طيوف الماضي

البارت(12) طيوف_الماضي الكاتب#احمد

وصلولنا البارت 200 لايك ❤
#طيوف_الماضي
بقلم #احمد
البارت_12
.
.
جنى: دا احجي ويا ميلاد وكبت العيطة وصوت نهال تصرخ بعلو صوتها اريد اتحرك من مكاني ماكدر من الخوف والهبطة وقبل ما نطلع طببتها امها وهي مدري شبيها بس تصارخ وتلطم
.
.
ميلاد: شبيج نهال بس فهميني
نهال: ولج يريد يغتصبني ولج اخووووووووي
مبلاد: عزا بعينو اكيد سيف مو
.
.
نهال: ولج كون سيف يكطعو ويخلصني منو
ميلاد: دنعل ابوك لابو شرفك
جنى: تعاي ميلاد ارجعي
.
.
تركتنا وطلعت شالت مزهرية وغافلتهم وضربتو كل قوتها الا كسرت المزهرية براسو وهو وكع عالكاع وراسو صار يجري دم وصارلهم صياح
.
.
هي تركتهم وانهزمت لوحدة من الغرف وقفلت الباب وتركوها واخذو سيف وطلعو وهي من سمعت الهدوء عرفتهم راحو وطلعت تضحك
.
.
الام: لج انتي مخبلة هسا يشوفوج الضيم
ميلاد: خيطيرون وابوي هم يرادلو هيج ضربة
الام: الله يستر
.
.
نهال: دنعل ابو الي يبقى بهالمهجوم هذا
الام: دكعدي وين رايحة هالمرة اذا طلعتي بس الله يعلم شيصير بيج اكعدي واستري على نفسج
.
.
نهال: شنو من ستر يمة يا ستر واخوي ابن ابوي وامي يريد يغتصبني بس كليلي وين الستر التحجين عنو
الام: ليش اني عاجبني الوضع
.
.
جنى: امهن صارت تبجي وتضرب بوجهها وتلوم بنفسها لان تزوجت ابوهن نهال خطية كعدت بالزاوية وتبجي والبنات التمن على امهن ويبوسن بايدها وراسها علمود تهدا
.
.
اني جنت مثل الصنم بس واكفة واباوع وجان وضعهن يبجي الصخر منين ما يتوجهن مسكرة الابواب بوجهن وما عندهن حل يخلصن بيه منهم واني حالتي مثلهن
.
.
شفت الوضع متكركب دخلت بسرعة اخذت العباية وطلعت حاولن يمنعني وما قبلت طلعت من البيت كلت انهزم منهم اذا اختو ما خلصت منو باجر اني اوكع بيها
.
.
مشيت بالفرع ودخلت بفرع ثاني جانو اكو ثنين واكفين براس الفرع من شفتهم وكفت وهم انتبهولي واجو يركضون علي يريدون يمسكوني
.
.
رجعت ركض للبيت كوة لحكت ادخل واسكر الباب وكلبي يدك الف دكة بالثانية من الخوف اجن البنات والام ركض على صوت الباب وحجيتلهن
.
.
الام: مو كلتلج انتظري يا بنيتي
جنى: شمعرفني هيج
الام: واتعس من هيج احمدي ربج ما لزموج
.
.
ميلاد: يمة اني ما اريد ابقى
الام: انتي روحي ادخلي بغرفتج اذا اجو هسا الا يصلخون جلدج عن عضمج
.
.
ميلاد: وتريدين انتظرهم لحد ما يجون
الام: لا لعد تروحين ويلزموج الانكس من اخوانج
ميلاد: ماما اذا بقيت يدفنوني واني عايشة
.
.
الام: ادخلي لوحدة من الغرف انتي وخواتج وسكرن الباب ولا تفتحن ابد وانتي جنى روحي وياهن
جنى: تمام
.
.
الام: واذا دفعو الباب اوكفن وراه لحد ما يملون
ميلاد: تعاي ويانا ماما لا تبقين لحالج
الام: اني ما دخلني روحن انتن للغرفة
ميلاد: تمام
.
.
