طيوف الماضي

البارت(37)طيوف_الماضي الكاتب#احمد

تصويت ومتابعه لحتى توصلكم باقي البارتات والقصص❤
#طيوف_الماضي
بقلم #احمد 
البارت_37
.
.
جنى: جنت متمددة واجت وحدة بعمري ركزت عليها وعرفتها هي نفسها صديقتي الي جانت وياي من انخطفت نزلن دموعها وركضت حضنتني وانفجرت بالبجي وتحمدالله على سلامتي
.
.
جنى: وين جنتي مختفية كل هالوقت
صديقتي: موجودة بس بابا ما يخليني اجي
جنى: ليش ما يخليج
.
.
صديقتي: يخاف علي يكول خاف يصيرلج شي
جنى: ايوا
صديقتي: شلون صرتي هسا
.
.
جنى: مثل مو شايفة لا ايد ولا رجل
صديقتي: الله يشفيج حبيبتي
جنى: كملتي دراسة لو لا
.
.
صديقتي: لا بطلت بالخامس
جنى: يااااا ليش
صديقتي: ما حبيت اكمل وتركتها
.
.
جنى: حاولي تقدمين خارجي
صديقتي: راح اشوف يجوز اقدم
جنى: اي حرام تضيعين كل هالتعب
.
.
صديقتي: اي صحيح
جنى: شبيج
صديقتي: لحد الان اتذكر من انخطفتي كدامي وربي متت خوف من هول المنظر
.
.
جنى: الحمدلله خلصت منهم
صديقتي: ماعرفتيهم منو
جنى: لا والله
.
.
صديقتي: خوما اذوج
جنى: الصراحة لا جنت عايشة ببيت لحالي وكلشي اطلبو يوصل لعندي بس من انهزمت تورطت
.
.
صديقتي: ليش
جنى: حجيتلها عن اهل سيف
صديقتي: بصدمة .. عشتي عند هيج ناس
.
.
جنى: بحسرة .. اي وشفت الي ما توقعت اشوفو بحياتي
صديقتي: مثل شنو شفتي
.
.
جنى: ذل اهانة عدم احترام حقارة خباثة نجاسة
صديقتي: همزين الله خلصج منهم
جنى: اي والله
.
.
بقت يمي لل 11 وراحت بال 12 جابتلي علاجي ماما والغدا وبعد الغدا نمت
.
.
مصطفى: كعدت ثاني يوم تريكت وجنت كاعد ويا علي وسمعنا صوت نسوان دخلن وكلتلو اروح شوية وارجع كال وين كلتلو اضربلي فرة بالمنطقة وطلعت
.
.
رحت فولت السيارة بانزين ورحت للسوك ضربتلي فرة لل 11:30 ورجعت تغدينا اني وعلي وكضينا اليوم بين السوالف والعصر طلعنا تمشينا شوية
.
.
ورحنا للكهوة تعللنا ويا جيران علي وتعرفو علي وقررت ثاني يوم اروح للبيت لان ماكدر اتأخر وكلت لعلي اي شي يصير وياك خابرني واذا احتاجيتني تلكيني يمك وثاني يوم الفجر توكلت للبيت المغرب وصلت دخلت وتلكتني امي
.
.
الحجية: هلا يمة الحمدلله عالسلامة
مصطفى: الله يسلمج يمة
الحجية: شلون صارت جنى
.
.
مصطفى: الحمدلله احسن
الحجية: الحمدلله على سلامتها
مصطفى: الله يسلمج .. اكلج يمة
.
.
الحجية: كول وليدي
مصطفى: ترا خطبت جنى
الحجية: غير تاخذ وياك عمامك
.
.
مصطفى: مو خطبة رسمية بس اخذت موافقتها هي واهلها ومن تتشافى اخذ عمامي ونروحلهم
الحجية: الله يقدملكم الي بيه الخير بس شعجب استعجلت
مصطفى: سويتها علمود ارتاح من التفكير
.
.
حجيت وياها واجو شاهين وكاضم من المضيف وكلتلهم يأجلون عرسهم منا لشهرين وكالولي علمود اخطب جنى ونتزوج كلنا بنفس اليوم وما وافقت
.
.
جنت اريد جنى تتحسن وترجع مثل قبل بعدين نتزوج لان الكسر يتأخر لحد ما يلتأم واني مو مستعجل عالزواج ومن حطو العشى تعشيت ونمت
.
