🍒 الفصل الثاني: إعتذاري منكي لن ينسيكي
اما عند عصام فاق معطل حيت بايت يخمم ويفكر فالطريقة لي يكسبها بيها وبدل حوايجو شرب قهوة كحلة وكما سجارة باش يتكالما ويعرف يتفاهم معاها بهدوء وروية. باغي يلقى حل . صافي هادشي طلع ليه فراسو . خرج من بيتو متوجه لعندها. حل لباب ودخل مالقاهاش شاف فالحمام والدريسينج مالقاهاش. كان خارج وهو يرجع ملي شاف باب البلاكار محلول والبلاكار مافيهش حوايجها تصعق وقلبو ضرب فالتسين. لتاني مرة كينوض وماكيلقاهاش. شنو غادي تكون مشاات غادي تكون هربات تاني ومايلقاهاش اكيد إدا مشات هاد المرة ماغاديش ترجع وعمرو باقي يحلم يشوفها. خرج و نزل كيجري لقا غير فهد يالاه نازل وقف عليه صدمو
عصام: فييييييين سحر
فهد ماعرف باش تبلا: ماعرفتش يمكن ناعسة
عصام بصرااخ: مااااناعسااش ماكايناش وحتى حوايجها ماكاينينش
مراد كان فالمكتب هو وياسين سمعو الصداع وخرجو: مااالنا تاني على الصداع
ذكرى كانت فالكوزينة خرجات كتجري : مااالكم
عصام ماداهاش فيهم وخرج كيجري وهوما تبعوه. وقف حتى لعند الكارد
عصام : فييين سحر
واحد من الكارد تمتم بخوف حيت بانليه معصب: خ خرجااات
عصام: إمتىىى شحال باااش خرجااات
الكارد: تقريبا سااعة
عصام هز يديه على شكل لكمة ودربو لكمارة حتى رعفو: علااااااااش خلييييتوهااااا تخرررررررج . رباااااعت الزا*مل مااافيكم نففففع زادو لكمة تانية حتى جرو مراد من عليه
عصام: طلقنيييي الوااااليييد ليووم نحو*يييييي مهم
مراد: فهد ياسين اجي جرو معايا هدا نالمكتب نشووفو هاد الحريرة تاني
جروه حتى مالمكتب دفعوه حتى دخل عاد دخلو وراه
عصام:واااااا طلقوووني خليوني نلحقهاا لمطاار
فهد : فيين غادي تلحقها اصاحبي ماتوصل حتى تكون طيارتها مشااات
ياسين: تهدن اصاحبي باش تعرف شنو تدير
عصام هز الكوب لي فيه الأقلام من فوق البيرو ودربو مع الحيط حتى شتتو: وشنووووووو غنديير. صاافي
إدا مشااات عمرنييي نعاااود نلقاااها.
شاف ف فهد وشاف مراد
عصام: عاااونوني عاونوني نلقاها
مراد : سحر اصلا عمرها ترجع ليك. نتا أذيتيها بزاااف مستاحيل تقدر تسامحك. من الأحسن نسااها علييك