جنى: من دخلنا للغرفة .. شلون اجاج نهال
نهال: جنا نايمات اني وعلياء كل وحدة بفراش وما حسيت الا هو مسكر حلكي ويريد يفتح ملابسي وكوة كدرت اوصل علياء واكعدها من النوم
.
.
جنى: هاي اختو هيج لعد الغريبة شلون
نهال: الله ياخذو هو وابوي واخواني بيوم واحد
جنى: واذا راحو راح يجون الشباب الي هنا ويسوون اكثر منهم
.
.
عليا: الله يلعن ابوي ويلعن جدي من خلف هيج ساقط
جنى: ماكدر اكول غير آمين لان يستاهل
علياء: لج هو ترا حط قانون المرة الي تطلع ما الها والي
.
.
جنى: شلون يعني
علياء: هو كاللهم المرة الي تطلع لحالها سوو بيها الي يعجبكم ومحد يحاسبكم
.
.
جنى: وهو شدخلو ويكوللهم هيج
علياء: غير هو اول واحد سكن هنا ويشتغل ويا صاحب الارض الي مبنيات بيهن البيت
.
.
جنى: بس من طلعت هسا مبينة منطقة سكنية
علياء: اي قسمها بشكل افرع وينطي رشوة لاصحاب الاراضي الي حوالين المنطقة علمود يسكتون عنو
.
.
جنى: لعد شنو يستفاد
علياء: يستفاد بلاوي لان يجون هنا ناس زناكيل وطافرين ومستعد ينطي مليون للبنت الي تعجبو وهالمليون نص لصاحب الكاع والباقي للبنت واهلها
.
.
جنى: شلون يعني الها ول اهلها 
علياء: يبيعون بناتهم للي ينطي اكثر
جنى: عوووع شبيهم ماعدهم شرف
.
.
علياء: لج والله لو تسمعين الي ديصير هنا تتخبلين
جنى: ترانا كاعدات ومنتظرات المصايب احجي
علياء: اي وربي ما تنلامين يسوون المصايب وتوكع بروسنا
جنى: احجي احجي خيولون
.
.
علياء: قبل فترة غسلت الملابس الظهر وشريتهن والدنيا صيف وتعرفين بالصيف يصير غبار وتتبهدل الملابس فرحت انزلهن بالليل من صعدت سمعت ونين بسطح جيرانا وتقربت عالصوت لكيت بنت جيرانا واخوها
.
.
جنى: من كالت هيج طلعت من الغرفة ركض كوة وصلت الحمام واستفرغت احس حتى معدتي استفرغتها شكد ما الكلام مقزز
.
.
اجت امهن تسأل كلتلها ماكو شي بس معدتي تلعب من الهبطة وكالت ارجعن بسرعة للغرفة قبل ما يرجعون ويشوفونكن وتتورطن
.
.
واني غسلت وجهي ورجعنا للغرفة بس مابقى الي حتى مزاج علمود ارجع افتح الموضوع وعلياء هم كالت خيولون ربهم يحاسبهم على افعالهم واحنا مدخلنا بيهم
.
.
جنا كاعدات وسمعنا صوت واحد من الولد يصيح بالبيت مبين هسا اجى ودك الباب يريد ميلاد تطلع وما طلعت وبقى يصيح لحد ما مل وراح
.
.
والي فهمناه من حجيو ان صاير عند سيف نزيف داخلي بالدماغ ومأثر على ذاكرتو ميلاد على كد ما جانت خايفة بس بنفس الوقت فرحانة بالي سوتو
.
.
وتكول لو بيكن خير جان ما كدرو يتحكمون بينا ولو هم ابوي واخواني كل واحد بيهم يحصل هيج ضربة علمود يتأدبون ولو بايدي اسوي حفلة واكضيها دك وركص وخواتها يضحكن على خبالها
.
.
اني رغم الخوف الي جنت احس بيه بس كمت اضحك على سوالفها صارت الساعة 3 وطفينا كلنا لان مو متعودات عالسهر فرشت الفرش ميلان
.
.
جانت هي وعلياء وميار بفراش واني ونهال وميلاد بفراش توكلنا على الله ونمنا وما كعدنا لل 12 الاب والولد باقين ويا سيف بالمستشفى ومو راجع منهم بس علي
.
.
