسي راسو مايل مكرشخ ليلة وهو ناعس فوق الكرسي معذب.
دخل سلمان بشوية ووقف فوق راسها حط قدامها بوكي دلورد بشوية غير حطو وهي تحل عينيها. شافتو وبتاسمات
سلمان: صباااح الخيييير أسي صاااابر ههه
صفاء بتاسمات : صبااااح الخير أسي سلماان ههههه
سلمان: كييف صبحتي شوية
صفاء حركات راسها:اممم الحمد لله
سلمان:حتى وجهك ليوم شوية رجع فيه اللون.
أشرف جاء يدور طاح بيه الكرسي وصدق مكركب فالأرض
أشرف بألم:اووووه اااااي
صفاء تجلسات مخلوعة: خووويا مالك تقصحتي
سلمان: بشوية حتى نتي شنو هاد النوضة راك مازالة عياانة
أشرف واقف كيدلك فضهرو: ااااح كتفكر غير فيها أنا لااا
سلمان: ههههه علاش صااابر عندنا قلييل
أشرف: لااا صابر هو الكل فالكل
صفاء بتاسمت: رببيي يخليكم ليا ومايحرمنيش منكم
سلمان وأشرف: أميييين
أشرف: لمهم أنا غادي ننزل لكافيطيريا ناخد قهوة. نجيبلك حتى نتا أسلمان
سلمان: لاا شربتها غير دوز عندهم يجيبو ليها فطورها
أشرف : واخا . خرج وسد الباب. سلمان قرب كرسي وجلس قداها.
سلمان: الحمد لله على سلامتك
صفاء : الله يسلمك أخويا
سلمان: كيفاش طراليك. (واخا عارف باغي هي تقوليه)
صفاء: احم نهار خليتيني فالمطعم وخرجتي كتجري يمكن كان عندك شي ضرووف. بغيت نخرج وهو يشدني السربااي قال ليا خلصي. (هبطات راسها نالأرض) وأنا ماكانش عندي دووك الفلوس كلهم وخداني عند البوليس.
سلمان: وعلااش ماقلتيش ليهم جيت مع سلمان
صفاء: راه قلتها ليهم هوما ماعرفوكش
سلمان: كوون قلتي ليهم كنيتي ماغادي تبقاي حتى دقيقة تما
صفاء: ماعرفتهااش
سلمان: مرتضى كنيتي مرتضى
صفاء بتاسمات: متشرفيين أسي مرتضى
سلمان: ونتي شنو كنيتك
صفاء: الصديقي
سلمان تنهد: صفاء.. سميتك وكنيتك ماكاينينش فالسجل المدني . ماعندكش هوية شنوو السبب
صفاء عينيها دمعوو: مااعرفتش. أنا عارفة بابا مات وأنا ماعاقلاش علييه
سلمان: وعلااش ماسجلوكش فالحالة المدنية. ونتي عمرك سولتي ماماك علاش مسجلاتكش فالمدراسة
صفاء: كنت كنسولها كتقول ليا ماعندهاش فلوس باش تقريني. واخا ماشي مبرر. حيت القراية فاابور
سلمان: إذن شنو يقدر يكون السبب أنك ماعندكش هوية
صفاء حشمات وهبطاات راسها نالأرض : يمكن كيف قال البوليسي. ماما حملات بيا من الزنقة وأنا غير ملقطة
سلمان تنهد وعلا ليها راسها بيديه: شووفي فياا مالك حشماانة.
صفاء نزلات ليها دمعة: تفكيت من كاااع المشاكيل بقا ليا غير نكون بنت الحراام
سلمان: وحتى لو كنتي نتيجة حمل خاطئ .علاااش غادي تحشمي. يكفيك أنك سميتك صااابر. عرفتي لمعنى دياال بنت تكون مسمية راسها سمية ولد وكتخدم بحاال الرجاال وقاادة براسها ومسؤولة. فهاد الزماان قليل فين تلقى بنت بهاد المواصفات. خاصك تفتااخري ودييما تعلي راسك لفووق
