🍒 الفصل الثاني: إعتذاري منكي لن ينسيكي
فهد علا راسو طلعها ونزلها بعينيه: زعما كتضني راسك دايرا ستايل. وراكي واعرة بلبس الدراري.
سلمان خنزر: فاااهد
سلمان دار يشوف ف صفاء حتى لقاها طارت . ناض كيقلب بعينيه وااالو مع كان الضلاام مابانتش ليه
سلمان : فيين مشاات هادي
فهد علا راسو ورجع نزلو: مانعرف.
صفاء ناضت خارجة من البحر. أصلا على هادشي ماعندهاش مع جماعة دالناس . حيت حتا حد ماغادي يتفهمها . خرجات اوقفات فالشارع لي غادي يخرجها من المنطقة. دارت يديها على خصرها وتنهدات. ماعارفاش شنو تدير ولا كيف غادي تتصرف الطريق بعيدة بزاااف وهي ماعندها حتى درهم . مالقات مادير منغير تتمشي على رجليها. حتى تخرج من هاد المنطقة وتشد تاكسي يوصلها قدام اشرف وتخلصو.
بقات غادا مدة طويلة غير السياراة الكلاص لي كيدوزو من ديك المنطقة .
خرجات من منطقة وبقات غادا على الله تلقا شي طاكسي مي والوو . الطاكسيات ماكاينينش حيت هاد. البلاصة خارجة شوية على المدينة. ساعة وهي غادا على رجليها حتى عياات وزيد نهار كامل وهي فالخدمة وتمارة ودابا الإرهاق ديال الطريق حسات بقلبها ضرها واخا هاكاك متحملة لكن نقصات من الوتيرة ديال المشي .
وفنفس الطريق كانو دايزين جوج سيارات.
الأولى شاف فيها داك لي صايك وزاد مكمل طريقو مامهتمش.
والسيارة التانية شافها ووقف .
سلمان: صابر مازالة هنا
صفاء شافت فيه كتنهج العرق نازل على جبهتها وحركات راسها: اه مالقيتش طاكسي
سلمان شافها بديك الحالة نزل: مالكي واش نتي بيخير
صفاء كتنهج: بيخير بيخير غير عييت شوية
سلمان:واخا يالاه طلعي نوصلك
صفاء: لا خويا غير خليني دابا نلقا طاكسي
سلمان: تحركي قدامي باراكة من الهدرة. راه ماتلقايش هنا طاكسي واخا تباتي غادا على رجليك
صفاء بقات واقفة كتفكر
سلمان بتاسم: طلعي. غير غادي نوصلك ماغاديش ناكلك
صفاء بتاسمات وطلعات وهو ركب فبلاصتو ديمارا وزاد.هز قرعة دلما مدها ليها. وهي شداتها يديها كيترعدو وحلاتها وشربات
سلمان: فين كتسكن اسي صابر ههههه
صفاء: حطني غير قدام حي الورود
سلمان: كتسكني تما
صفاء: لا قريبة لتما. لكن غير حطني أنا نكمل طريق على رجلي
سلمان: علاش نوصلك فين بغيتي
صفاء: لاا الناس تما كيحتارموني. مابغيتهمش يشوفوني مع شيحد
سلمان: علاااش . ياك راجل بحالي بحالك هههه
صفاء بتاسمات: والله عندك الحق. ولكن واخا هاكاك. حطني غير فين قلت ليك
سلمان: واااخا اصابر نحطوك تما.
بقاو ساكتين شوية هدر
سلمان: بغيت نسولك
صفاء: سول
سلمان: كيفاش نتي بهاد الستيل معاشرة ديك البنت
صفاء: علاش مالها ديك البنت
سلمان: مختالفة عليك وزيد بنت الليل
صفاء: هاديك صاحبتي . وماكيهمنيش شنو كتدير. هي حرة. شكون انا باش نحكم عليها ولا نحاسبها
سلمان حرك راسو: حتى هادي وجهة نضر.
بقاو ساكتين تاني حتى وصلو لبلاصة لي بغات
صفاء: شكرا بزاااف اخويا
سلمان بتاسم ومد يديه : سلمان
صفاء بتاسمات ومدات يديها سلمات عليه: شكرا بزاااف خويا سلمان
سلمان: هادا واجب.
صفاء نزلات من الطموبيل. سيفطات ليه السلام فالهواء. وزادت بمشية رجولية دايرة يديها فجيابها.
هو بقا حاضيها حتى غبرات ديمارا باش يقلب الطريق. وهو يتفكر ماخداش نمرتها. تنهد وكسيرا راجع بحالو نالقصر.
#يتبع
بلا مانوصيكم. خليو ارائكم وتعليقاتكم أنا دابا عند طبيب ومانسيتكمش
