🍒 الفصل الثاني: إعتذاري منكي لن ينسيكي
وسط القصر كلهم كانو مجموعين فصالون منغير عصام لي مازال ناعس
نهار كلو مافاق كلشي تجمع عليه السكرة وزيد أيام بقا بلا نعاس. ناض خاصر لقا راسو وسط بيتو تنهد بسخط وناض منرفز كره هاد البيت لي كان جامعو بأماني واخا بدل السرير والأتات لي كان فيه. واخا هاكاك مامرتاحش قال مع راسو فأقرب فرصة غادي يصلح جناح تاني ويتحول ليه.
ناض نيشان نالحمام خدا دوش خفيف باش يصحصح قاد لحيتو وخرج لبس عليه سروال جينز وقاميجة فالأسود هز تيلفونو وخرج.هابط مخنزر وشاعل مشا نيشان عندهم لصالون كيقلب على سلمان وفهد لي جابوه. لقاهم جالسين كيتحدتو فأمور الشركة حتى وقف عليهم
عصام بعصبية: علااااش جايبيني لهنا ياك قلت ليكم مابغيتش نجي
كلهم سكتو ودارو شافو فيه
ذكرى: بسم الله عليك أوليدي خلعتيني. شنو كنتي باغين يخليوك بوحدك مريض . علاش ماعندك دار ماعندك عائلة
عصام قرن حاجبو بإستغراب: مريض
فهد بتاسم: اه مريض ماشي جينا عندك لوتيل لقيناك مريض وجيبناك باش تبقا حدانا.
عصام: اممم مريض. لمهم أنا غادي
مراد: شنو هادشي كادير أعصام . شنو مابقيتيش باغي تعيش معانا تلاتة شهور ونتا عايش فلوتيل
عصام: لا ماشي هاكاك غير مرتاح بوحدي
سلمان كان مركز معاهم حتى كيحس بفيفرور فجيمو جبدو لقا مساج حلو وهو يبتاسم
*****: الأمانة وصلات
تنهد وبقا كيساين باغي يتفرج فالمشهد دازت جوج دقائق بدا كيتسمع صوت الطالون فالكولوار.
داخلة لابسة سروال جينز مزييير على مؤخرتها وتيشورت فالموف مغلوق وطالون فالأسود صاك صغير فيديها .
كلهم كانو كيهدرو مع عصام كيحاولو يقنعوه يبقا حتى سمعو صوت الخدامة كتهدر
الخدامة: مرحبااا مرحبااااااا بلالة سحر
كلهم سكتو وبزربة دارو حيت الصالون مفتوح على الكولوار. كيشوفو سحر بعيدة شوية كتسلم على الخادمة وعطاتها الشانطة تطلعها وتقدمت بشوية جيهتهم.
عصام مادارش كان فقط كيسمع صوت إقاع الطالون لي كيضرب بحال قلبو كيحس بالدنيا كتدور بيه. كأنه أول مرة غادي يشوفها . ماهو بصح أول مرة غادي يشوفها من بعد الغيبوبة لي كان عايش فيها. طول هاد المدة لي كان كيشوفها كان كيحس بالكره جيهتها. لكن فهاد اللحضة لعكس كيحس بحب وشوق كبيييييير قلبو غادي يوقف مامتيقش أخيرا غادي يشوف سحر الصغيورة ديالو. بنتو كيف كيقول .
وصلات عندهم وكلهم قربو كيسلمو عليها فرحانين بوجودها منغير ميسون لي غير شافتها قلبات عينيها ومشات لبيتها .
اما عصام فكان فصراع بينو وبين نفسو واش يدور ولا ميدورش. ولكن شوقو ليها غلب ودار بشوية. اول ماشافها حس بقلبو غادي يخرج ماكرهش يمشي يحيدها ليهم ويخشيها فحضنو مايطلقهاش. كانت مبتاسمة كتسلم عليهم وتعنقهوم شعرها الأسود طالقاه على كتافها خدودها حومر بسخانة الطيارة والطموبيل.
حقق فكل تفاصيل فوجهاا باغي يشبع عينيه لي توحشوها نزل عينيه على القميجة دالحرير لي كانت لابسة حالة صديفات الفوقانيين ومطلعا ليها يديها شوية زاد نزل عينيه غير شاف السروال لي غادي يتفركع على فورمتها خنزر. أصلا من ديما ماكيخليهاش تلبس الحاجة مكروزة عليها. هادشي ملي كانت صغيرة وفورتها على قدها. عاد دابا ملي كبرات وفرمتها فاضت وتحرفات . خنزر وكيقول مع بالو. مازااال عندي خدما بزااف باش ترجع كيف كانت . حاضيها وماباغيش يزكل حتى لحضة من شوفتها.
اما هي سلمات عليهم كاملين وعلات راسها فيه حتى تلاقاو عينيهم. عينيه كانو كيحكيو ليها كلشي بلاما يتكلم. كانو كيقولو ليها توحشتك. سمحيلي ماشي بخاطري ..ضميري قاتلني..ماقادرش على بعدك... كبغييييييييييييييييييك
الكلهم كانو واقفين وكينتاذرو شنو غيديرو. أكيد اللقاء غادي يكون حار بيناتهم.
سحر تنهدات ودارت جوج خطوات وقفات قدامو. علات راسها شافت فعينيه وبتاسمات ومدات يديها
سحر بإبتسامة: خوياااا عصام على سلامتك فرحت ملي شفتك بيخير.
#يتبع
نتشاوفو غدا كنت ناوية نلوح عشرين ساعة ملي شفت عدم تفاعلكم براكة غير هادوو
