🍒 الفصل الأول: بدونك لا اهوى الوجود
سحر: كملي شنو طرا ف فرنسا
أماني كل مرة كنت كنحاول نتقرب ليه كان كيصدني يمكن كان عايق بمشاعري وكان كيتفاداني .
واحد النهار كان فاق بكري قبل صحابو ونزل لكافي لي فلأوطيل يشرب قهوة . أنا لقيتها فرصة مشيت سلمت عليه وطلبت نجلس نفطر معاه. هو ماعتارضش وسمحلي نجلس . بقيت كنحاول نجبد معاه الحوار وهو كيجاوبني قد الهدرة ويسكت .وفواحد اللحضة صونا تيليفونو وناض يجاوب . كانت سحر لي صونات.. قبل ما يرجع خويتليه الغبرة فكاس القهوة .
سحر: ياك قلتي يالاه هادي تلت سنين باش بديتي كتعطيها ليه
أماني: ديك المادة ماكانتش ديال النسياان
سحر: وديالاش
أماني: سحور
سحر وفهد عينيهم خرجو بقاو مصدومين كيفش زعمة سحرات ليه عصام هاد المدة كلها كان مسحور
فهد ناض مغلغل بالعصاب شدها وبقا كيضرب فيها غير لراس حتى دوخها: كيفااااش سحووور سحرتييي لخووويا القح*بة
سحر بقات هاكاك مبلوكية ماكاترمشش كدور فبالها السينطا من الأول كيفاش كان كارهها ماحاملش وجودها معاه فالقصر. كيفاش كان كيسممها بكلامو غير باش تمشي الإهانات لي كان كيهينها رمشات عينيها وشافت فأماني وشافت فحالتها كيفاش مدقدقة ولامحها مشوهين واخا هاكاك ماشفاتش غليلها
فهد بعصبية: كيفاش سحور وفين درتيه وعلااااااااش
أماني كتهدر بصعوبة لسانها ترخى باغية غير تتفك: درتها حيييت كنبغيه أنا كنبغيييه
فهد:هادا حب . لي كيبغي كيأذي حبيبو لي كيبغي كيضمرو. شفتييه كيتعذب حداك وخليتيه. شكووووون دارليك هاد السحر وفيين طامراه
أماني: ماعارفاش شكوون
فهد: كيفاش ماعارفاشش. شمن نوووع ديال السحر
أماني : سحر أسود.. تفرقة وكره.. وحب ليا.. ونهار يفكر يخليني يمووووت
فهد شدلها راسهااا وضربو مع الحيط بقوة: أاااااااااااااااااااااع بنت القح*بة ينعل ديلمك خويااااااا. خوياااااااااااا تديريليه هادشي كلو وحنا ماعارفين والو ضربها حتى سخفات وعاود فيقها بلكمة نالكرش
سحر غير كتصنت مابقاتش نطقت كتشوف فمنحى واحد
فهد : كملييي ينعل ديلمك فين دايرة هاد السحر
أمانى : م اعرفتش
فهد: كيفاااااااااااش ماعرفتييييش . السحر فيييين مدفووون
أماني: ماشي هنا ماشي فالمغرب
فهد وسحر شافو فيها بصدمة
فهد: وفيييين
أماني : فواحد الدولة فإفريقيا كاينة شي قرية معروفة بالسحر الأسود
فهد: وشكوون صايبولك
أماني: صاحبتي لي كانت كتعرف شي حد كيمشي لتما. وعطيتو الفلووس وهو لي مشا صايبو وجابو ليا وأنا غير وكلتو ليها
فهد: وفيين هو داااك لقلا*ويي
أماني: ماعارفااااااااااش كنهدر معاه غير فالتيليفون.
فهد: كملي شنو طرا ف فرانسا.
أماني: من بعد ما شرب القهوة طاح غيب هزيناه وديتو لغرفة ديالي بقا تلت يام ناعس ملي فاق فاق مبدل ماحاملش راسو سحر كانت كتصوني ليه هرس تيليفونو وبقا بوحدو مدة. تما بديت أناكنتقرب ليه. السحر بدا المفعول ديالو. كره سحر ومابقاش حامل سيرتها وبدا يحس بالحب جيهتي . بقينا مع بعضنا طول الرحلة.قرر يجي يسالي مع سحر ويتزوج بيا. والباقي نتو ما عارفينو
فهد: وملي هو مسحور علاش كنتي كتعطيه دواء النسيان
أماني : حيت خفت . مأخرا بدا يتذكرها ويسولني عليها خفت لايكون مفعول السحر مابقاش بديت كنعطيه الدواء باش ينساها فمرة ووهمتو بلي هي وحدة خايبة وخارجة على الطريق باش يزيد يكرهها
فهد جبد التيليفون من جيبو: وهاد الرسالة لي عاد وصلات( المهمة تمت بنجاح . ) شنو كتعني
أماني : حيت عاودت السحر من جديد
سحر بقات كتصنت عليها حتى حكات القصة كاملة. وبدون شعور ناضت كتجري هزات الخنجر قربات منها كتشوف فيها بحقد وأماني كترجاها بعينيها ماديرهاش . هزات يديها بقوة وخشات الخنجر وسط كرشها حتا ردات الدم و عينيها تقلبو. خلاتها كتموت لاحت الخنجر من يديها وخرجات .
فهد شافها شنو دارت وأماني ترخات ميتة. هز الخنجر مسحو فحوايجها دارو فجيمو . وجبد المسدس تيرا فخوها جابليه القرطاسة فراسو . وخرج تابع سحر
