🍒 الفصل الثاني: إعتذاري منكي لن ينسيكي
نزلات ذكرى كتشوف واش ناقص شي حاجة . سحر لبسات القفيطين جاها غزال على فرمتها اصلا كتشبه لفورمت ماماها. دارت شوية دالميكاب. لبسات طالون ونزلات بشوية قلبها كيضرب ولكن كتحاول تتكالما.
هبطات لتحت لقاتهم كلهم واجدين ومنهم عصام لي لابس كوستيم وجالس.
فهد شافها ناض عنقها: ختيي مبروووك علييك
سحر بابتسامة : الله يبارك فيك
سلمان ويوسف حتى هوما سلمو عليها.
سلمان :جيتي غزاالة
عصام غير مهبط ؤاسو على طيلي مامسوقش
بلقيس: جيتي بحال الأميرة ابنتي
سحر بتاسمات:شكرا اعمتي
مراد: لمهم ابنتي غير تسمعيهم جاو طلعي لبيتك حتى نعيط ليك حيت عيب تبقاي هنا
.سحر: واخا اعمي
بقاو جالسين جالسين. ساعة جوج تلاتة ومازال ماجاو . سحر بدات تشدها الخلعة وتزاد معاها الزايد بدات كتصوني ليه . والو ماكيجاوبهاش
فهد: مالوو ماكيجاوبش
سحر قطعات: ماعرفتش
مراد: الغايب حجتو معاه زيدو صبرو شوية
ذكرى: راه العشرة وهوما كانو دايرين مع السبعة
مراد: نزيدو نصبرو يمكن وقع ليهم شي ضرف
بقاو كيساينو حتى لطناش ديال الليل ملهم واقفين منغير عصام لي جالس وشاد التيليفون وسحر غير ماشيا جايا كتخاول تصوني ليه والووو
فهد بعصبية: مااااااال ديلموووو هدا واااش كنتفلااااااو.
يوسف:مااباغيش يجيي ماكانش عليه ينشرنا هنا
سحر غير شادة التيلي غادا جاية. كتقول ضاروري غادي يجي غير وقع ليه شي ضرف . أيمن شاريها .
سلمان: هدا كيتسما تبرهيش ماجاايش يعلمناااا
مراد: مانعرف شنو طاري ليه زيدو صبرو
فهد: راااه وصلات الطناش الواليد شمن خطوبة هادي .
مراد :سحر صوني ابنتي عاودي صوني
سحر:واخا أعمي هزات الطيلي ودارتو فوذنيها .
وهي تسمع شي صوت جاي من وراها دارت وكلهم دارو.
كان عصام شعل البلازما بالريموت. وخدم فيها فيديو مباشر من طيليفونو.
سحر هبطلت الطيلي من وذنيها بشوية عينيها دامعيين مصدوومة ماكانتش متوقعاه يديه هاكا.
كان أيمن شاد فيد شي بنت واليد التانية شاد الفاليز وغادي وسط الماطار وشي حد من بعيد كيصورهم.
شاد فيديها وغادي كيضحك ومرة مرة كيهز يديها ويبوسها وهي كتعنق فيه بدلع. .
بقات الكاميرا تابعاهم حتى دخلو من لباب المسافرين عاد تقطعات.
سحر بقاات مصعووقة مامصدقاااش ومامتيقاااش
مراد: شنووووووو هادشييي كنشوووف فيين مشاا وشكون هاديك معاه.
عصام ببورود: سافر وهاديك مرتوو. مشااو لشهر العسل
فهد بالعصبية نااض قلب دااك البيفي كااامل دكدكوووو: ندييييييبين مووووووو الز*اااااامل. وااااش حساااابليييه حناااااااااا. شمااايت . ملييييي تزووج علاااااااش خلااااها كتسااااين فيه.
سلمان: والله ونشدو حتى نقتل دين مووو
ذكرى: بغيييت غير نفهم علاااش دار هكا
سحر كامت عاطياهم بالضهر دارت عندهم بشوية وجهها حمر وعينيها عااامريين دمووع. بتاسمات بألم وقهر شافت فيهم واحد بواحد وهوما حاضيينها عاد نطقات بصوت باكي: لتااني مرة كيتخلاو عليا ..لتااني مرة كيفضلو عليا وحدة أخرى ..لتاني مرة كنوجد بفرحة. وكيشدو فيد وحدة أخرى وكيمشيو. كنت عارفة ماعندي زهر. وقلت علاش لاا نجرب كنت عوالا نبدا حياة جدييدة. لكن ياخسارة الحياة ماقبلاتنيش فحياتها. نزلات ليها دمعة من عنيها. سمحات فيهم وطلعات كتجري فالدروج
#يتبع
قدما كان تفاعلكم طالع غنكثر من الاجزاء
