🍒 الفصل الثاني: إعتذاري منكي لن ينسيكي
سحر بإبتسامة: خوياااا عصام على سلامتك فرحت ملي شفتك بيخير.
عصام تصدم من كلامها. وفنفس لوقت فهم مخططها وأنها باغية دير خطت التجاهل. لكن معامن جاات. مع عصام لي حاجتو عزيزة عليه وماكيخليهاش واخا يطرا لي طرا. بتاسم جنب ومد يديه مرحبا بنت عمي لعزيزة توحشناك (قرب لودنيها وهدر:) خوك رضعاتني مك
سحر بعدات قبل ماتوتر : يتوحشك الخير أولد عمي.
خلاتو واقف ومشات جلسات كلشي كان واقف مصدوم من تصرفاتهم كانو متوقعينهم يتعانقو ويبكيو ماشي هاكا
جلسو كلهم كيتحدتو وعصام جالس على ناار باغي غير ينفارد بيها ماقادرش يهدر معاها قدامهم.
بلقيس: والله يابنتي خلعتيني حسابلي ماغاديش ترجعي
سحر: علاش كتقولي هاكا كانت عندي غير الخدمة ساليتها وجيت
عصام حاضيهها بنص عين كيتمتم: اممم خدمة علاما كويت مك على هاد الخدمة غير صبري عليا
سلمان: وشمن موضوع قلتي غادي تهدري معانا فيه
سحر: سلمان ماشي قتو
عصام علا حاجبو مخنزر. من طبعو ماكيحملهاش تهدر
مع شيحد واخا يكون سلمان.
ذكرى:علاش أبنتي إدا عندك ماتقولي قوليه ماحدنا كلنا مجموعين .
سحر:ماشي شي حاجة أماما الأمر كيخصني
مراد: بنتي إدا كنتي باغية تتشاوري فشي موضوع حنا كنسمعو
سحر: فالحقيقة فكرت مزياان فهاد الموضوع وفالأخير وصلت لهاد القرار. (عصام غير مخنزر كيساينها شنو تقول ).الصراحة كان عندكم الحق. أنا فنييت راسي بزاف وضاروري نفكر شوية فحياتي الشخصية ماشي غير العملية.
مراد: اكيد خاصكي تفكري فراسك
عصام كيشوف فيها وخنزر فحالا عارفها شنو غاتقول
سحر: داكشي لي قلت حتى أنا أعمي. خاصني نعطي فرصة راسي ونكمل حياتي مانبقاش هاكا.
مراد: اهاه وشنو القرار
سحر : أنا قررت نتزوج بأيمن
لي سمعوها كلهم تصدمو وقطعو الحس كيشوفو فيها ويشوفو فعصام.
أما هو كان هادئ واخا النار شاعلة فيه بتاسم جنب وعلا يدو حك حاجبو وكيشوف فيها. بحالا كيقول ليها كملي كملي كلامك.
أما هي ملي دخلات وهي كتفادا الشوفة فيه
ذكرى: أويلي أبنتي شنو كتقولي
سحر: علاش أماما أويلي. شنو قلت غادي نتزوج. الزواج فيه اويلي
ذكرى غير كتمتم تشوف فيها وتشوف فعصام لي عينيه مامهبطهومش عليها. من طبعو مقزدر ماكيحشم من حد
ذكرى: و والكن
سحر: شنو ولكن ياك نتي لي كنتي كتقنعيني بيه.
مراد: احم بنتي هادا قرار مهم وخاصك تفكري مزياان قبل ماتاخديه
سحر حركات راسها بأه: فكرت ومزياااان. هاد القرار ماشي بين ليلة ونهار خديتو. راه درستو من جميع النواحي. أيمن ولد الناس وكيبغيني .
(غير قالت كيبغيني عصام دوز لسانو على شنوفتو مغدد)
ومن شحال وهو كيساين قراري. ولكن دابا صافي وصل الوقت المناسب
بلقيس: المشكل أبنتي ماشي فأيمن لمشكل أنه.
سحر قاطعاتها: ماكاين حتى مشكل مادام ولد الناس وباغيني نالحلال علاش غادي يكون المشكل
ذكرى كتشوف فعصام وفيها: شنودابا.
الكل كان حاضي الفيلم يوسف وليليان وسلمان وأكرم وبراءة وفهد وحتى ميسون جالسة.
سحر: دابا غير جيت نعلمكم أن الخطوبة غادي تكون من هنا لأسبوع.
غير قالت هاد الكلام عصام دوز صبع يديه على نيفو ووقف بهدوء كيعلي الكمايم دالقاميجة وقرب حتى لعندها ووقف وهو مازال كيعلي القاميجة. هي غير شافتو قدامها تبلوكات وتبلونطات عينيها خارجين فيه .
هو كمل القميجة وعلا راسو فيها مخنزر. جرها بقوة من دراعها حتى وقفات (تحت أنضار الجميع) وهي مازال فصدمة علاها من يديها و هزها دارها فوق كتفو ودار طالع فالدروج هازها على كتفو
الدراري كلهم لي كانو جالسين ضحكوو وقالو: هوووووووووباا