كعدت لكيت البنات كاعدات بس ما طلعن من الغرفة وينتظرن امهن من يروح علي تجي تكوللهن بال 11 اجت كالت افتحن الباب واجانا الفرج وسوينا انتشار بالبيت
.
.
الي راحت للصالة والي للحمام والي للمطبخ حطتلنا ميلان الغدا وتغدينا كلنا ويا بعض وكلتلهن شعجب ميلان وميلاد اسمائهن يتشابهن والمفروض ميار يكون اسمها ميلاد
.
.
كالن ابوي حب يبدا بميلان ويختم بميلاد يعني البداية والنهاية تتشابه اسمائهن اني اكثر وحدة تقربتلها هي ميلاد لان قريبة كلش من عمري فرق بيناتنا سنتين بس
.
.
تغدينا وخلصنا وراحن ميلان وميار يغسلن المواعين وبقينا اني والبنات نحجي والام كاعدة عند باب الصالة تنتظرهم يجون تركت البنات ورحت كعدت يمها كلتلها خالة اكو شي
.
.
الام: لا يمة ماكو شي
جنى: لعد ليش كاعدة هنا لحالج تعالي اكعدي ويانا
الام: خليني هنا مرتاحة اكثر
.
.
جنى: خايفة على سيف
الام: والله يمة مو خايفة عليه بكد مو خايفة على ميلاد
جنى: ما نخليهم يمسكوها كلنا ندافع عنها
.
.
الام: ابوها ما يتركها وما ينسى حقود كلش
جنى: بس مستحيل نعوفها لحالها
الام: اني وكعت نفسي ووكعت بناتي بهالحفرة
.
.
جنى: هذا امر الله مابيدج شي
الام: ونعم بالله إن شاء الله ربي يعوضهن بدال الي شافنو بحياتهن من ضيم ومذلة
.
.
ميلان: يمة خلصنا المواعين
الام: عفية بنيتي عاشت ايدج
ميلان: الله يعافيج ماما يلا تعاي ليش كاعدات هنا
.
.
الام: روحي يمة اخذي خواتج للغرفة ترا راح يجون
ميلان: وانتي يمة
.
.
الام: اني ما دخلني بس هم اذا مسكو ميلاد يدفنونها وهي عايشة
ميلان: ماشي يمة مثل ما تريدين
.
.
جنى: عفناها تجر حسرات وتندب حظها الله يعينها كضت عمرها بنص الضيم ماعرف شلون تحملت رجعنا للغرفة وسكرنا الباب وكعدنا نحجي ويا بعض
.
.
قبل المغرب بشوية اجى صوت ابوهن يرعد وصيح وينها هاي الك...ة اليوم احرك عشيرتج وعشيرة الخلفج وينج يالعايبة وينج يالساقطة
.
.
حجى على بنتو حجي حتى بنات الليل يستحن منو جان يدور بالغرف واخير شي اجى عالغرفة الي احنا بيها وحاول يفتح الباب وما انفتح وكام يدك بقوة ويصيح علينا علمود نفتحو
.
.
ويكول اذا ما انفتح الباب اكسرو وادخل اسوي واعمل بيكن وبعراضكن وصلت بيه انو يهدد بناتو اذا ما فتحن يكسر الباب ويسلب شرفهن بنفسو
.
.
البنات جانن وجوهن صفر واني بعد اكثر منهن الوحيدة ميلاد وضعها احسن منا وتكول اذا دخل انومو عند ابنو والي ما تدافع عن نفسها ما دخلني بيها
.
.
شوية واجى صوت الولد وياه ويدكون الباب البنات وكفن ورا الباب علمود لا ينكسر بس اني وميلاد بقينا اني من الخوف ومن هول الموقف ماكدرت اكوم من مكاني
.
.
وميلاد من سمعت صوت اخوانها زاد خوفها دورت بالغرفة ولكت حديدة فوك الكنتور طلعت هي حاطتها كالت من يدخلون الي يحصل ضربة من هالحديدة الله يرحمو
.
.
بقو يدكون لحد ما ملو ولا الباب انكسر ولا البنات فتحنو اخير شي ملو وراحو والاب كال الا ما تفتحن الباب واني اعلمكن من راحو رجعن كعدن البنات
.
.
