🍒 الفصل الثاني: إعتذاري منكي لن ينسيكي
بقاو كيهضرو شي نصف ساعة حتى كيسمعو صوت الكلاكسون . خرجات الخدامة تشوف شكون ورجعات دخلات.
ذكرى:شكوون
الخدامة:موسيو يوسف الالة بغا ليليان تنزل
ذكرى: واخا طلعي عيطي ليها .الله يرضي علييك
بلقيس هضرات معاها بهمس: واش متأكدة من داكشي لي قلتيلي
ذكرى: ماعرفتش انا غير درت الإحتياط وصافي
بلقيس: غادي يكوون عارض عليها لشي عشاء رومانسي
ذكرى: انا بغيتهم غير يتوالمو ويتصالحو . ليلياان دريوشة وبغيتها بحال بنتي
بلقيس تنهدات: كلنااا بغيناها بحال بنتنا
ذكرى عضات على فمها وشدات ليها فيداها.
مرت دقائق ونزلات ليليان بطلتها الرائعة الفستان مزيير وكيتجر على الأرض مبين فورمتها المنحوتة والطرمة لي عطاها الله ودايرة فوقو كاب مغطيه من الفوق حيت معري. الميكاب سامبل مبين جمالها ولون عينيها الزمرديتان وشعرها بوكلي مطلوق وشادة جيهة منو بمقبط فالذهبي. ذكرى وبلقيس بقاو مسحورين بيها اما يوسف راه غادي تصطيه.
ذكرى: جيتي فنة ابنتي
بلقيس:كتحمممقي
ليليان بتاسماات: شكرا مامي شكرا خلتو.
ذكرى :يالاه سيري ابنتي راه من قبيلة وهو كيساين
ليليان:واخا ماما
ذكرى: اجيي شوفي رضي لبال راسك
ليليان: راه غادا مع يوسف اماما
ذكرى: راه تما فين كاين المشكل
ليليان: نعاام
ذكرى: والو ابنتي غير سيري وسمعي ليه الهضرة
ليليان شافت فيها بإستغراب وخرجات. كطقطق بالطالون حتى وصلات قدامو
هو كان موكي على الطموبيل و داير رجل على رجل ومهبط راسو على الطيلي غير سمع الحس حداه علا راسو وهو يتصدم عينيه خرجو بقا مبلوكي مامتيقش هادشي لي كيشوفو عينيه. واش هادي حبيبتو لي ديما ساحراه. بلا ميشعر نطق
يوسف : مااشااااء الله
ليليان بتاسمات
يوسف تنهد علا راسو لفوق ورجع هبطو كيشوف فيها : هااااااد الزين كلووووو ديالييي
ليليان بتاسمات بخجل وهبطات عينيها نالأرض
يوف شدها من يديها وقربها ليه: يخليلي الزين الحشمان. هز ليها يديها وبااسها ومد يديه فالهواء على شكل تفضلي حل ليها الباب بحال شي برانسيس .ركبات عاد سدو ومشا لبلاصتو
دخل وسد الباب طموبيل وعلا عينو غير كيشوف فيها ويتنهد : كل نهار كتزيدي تصدميني نتي فتااانة وكتزيييدي تفتنيييني
ليليان غير كتبتاسم وتعض فشنايفها وجهها حمر عمرها سمعات هاد الكلام من عند شي دري
يوسف: وشحااااال كتجيييي معاك الحشمة
ليليان قلبات عينيها بخجل: وااااااصافي
يوسف: ههههههه صافي الالة صافي. مد يديه لجيب السروال وجبد واحد التوب مخبيه: تسمحي ليا نخطفك اميرتي
ليليان: كيفاش تخطفني
يوسف: بغيت ناخدك لبلاصة غادي تكون مفاجئة
ليليان: علااش . ياك عارضني لعشاء فريسطو خليني نشوف
يوسف: اسمعي الهدرة ياهاد البنت
ليليان: هانا دير لي بغيتي
يوسف قرب مبتاسم دار ليها التوب على عينيها ربطو من لور وباسها من خدها وتحرك خارج من لقصر. بقا غادي مسافة وهو شاد ليها فيديها وكيصوك باليد التانية
ليليان: واااصافي خليني نشوف
يوسف: رجعتي لتشيطين تاني. صبري راه قربنا
