🍒 الفصل الثاني: إعتذاري منكي لن ينسيكي
في الغابة.
فهد بصوت عالي باش يسمعوه: هييي شكون نتوماا ...
واش كتفهموني بشمن لغة كتدوييو
Hiii are you speak english frensh
(كتدوييو بالإنجليزية الفرنسية ؟)
والو لا من مجيب ، سحر كانت بدات كتاكل وهي تسمعو كايهدر هاكاك بجهد مافهماتوش شنو كيقول حيت الصوت بعيد عليها قالت يمكن كيعيطليها ، ناضت مقاتلة كتشد بين الصخر حتى شدات التوازن بزز ، تفقدات الخنجر ديالها حيت مايمكنش يخرجو بلا بيه وخرجات عندو واخا شاداها الدوخة , غير خرجات تصدمات من شي لي شافت ، فهد فالوسط باينا عليه ما فاهم تا لعبة كيحاول يتواصل معاهم ، وناس غراب مقدمين ناحيتو شادين خشاب طوال و كاين لي شاد رماح موجهينهم ناحيتهم ، سحر قربات عند فهد كتجري ، بغاو يهربو والو محاصرينهم من كل بلاصة
فهد بعصبية : علاش خرجتي علاااااااااش
سحر :علاش دابا هاد الهدرة ، كان خسك نبقا لداخل و نتا ؟؟(ماجاوبهاش) دابا شكون هادو لي جايين جيهتنا واش بنادم
فهد : ماعرفتش أختي ماعرفتش ولكن من حالتهم كنضن غادي يكونو من القبائل البداية لي ماعندهم علاقة بالبشر وكيعتبروه عدوها حيت عايشين بوحدهم ، بفف عمري ضنيت غادي نتيق هاذ الخرافات
سحر : دابا شغنديرو راه قربو عددهم كبير و ماعندنا كيفاش نهربو
فهد : غادي نتحاربو معاهم هذا الحل لي كاين
سحر جبدات الخنجر : أهااااااااه هما لي جناو على راسهم
فهد شاف فيها : على سبة ، المهم ردي البااااال
عملو وضعية القتال كيستناوهم إمتى يديرو شي حركة ، هادوك الناس وصلولهم ودارو بيهم حتى ولات بيناتهم مسافة قليلة
فهد : حنا غادي نبداو نهجمو باش ما نعطيوهمش الفرصة فين يغفلونااا
سحر : سييييير
ضربة رجليهم مع الأرض بجهد و انطلقو كل واحد فجهة باش يشتتوهم ، لوخرين حتى هوما وجهو الأسلحة ديالهم جيهتهم و بداااو كيقولو شي كلام بشي لغة غريبة
الاشخاص : حنا ولاد القضيب لي قربلينا يطيب
هوووووو هوووووو هوووووو
تقدمو حتى هوما كيجريو منقاسمين على سحر وفهد لي كانو مهاجمينهم بدورهم و فيديهم الخناجر غير قربوليهم بداو كيضربو بيهم فين ماجات الضربة يا الرجل يا اليد المهم يهدوهم ، لوخرين واخا عددهم كبير ولكن قوتهم ماشي كبيرة مقارنة مع فهد و سحر لي كانو كيدورو حتى كيدوخوهم و يرجعو يعليو رجليهم مطيحين بضربتهم عدد لا يستهان به منهم واخا حتى هما كلاو شي ضربات خايبة نضرا للأسلحة لي كانو عندهم خصوصا سحر لي كانت مريضة كتضرب و هي مفشولة أما فهد فكان بلكمة وحدة كيطيح 4 ، وكيشد جوج كيخبطهوم مع بعضهم حتى كيطيحو كاااو
سحر بالغوات وهي كتضرب : مااااعرفتش منييين كيخرجو ،مكاااااايتساااالاااوش
فهد ولا حمر و تا هو بصوت عالي : غييير حاااولييي ما تستاسلميييش ليهم رااا مااعااارفينش شنو باغيين منناااااا
سحر و هي شادة واحد تحت دراعها كتجيفو و يد كتركل بيها التانييي كتبعدوووو : كاااانحاااول
بقاو مقاتلين معاهم ضربة فيهم و ضربة فلوخرين حتى كان قلبهم غادي يسكت و هو ما بغاوش يتسالااو واخا ضربو بزاف و لكن عددهم كان كبير ، سحر تهدات يدها كتدرها و زيد عليها المرض و دابا هادو ما بقاتش قادة توقف على رجليها طاحت للأرض و بقاات معافرة معاهم غير بواحد الحديدة كتبعدهم واخا الدنيا كتدور بيهاا
فهد سالا من هادوك لي كانو محاصرينو ،دار عندها و هو يشوفها بديك الحالة تقدم عندها كيجري و هو يسمع شي أصوات جايين من جيهة الغابة كيتسمع غير
( هوووو هووووو هوووو )و شي كلام مامفهومش ، شوية و هما يخرجو بزااف بيهم من بين الشجر كلهم هازيين الرماح ديالهم عددهم لا يحصى ، سحر غير شافتهم و هي تغوت
