🍒 الفصل الثاني: إعتذاري منكي لن ينسيكي
فمكان تاني فباب المارشي وقفة صفاء كتهز الخناشي وتحطهم وسط الهوندا لي قدام الباب. ومعاها اشرف كيعاونها.
صفاء: اشرف الله يهديك تقديتي السلعة سير بحالك. راه هادشي مولفاااه
اشرف: لا غير خليني نعاونك فهاد الخناشي عاد نمشي.
صفاء: ههه هانتا عاونتيني فهادو رااه مازااال غادي نهز أخرين. غير سير
اشرف: انا بغيت نهز معاك هادو نتي مالكي
صفاء هزات الخنشة بصعوبة عاضة على سنانها وحطاتها وسط الهوندا: اععععع اه هووووف. تنهدات كلها كتقطر وجهها حمر.
اشرف حتا هو هز صندوق حطو وشاف فيها: شربتي دواك
صفاء ماشافتش فيه : احم شرابتو
اشرف: امممممم. بغيت نسولك
صفاء مسحات جبهتها بكوم الصورفيت: سول
اشرف: دوووك الدراري كيف تعرفتي عليهم
صفاء: لبارح ملي مشيت مع كوتر لبحر
اشرف خنزر:نديل*مها ديما كنقول ليها ملي تكوني غاديا لخدمتك. خليها عليك ماتاخدكش معاها.
صفاء حكات جبهتها بتوتر:الله يهديك شمن خدمة راه مشينا جلسنا جنب البحر شوية وصافي وهي تلفات عليا تلقاني سلمان وعاوني
اشرف:اممم جنب لبحر. ديما كنقوليك ماكتعرفيش تكذبي. بحال ملي كذبتي قبيلة وقلتي شاربة دواك
صفاء: هزات صندوق وحطاتو: هووووف.. واصااافي الله يهديك. ماكانكذبش. اصلا شكوون غادي يديها فيا. وأنا كي العزري.
اشرف:راااه بنادم خااايب. غير حييت نتي مختالفة يقنيو عليك ويبغيو يجربوك. والله يستر يديرولك شيحاجة تشربيها ويتعداو عليك. ونتي فحال لهبيلة غير حالة فمك
صفاء خنزرات خنزورة حلوة: ودابا علاش هاد التجريح
اشرف :شوووفي نتي. بنادم وسط وجهك كيضحك عليك. ونتي ماراضاش البال.
صفاء: علاش شكون بالسلامة ضحك عليا
اشرف: هاداك فالصباح ماشفتيهش كيفاش عاملك
صفاء:شكوون سلمااان
اشرف: لا هاداك لي معاه
صفاء:ولد خالو. علااش مسكين شنو دار
اشرف ضحك بإستهزاء: مسكيين ماشفتيهش ملي نزل من الطموبيل حال بزطامو زعما باغي يخلصك
صفاء:راااه عادي اي واحد كان غادي يديرها. انا صيبت ليه طموبيلتو . من الأداب خصو يعرض عليا الخلاص. وانا ماوافقتش
اشرف: ماااشي بداك الأسلوب
صفاء: انا جاتني عادي .
اشرف: ومالو غير مخنزر.
صفاء: وماعرفتي ظروفو كيف دايريين..يقدر يكون مريض..ضاراه شيحاجة..عندو شي مشكل..
اشرف: نتيي نية بزاااف. غير نتي قلبك بيض حسابليك كلشي بحالك
صفاء: والله يهدير اخويا. الإنسان خاصك تعطيه اعذار ماشي تحكم عليه غير حيت مخنزر. يمكن طبعو هاكاك
صفاء جات تهز خنشة وهي تحس بالموس تغرص ليها فقلبها. طيحاتها من يديها فالأرض. اشرف شد فيها مخلوووع
اشرف: صفااااء ختي نتي بيخير.
مول الهوندا شافها لاحت الخنشة من يديها جاء صاعر
الشخص: مااااااااااال ديل*مك فيديييك الحلوة
اشرف شنق عليه وضربو بلكمة:ندييي*نمك كيسعااااك
الناس جاو كيفارقوهوم
الشخص: ماااقادش على الخدمة يمشي يتق*ود علاش مزاحم فالسوق
اشرف جاء يكمل عليه والناس شدوه. رجع يهز قرعة دالماء وتحنى عطاها تشرب
هي وجهها كان صفاار وكتنهج . شربها وهي كترعد
اشرف: نتييي بيخيير صفاااااء ماتخلعينيش شوية
صفاء كتنهج : ماتخافش . نرتاح شوية ونرجع نكمل خدمتي
اشرف جهل وبدا يغوت: ينعععععل ديل*مهااااااا خدمة لي غادي تقتلك . زيدي قداامي
صفاء: م مانقدرش م محتاااااجا الفلوس
اشرف : غير زيدي انا نعطييك
صفاء: نتا عارفة ماعاندكش
اشرف: شحاااااااال خاااااااصك.
صفاء: بعد غدا عندي الرونديفو الطبيب وخاصني 1500 فيزيطا. وزيد الدواء تسالا. خاصني 2000 درهم .... يعني 3500 درهم خاصني بعد غدا. وانا عاد عندي 400 درهم. (وقفات كترعد) غير خليني نوض نكمل
اشرف ضرب واحد الصندوق برجلو غادي يبكيي: ينعععععععععل ديل*مووووووو الزلط . ختي كتضيييع وانا مكتف
صفاء شدات فيه صفرة وتحت عينيها زراقو اللون مخطوف منها:شوووو صافي تهدن
اشرف شاف فوجهها وقربها بالجهد ضامها ليه بقوة: سيري لدار رتاحي ليووم. أنا غادي نحمل الخناشي فبلاصتك. سيري اختي. وغادي نلقاو حل سيري . باسها من جبهتها. وخرج معنقها يشد ليها طاكسي