بس ما اسولفلكم على كمية الخوف الي حسينا بيها بس الحمدلله ماكدرو يدخلون شوية واجت الام فتحن الباب ومن دخلت رجعن قفلنو
.
.
كالت لا تطلعن واني احاول اجيبلكن ماي او اكل لحد ما تهدا الاوضاع ونشوف شنو نتصرف ورجعت طلعت وقفلن الباب بعد العشى بشوية جابت صينية عشى دخلتها وراحت
.
.
وكعدنا اكلنا بس من دون مشتهة على كولنا اهلنا حشي مصارين لا اكثر وبعد ساعة رجعت اخذتهن
.
.
كالتلها ميلان علمود تطلع تغسل المواعين وكالتلها ابقي عند خواتج المواعين اكدر اغسلهن بس اذا دخلو عليكن ماكدر انقذكن واخذت المواعين وراحت
.
.
ميلان: هسا شنسوي
ميلاد: نبقى كاعدات هنا شنسوي يعني
ميلان: ياربي اذا ندافع عن نفسنا نطلع عايلات واذا نسكت مايفيد وياهم
.
.
ميلاد: يستاهل ويارب كون يفطس بالمستشفى وما يرجع
ميلان: علمود يقضي علينا ابوي
ميلاد: الي يسمعج يكول احنا عايشات
.
.
ميلان: اكو فرق يا عيني
ميلاد: وشنو الفرق
ميلان: احنا دائما عندنا امل نخلص منهم اذا مات سيف شيخلصنا منهم
.
.
ميلاد: طز بيهم
جنى: لو طالعة منا البارحة جان بلغت عليهم
ميلان: واذا بلغتي منو يكول نستفيد
.
.
جنى: المهم نحاول
ميلان: يمعودة اذا راحو ابوي واخواني بس الله يعلم بحالنا
ميلاد: نهج من هالمكان ونروح لبيت جدي ابوي امي
.
.
ميلان: واذا سألو عن ابوج واخوانج شتجاوبيهم
ميلاد: شجاوبهم يعني غير احجيلهم الحقيقة
ميلان: ويبقون يعايروج بهالحقيقة طول عمرج
.
.
جنى: بس مهما كان يا ميلان عيشتكم هناك احسن
ميلان: والله يا جنى مابقى عندي ثقة باحد لا اهلي ولا الغريب
جنى: ما الومج والله
.
.
ميلان: وانتي هم الله يخلصج منهم ويرجعج لعمج
جنى:آمين .. بس تدرين خايفة
ميلان: من شنو
.
.
جنى: ان من ارجع انخطف مرة ثانية
ميلان: لا هالمرة راح يديرون بالهم عليج اكثر من قبل
جنى: اعرف بس مو بايدي
.
.
ميلان: الله يريح كلبج
جنى: بس اريد اعرف الي شافوني البارحة شبيهم تكول اول مرة يشوفون بنت بحياتهم
.
.
ميلان: مو البنات الي هنا كلهن يطلبن فلوس فيعتبرون البنت الي تطلع لحالها وبالليل هم غنيمة ياخذوها ويسوون الي يعجبهم بيها وما ينطون دينار واحد
.
.
جنى: الله ياخذهم
ميلان: هواي نسوان تعرضن لاغتصاب بسبب هالشي
جنى: وليش يطلعن اذا يعرفن ممنوع
.
.
ميلان: اقصدلج اول ما طبقو هالقانون هذا وصار وياهم اشياء ما تتسولف واهلهن ممنوع يحجون شي لان القانون يتطبق عالكل والي مو عاجبو يطلعوه
.
.
جنى: على اساس مكان شحلاتو ويبقون بيه
ميلان: المهم ما عليه رقابة لو محاسبة
جنى: معقولة الدولة ما تعرف بيه
.
.
ميلان: اكو احتمالين الاول ان الدولة ما تعرف بيه والثاني ان تعرف بيه وتاركتو ويجون الي تابعين للدولة يتونسون ويا النسوان الي هنا ويروحون
.
.
جنى: او ياخذون فلوس من صاحب الارض
ميلان: ما اعتقد لان مو بحاجة فلوسو
جنى: شعجب ابوكن ما انطاكن لاحد
.
