🍒 الفصل الثاني: إعتذاري منكي لن ينسيكي
بعد ساعة الكل جالس على مائدة الإفطار منغير سحر لي مزال مانزلت .
عصام كان باين على وجهو مرتاح. ويوسف كل ماكيشوف فليليان كتجيه الضحكة اما هي ماكاتشوفش فيه وإدا شافت فيه كيضرب ليها غمزة كيتلفها وتنزل عينيها. وذكرى غير حاضياهم وفرحانة بيهم.
بلقيس: فين سحر ماموالفاش تبقا ناعسة حتى لهاد الوقت
عصام كان كيشوف فطبسيل وهدر: جات عيانة لبارح على داكشي مازالة ناعسة
بلقيس بتاسمات : شنو الأمور تقادات بيناتكم
عصام شاف فيها وغمزها: من ديما مقادة
مراد حنحن وهدر: شنو دابا أعصام غادي نرجعو بحال شحال هادا
عصام: مافهمتش
مراد: فاهمني. لبارح نعستي معاها فبيت واحد شنو غادي ترجع دير فحال ليكنتي كتدير
عصام : غير ولف عليها الواليد
مراد: هي تاني غادي نرجعو نالكاميرات
عصام: الكاميرات غادي نقلع بوهم من الحيط.
مراد: ادن ماتبقاش تنعس حداها بليل
ليليان ماشعراتش براسها حتى نطقات: ااااه ابابا قول حتى ليوسف مايبقاش ينعس معايا
يوسف بدا كيكحب وذكرى دارت يديها على وجهها اما دراري كلهم شافو فيوسف بنص عين مبتاسمين.
ليليان ملي شاف فيها يوسف بتخنزيرة عاد ردات بالها وهبطات عينيها نالأرض
مراد: يوسف راجلك ينعس معاك تنعسي معاه نتي. شغلكم هاداك. أنا كنهدر مع هادو لي مازالين بلا زواج
عصام: قرييب
مراد شاف فهد: شنو درتي فالمشروع لي غادي تبني
فهد: مازال عندي مشكل فالأرض غير نحلو غادي نبدا
مراد: الله يسر
مزالين كيهضرو حتى سمعو حس شيحد نازل . كلهم دارو يشوفو فيها. إلا عصام لي بتاسم
