Under the red sky , Over the moonlight

Part - 10

ဆေးရုံဆေးခန်းဆိုလျှင် သိပ်မရောက်ဖြစ်သောသူမှာ ကာားကိုပါကင်ဝင်းထဲထိုးပြီးနောက် ဆေးရုံထဲသို့ဝင်လာလိုက်သည်။

"ပတ်ဆောင်းဟွန်း ဝင်လို့ရပါပြီနော်"

သူနာပြုမလေး၏နာမည်ခေါ်သံကြောင့် အခန်းထဲဝင်လာလိုက်တော့

"နာမည်ကြားကတည်းက မင်းလို့ထင်သားပဲ။ အမတို့မတွေ့ရတာ ဘယ်လောက်တောင်ကြာပြီလဲ ဆောင်းဟွန်း"

ကြည်လင်သောအပြုံးဖြင့်နှုတ်ဆက်ကာ မေးလာသောဆရာဝန်မလေးအား ဆောင်းဟွန်း စားပွဲရှေ့ရှိဆိုဖာ၌ဝင်ထိုင်ကာ

"အဲလ်ဒန်ကားအက်ဆီးဒင့်ဖြစ်တဲ့နှစ်မှာ နောက်ဆုံးတွေ့ခဲ့တာဆိုတော့ ၇နှစ်လောက်ရှိမလား"

"အဲ့လောက်တောင်ကြာသွားပြီလား။ အမက မင်းကို social media မှာတွေ့နေကြဆိုတော့ အချိန်တွေကုန်သွားတာ ဒီလောက်မြန်မယ်မှန်းသတိမထားမိဘူး။မှန်းစမ်း...မင်း...ပိုလှလာတာလား...?"

သူ့ကိုအကဲခတ်ရင်း ဆိုလာချိန် ဆောင်းဟွန်းတစ်စုံတစ်ရာကိုရိပ်မိသွားရန်မျှော်လင့်ခဲ့သည်။ သူ့အားအတန်ကြာစူးစိုက်ကြည့်နေသူမှာ အစကတောက်ပသောမျက်ဝန်းတို့ထက် အတန်ငယ်တွန့်သွားကာ

"ဆောင်းဟွန်း...မဟုတ်မှ!"

ထိုအချင်းအရာကိုဆောင်းဟွန်းအပြုံးဖျော့ဖျော့ဖြင့်တုန်ပြန်လိုက်ရာ သူမ,မှာ အခန်းတံခါးဝသို့လျှောက်သွားပြီး သူနာပြုမလေးအားတစ်စုံတစ်ခုပြောကာ တံခါးအားလော့ခ်ချလိုက်သည်။ ထို့နောက်သူ့အရှေ့တွင်ထိုင်လျက်

"မင်းသူ့ကိုရှာတွေ့ခဲ့ပြီလား ဆောင်းဟွန်း။မင်းဘယ်လိုသိသွားတာလဲ"

"အင်း။အစကမသေချာပေမယ့် အခုတော့သူဆိုတာကျိမ်းသေတယ်။သူ့ရဲ့ pheromones အနံ့တွေ ကျွန်တော်ရတယ်။ဘယ်ကတကည်းက အဲ့ဒီအနံ့ရနေခဲ့လည်းမသိပေမယ့် နောက်ပိုင်းသူ့အနားကိုရောက်ရင် သိသိသာသာခံစားလာမိတာ"

အီသန့်ရဲ့ စန္ဒကူးနံ့သင်းသော pheromones တွေကို သူသဲသဲကွဲကွဲခံစားမိသည်။ အခြားအယ်လ်ဖာ နဲ့ အိုမီဂါတွေရဲ့ pheromones ကိုမခံစားနိုင်သေးပေမယ့် အီသန်ကတော့ချွင်းချက်ပင်။