🍒 الفصل الثاني: إعتذاري منكي لن ينسيكي
سلمان: فهد هز معايا خلينا ناخدوه لدار
فهد:أصاحبي غادي يفيق يدير لينا الشوهة هو حالف مايمشي لدار حتى تجي سحر
سلمان:عارف شنو كندير أفهد. سحر ليوم غادي تكون هنا
فهد علا حاجبو بإستغراب وصغر عينيه: ونتا منين عرفتي. كانت كتواصل معاك ونتا مخبي علينا
سلمان: ماتواصلت مع حد
فهد: ااهاااه ومنين عرفتيها جايا
سلمان:أحم ماشي وقت الهدرة دابا أفهد خلينا ناخدوه يرتاح
فهد تنهد وشدو معاه مخرجينو من تما.
وصلوه لدار كانت ذكرى وليليان جالسين غير شافوهم ناضو كيجريو
ذكرى: مالووو ماالوووو ولدي
فهد ماقدرش يقوليها شارب واخا يكونو كيفما كانو كيحشمو منها: والو الحنانة غير عيان شوية صافي
ذكرى بخوف: أويلي وباش ياكما غيب تاني
سلمان: الله يهديك أمراة خالي. راه غير عيان خلينا نطلعوه يرتاح وغادي يفيق بيخير
ذكرى: واخا واخا أوليدي طلعوه.
طلعو شادين فيه وذكرى وراهم. طلقاو يوسف هابط
يوسف: مالو هادا
فهد حرك غير لسانو بلاما يخرج الصوت: ش ا ر ب
ذكرى: عياااان اوليدي. خوك مسكين فيه وفالحيط
يوسف بتاسم جنب: واخا الواليدة مايكون عندو باس.
كمل طريقو نازل حتى كيلقا الأميرة ديالو واقفة حاضياهم
يوسف: احححح وشحال كنتصطا عليك أنا
ليليان خنزات فيه وبغات تمشي حتى كيشدها من خصرها ويقربها ليه.
يوسف بهمس: مازال مابغيتي تحني على حبيبك
ليليان كتنتر: يوسف بعد مني
يوسف: عيوووون يوسف روووح يوسف. كتعرف هاد يوسف شحال كيعشقك
ليليان خدودها حمارو وبتاسمات ولكن دغيا جمعاتها: طلقني خليني نمشي
يوسف: توتو. وإدا قلت ليك عندي ليك مفاجئة
ليليان علات حاجبها: شمن مناسبة
يوسف قرب منها حتى مابقا يفصل بينهم غير ميليميترات وهدر بهمس : كادو ديال نجاحك فالباك. ماشي ناسي عمري غير الضروف كانت مرونة
ليليان قربو وترها بقات واقف مصدومة كتشوفو كيفاش قريب ليها وعينيه منيمين بغات تمنعو ولكن ماقدراتش كلها كتفيبري. هو استغل الفرصة وزاد قربها ليه وتحنى بشوية باش يبوسها وهي غير كتشوف بصدمة كان فتانية غادي يقيص فمها حتى سمع تحنحين جاي من الدروج تنهد وبعد عليها.
وهي غير علات راسها لقات فهد وسلمان نازلين مشات كتجري جيهة الكوزينة كتولول
فهد: مابقيتو تحتارمو حد
يوسف ساخط: تفو ينعل ديل*مك ماتبوس ماتخلينا نبوسو
فهد: عندي بروتوش هنا ولا. لي بغا يبوس يدخل لبيت النعاس. ولا عاداك عصام فين مامشيتي تلقاه شادها
يوسف : سير تقو*د
سلمان غير واقف كيتصنت من طبعو ساكت.وماشي ديما الإنسان لي كيكون ساكت راه إنسان هادئ وماعندوش مع الصداع. يقدر يكون مخبي شخصية ماباغيش يبينها نالعلن. كيفما سحر مخبية شخصيتها وعندها اسباب. وليليان مخبية شخصيتها الحقيقية وحتى هي عندها أسباب. يقدر حتى سلمان يكون مخبي شخصيتو لي ماكاينش لي كيعرفها منغير سحر ودانييل.
سلمان خلاهم كيهدرو وخرج ملي سمع التيلي كيصوني خرج لجردة وجبد التيلي من جيبو شاف المتصل وهو يبتاسم عاد جاوب
سلمان: اهلاااا غبور هادي ابنت خالي