.
ميلان: علمود  يبقى هو احسن من البقية لان محد لمس نسوانو واي كلام يكوللهم اني احسن منكم ولا مو لخاطر سواد عيونا لو حبا بينا وبشكولتنا
.
.
جنى: بس والله انتي وخواتج كلكن حلوات حرام تبقن بهيج مكان وتعيشين هاي العيشة
ميلان: تسلمين حبيبتي هاي قسمتنا بعد
.
.
جنى: زين خوالج ما شفتيهم ابد
ميلان: لا لان اجو هنا ابوي وامي قبل ما يجي سيف
جنى: حيييييل كلش هواي
ميلان: وانتي ما حجيتيلي عنج انتي واهلج
.
.
جنى: يبوووو ذكرتيني بيهم والله شكد ما احجي قليل بحقهم ابوي يتخبل اذا ابجي لو اتمرض مرات يبقى الليل كلو كاعد يم فراشي اذا اتمرض
.
.
وماما جانت بعد اكثر منو وعايشة عيشة ملوك وكلشي كوم واخوي هيثم كوم ثاني جان بالنسبة الي حياة مو اخ هو سندي بالدنيا
.
.
من فتحت عيني عالدنيا وهو يهتم بي ويحبني لحد ما انقتل قبل ما انخطف ولو ابقى ابجي عمر كامل ما اوفي حقو ولا يعبر عن فقداني الو
.
.
ميلان: ياااااا منو قتلو
جنى: ماعرف بس اتهمو صديقو بالبداية بس هو بريئ
ميلان: وشكد صارلج مخطوفة
.
.
جنى: ٦ سنين من عمر 11 لحد ال 17 سنة
ميلان: وشلون جنتي عايشة
جنى: ملكة ماكو شي ناقصني يومي مكضيتو لعب وطبخ واكل والي اريدو يوصلني
.
.
ميلان: وليش انهزمتي لعد
جنى: ما عجبني الوضع
ميلان: ليش ما عجبج الوضع اذا مثل ما تحجين
.
.
جنى: مهما كان هذا يتسمى خطف وفقدان عمي وعمتي كلش اثر على نفسيتي وفوك هاي ينتظرني اكبر علمود ياخذ بيت ابوي ومحلاتو ويتزوجني غصب عني
.
.
ميلان: وليش ياخذ المحلات اذا يريد يتزوجج
جنى: يكول ياخذهن لشخص ثاني مو الو
ميلان: وليش يريد يتزوجج
.
.
جنى: يكول من سمعت قصتج حبيت اساعدج
ميلان: والله يا جنى غلط انهزمتي
جنى: مو بايدي ميلان ماكدر افرط باملاك بابا
ميلان: وهسا فرطتي بكلشي
.
.
جنى: مهما كان ما يجي واحد ياخذ تعب ابوي وهو مستريح بابا تعب سنين مو يوم ويومين لحد ما كون بيتو ومحلاتو وهالتعب لازم اني احافظ عليه
.
.
ميلان: والله ماعرف شكلج من جهة وياج حق ومن جهة وكعتي نفسج بمكان كلش نكس
.
.
جنى: قسمتي ويجوز بيها خير ما اعلم بيه
ميلان: حاشا لله ان يظلم بس ما اعتقد يجي منهم خير
جنى: الحمدلله على كل حال
.
.
جنا نحجي واجت امهن سألت اذا نحتاج شي قبل ما نروح والبنات كالن نريد نروح للتواليت قبل ما ننام كالت انتظرن ابوكن واخوانكن ينامون وارجع
.
.
وراحت شوية يمكن نص ساعة لو اقل ورجعت كالت وحدة وحدة تروحن وبسرعة خلصن وارجعن لا يكعدون ابوكن واخوانكن ورحنا وحدة وحدة
.
.
نهال كالت اني ما اريد وبقت كاعدة اني رحت ثالث وحدة بس احس كلبي معصور من الخوف اخير وحدة بينا ميلاد راحت شوية وسمعنا صراخها جاي من التواليت
.
.
.......... يتبع
لايك وتعليق حلو مثلكم ❤
حطولنا ارائكم وتوقعاتكم ❤
بيج الفيسبوك @AS413