🍒 الفصل الثاني: إعتذاري منكي لن ينسيكي
كانو وصلو لباب لفارماسي كان قريب لتما.
سلمان: سايني هنا نجيب بومادة ونجي
صفاء:صااافي بلااااش
سلمان تكلم بحدة: صاااااابر
صفاء:دير لي بغيتي
نزل سلمان دخل لفارماسيان خدا ليها بومادة وفاصمة ورجع لطوموبيل. هز قرعة دلماء وغسل يديه تحت انضارها ودخل جلس فبلاصتو كيحل لبومادة
سلمان: اجي قربي نصايب ليك
صفاء: انا نصايب
سلمان: هانتي بديتي تعصبيني
صفاء قربات وهو حيد ليها الكاسكيط حتى بان شعرها الأسود مخبي تحت حاوايجها دهن ليها البومادة فجبهتها ودار فوقها الفاصمة .
سلمان شاف فشعرها: شعرك زويين ومخبياه
صفاء: ههههه حتى نتا شعرك زويين
سلمان بتاسم وزاد صايك جيهة ريسطو وقف فالباب
سلمان: زيدي دخلي نتغداو ونهدرو
نزلو من الطموبيل ودخلو. جلسو وشاف فيها سلمان
صفاء: مالك كاشوف فيا هكا
سلمان: علاااش نتي ضريفة هكااا. علااش نتي حنيينة وقلبك صاافي هكا
وقف عليهم السيرفور: موسيو شنو بغيتو
سلمان شاف صفاء: كتاكلي الحوت
حركات ليه راسها بأه حشمانة
سلمان: جوج بلا دلي بواصون ولي صلاد. وجوج عصير ليمون
السيرفور قيد الطلب ومشا.
سلمان :نكملو كلامنا . جاوبيني على السؤال
صفاء خدودها حمارو كتحشم ملي كيشكرها شيحد: شنوو غانجاوب
سلمان: علاااش نتي هكا مختاالفة كلشي فيك مختالف كأنك جيتي من كوكب تاني . لبسك غريب وطبعك غريب. مساااالمة وطيبة عمرني شفت شيحد ضريف بحالك. لمن شبهتي اكيد ماماك كانت حنينة
صفا: الصراحة كانت حنينة عليا. واخا ماعاقلاش مزياان