.
جنى: ثاني يوم راح مصطفى وبابا جاب دكتورة فتحت الضماد عن وجهي وانطتني مرهم وكالت ما يحتاج بعد ضماد ومن كملت اخذها وراح
.
.
مرت الايام وبقيت بمكاني وماكدر اتحرك الا بمساعدة ماما واذا احتاج دكتور لو شي يجيبو بابا لعندي اتصالاتي ويا مصطفى انقطعت لان ماكدر امسك تيلفون بس بقى يتواصل ويا بابا ويتطمن علي
.
.
ماما صار شغلها الشاغل هو الاهتمام بي حتى هيثم ما تهتم بيه مثلي وكل شوية تجيبلي حليب علمود اشربو وبسبب اهتمامها بسرعة تحسنت وبالاخص انو صغيرة بالعمر فيكون الكسر بسرعة يلتأم
.
.
جانو جيران اهلي وعمامي الي يعرفون بي سويت حادث يجون يتطمنون علي ويتحمدولي بالسلامة ويروحون بعد الحادث بشهر تحسنت حالتي كلش
.
.
ولان بس متمددة واكل زاد وزني وكبرن خدودي وعلى كولة بابا صرت دبوبة مرة من المرات جابتلي التيلفون ماما علمود التهي بالفيديوهات بين من تسوي هي الغدا
.
.
وشكلتلي السماعات وشغلت الفيديو وحطت ورا التيلفون مخدة علمود يثبت وراحت من التهت هي صحت هيثم خليتو يقربلي التيلفون وعلمتو يتصل على مصطفى ومن اتصل كلتلو روح كمل لعب بس يمكن نص ساعة لحد ما كدر يتصل
.
.
مصطفى: الو
جنى: هلا مصطفى شلونك
مصطفى: الحمدلله وانتي .. خفت احجي واحد من اهلها يكون يمها ويسمعني
.
.
جنى: الحمدلله
مصطفى: شلون صرتي
جتى: هسا صرت زينة
.
.
مصطفى: يا بعد روحي انتي
جنى: اهلك شلونهم
مصطفى: منو يمج
.
.
جنى: ماكو بس هيثم
مصطفى: تمام
جنى: ما كلتلي اهلك شلونهم
.
.
مصطفى: عوفي اهلي وسألي عن حالي
جنى: ليش شبيك انت
مصطفى: محترك عليج
.
.
جنى: امممممم
مصطفى: جديدة هاي
جنى: اي
.
.
مصطفى: ايمتى نتزوج وارتاح
جنى: كافي فدوة
مصطفى: ليش كافي
.
.
جنى: هيج
مصطفى: غير مشتاقلج
جنى: واني هم
.
.
مصطفى: انتي شنو
جنى: تعرفها
مصطفى: احجيها
.
.
جنى: مشتاقتلك
مصطفى: اروحن فدوة لهالحلك الي ينكط عسل
جنى: يلا باي
.
.
مصطفى: وين رايحة
جنى: لازم اسكر
مصطفى: تمام
.
.
جنى: سكرت منو وكلبي يدك الف دكة انداريت لكيت امي واكفة بباب الصالة وتسمعني من شفتها انخطف لوني واريد احجي ماعرف شحجي من الفشلة
.
.
رؤى: مشتاقتلك
جنى: لا رد
رؤى: بضحكة .. والله وطلعتي مو هينة يا جنى
.
.
جنى: ضحكت وعافتني وراحت وكمت احجي على غبائي لان هي موجودة واني مو منتبهة لوجودها راح ابقى هيج غبية وثولة لحد ما الله ياخذني
.
.
بس الحمدلله ما عصبت علي جان اكلتها مدبسة واعتقد لان اني ومصطفى مخطوبين ما حجت شي والحمدلله هي سمعتني مو بابا جان من صدك تبهدلت
.
.
اجى بابا من للبيت فرحان ويضحك وصاح لماما كاللها تعالي بسرعة للصالة واجت كاللها شوفي وانطاها ورقة شو هي شافتها وضحكتها ترست وجهها واني مثل الاطرش بالزفة
.
.
باوعتلي واجت يمي حطت الورقة كدامي وقريتها طلعت درجاتي بالامتحانات وجانت اقل درجة 96 بالانكليزي وناجحة بمعدل 97 وبابا وماما كلش فرحو بنجاحي